<p><span style="color: #000000;"><strong>(ឧត្តរមានជ័យ)៖</strong> បុរសម្នាក់បានរងរបួសជាទម្ងន់ បន្ទាប់ពីត្រូវបុរសនៅភូមិជាមួយគ្នា ទាញពូថៅដេញកាប់ បន្ទាប់ពីពួកគេមានទំនាស់ពាក្យសម្តីនឹងគ្នាបន្តិចបន្តួច។ ហេតុការណ៍នេះបានកើតឡើង នាវេលាម៉ោង ៣រសៀល ថ្ងៃទី២១ ខែឧសភា ឆ្នាំ២០១៦នេះ នៅភូមិដើមជ្រៃ សង្កាត់អូរស្មាច់ ក្រុងសំរោង។</span></p>
<p><span style="color: #000000;">សមត្ថកិច្ចបានឲ្យដឹងថា ករណីហិង្សាដោយចេតនាមានស្ថានទម្ងន់ទោស បង្កឡើងដោយបុរសម្នាក់ឈ្មោះ ឈឿន សុខា អាយុ៣៣ឆ្នាំ រស់នៅភូមិចំការចេក សង្កាត់អូរស្មាច់ ក្រុងសំរោង បានយកពូថៅ និងកាំបិតខ្វែវ ដេញកាប់ទៅលើឈ្មោះ ឡេង សុភ័ក្រ ភេទប្រុស អាយុ ៣៤ឆ្នាំ រស់នៅភូមិកើតហេតុ កាប់ចំនួន ២កន្លែង ផ្នែកខាងក្រោយ ក្រោមស្មាទាំងពីរ បណ្តាលឲ្យរងបួសធ្ងន់។</span></p>
<p><span style="color: #000000;">ក្រោយកើតហេតុកម្លាំងនគរបាលប៉ុស្តិ៍ រដ្ឋបាលអូរស្មាច់ បានចុះទៅដល់កន្លែងកើតហេតុ ធ្វើការឃាត់ខ្លួនជនសង្ស័យនាំមកកាន់ប៉ុស្តិ៍រដ្ឋបាល។ ចំណែកឯជនរងគ្រោះត្រូវបញ្ជូនយកទៅសង្គ្រោះនៅមណ្ឌលសុខភាព ។ បច្ចុប្បន្នជនសង្ស័យខាងលើ កំពុងបញ្ជូនមកកាន់អធិការដ្ឋានក្រុង ដើម្បីសួរនាំ និងកសាងសំណុំរឿងតាមនីតិវិធី៕</span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13254519_1604992306481801_634759143730038865_n.jpg?oh=53bd851c98d26102aa7205cd28736167&oe=57DED169" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13241202_1604992253148473_1248039483486643545_n.jpg?oh=df2f7878ddf4af487a8fd8618e8db7be&oe=57A04C91" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13256440_1604992246481807_1465063657834027839_n.jpg?oh=5ec413471762e3f14e42ab505325c614&oe=57E62FA7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>