<div class="article-content">
<p><strong>ព្រះសីហនុ ៖</strong> នៅព្រឹកថ្ងៃទី២៤ ខែឧសភា ឆ្នាំ២០១៣ វេលាម៉ោង ១០ និង៣០នាទី ក្នុងផ្សារ<br />លើ ទីរួមក្រុងព្រះ សីហនុ ស្ថិតក្នុងក្រុម១ ភូមិ២ សង្កាត់លេខ៤ ក្រុង-ខេត្ត ព្រះសីហនុ មាន<br />ករណីចោរឆក់ខ្សែករ ជាស្រ្តីម្នាក់ ដោយ ប្រើល្បិចថា ជាអ្នកទិញមាស ពីអាជីវករលក់មាស<br />ក្នុងផ្សារដោយប្រើល្បិច សួររកទិញមាស រួចឆក់រត់តែម្តង ។</p>
<p>តាមការឲ្យដឹង ពីសមត្ថកិច្ច ដែលប្រចាំការនៅផ្សារលើ ក្រុងព្រះសីហនុ បានឲ្យដឹងថា ស្រ្តី<br />ជនសង្ស័យមានឈ្មោះ ស្រី មាន ភេទស្រី អាយុ ២២ ឆ្នាំ មានមុខរបរ កម្មករ រោងចក្រ កាត់<br />ការ៉ូ នៅតំបន់សេដ្ឋកិច្ចពិសេសបិតត្រាំង ស្ថិត នៅឃុំបិតត្រាំង ស្រុកព្រៃនប់ ខេត្តព្រះសីហនុ <br />មានស្រុកកំណើត នៅឃុំរមាស ស្រុកដូនកែវ ខេត្តតាកែវ ឯស្ត្រី រងគ្រោះ មានឈ្មោះ ថេង<br /> ហៀង ភេទស្រី អាយុ ៦១ឆ្នាំ មានមុខរបរ អាជីវករលក់មាស នៅក្នុងផ្សារលើ ក្រុងព្រះ សី<br />ហនុ ខេត្តព្រះសីហនុ មានទីលំនៅក្រុង ព្រះសីហនុ ។</p>
<p>យោងតាមការអះអាង ពីស្ត្រីរងគ្រោះ បាននិយាយថា នៅមុនកើតហេតុ ខណៈគាត់កំពុងអង្គុយ<br />លក់មាស ដូច ធម្មតា នៅវេលាម៉ោងប្រហែល ១០ ព្រឹក ក៏មានស្ត្រីវ័យ ក្មេងម្នាក់ បានប្រើល្បិច<br />មកសួរកទិញខ្សែករមាស នៅពេល នោះគាត់ក៏បានទាញខ្សែករឲ្យមើល អស់ចំនួន ៣ ខ្សែ តែ<br />ស្ត្រីដែលជាជនសង្ស័យនោះ ធ្វើជាពុំត្រូវចិត្ត ហើយបាន សួររកខ្សែករណាដែលតាន់ ស្រប<br />ពេលនោះ គាត់ក៏បានលើកយកខ្សែករមួយខ្សែរទម្ងន់ ១ ដំឡឹងមាសមកឲ្យស្រ្តីសង្ស័យ ខណៈ<br />ដែលគាត់ហុចឲ្យមើល មិនទាន់នឹងផុតដៃស្រួលបួលផង ក៏ស្រាប់តែស្រ្តីសង្ស័យ បានឆក់យក<br />ខ្សែ រករទម្ងន់១ដំឡឹងនោះ រត់គេចខ្លួន ហើយបានប្រើល្បិចទម្លាក់ស្បោងខ្មៅ ដែលសុទ្ធតែ ក្រ-<br />ដាស ស និងស្នោរតាំប៉ុង បន្លំជាលុយដើម្បីឲ្យមនុស្សក្នុងផ្សារផ្អើល ទៅរើសដើម្បីបង្អាក់ដំណើរ<br />អ្នកទាំងនោះ ងាយស្រួល ក្នុងការគេចខ្លួន ប៉ុន្តែ បើទោះបីស្រ្តី សង្ស័យ ប្រើកលល្បិចបែបណា<br />ក៏ដោយ ក៏មិនអាចគេចផុត ពីក្រុមសន្តិសុខផ្សារនោះដែរ។</p>
<p>ស្រ្តីសង្ស័យបានឆ្លើយសារភាពថា ខ្លួនគេមានទីលំនៅ ខេត្តតាកែវ បានមកធ្វើជា កម្មករ នៅរោង<br />ចក្រកាត់ការ៉ូ មួយ កន្លែងមិនស្គាល់ភូមិឃុំ គ្រាន់តៃដឹងថា នៅក្បែរផ្សារ ស្មាច់ដែង ជាង ២ គីឡូ<br />ម៉ែត្រ ក្បែរផ្លូវជាតិលេខ៤ ។ ហើយ នៅថ្ងៃនេះដោយខ្លួនអត់លុយ ក៏បានសម្រេចចិត្តធ្វើបែបនេះ<br />តែម្តងទៅ ។</p>
<p>បច្ចុប្បន្ន ស្រ្តីសង្ស័យត្រូវបានសន្តិសុខផ្សារ បញ្ជូនខ្លួនទៅកាន់អធិការដ្ឋាន នគរបាល ក្រុងព្រះសី<br />ហនុ ដើម្បីសាក សួរបន្ត និង កសាងសំណុំរឿង បញ្ជូនបន្តទៅកាន់ ស្នងការដ្ឋាន នគរបាលខេត្ត<br /> ដើម្បីរៀបចំនីតិវិធី បញ្ជូនទៅ សាលាដំបូងខេត្តព្រះសីហនុ វិនិច្ឆ័យទោសតាមច្បាប់ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-015/T-0520.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>