<div class="article-content">
<p><strong>កំពត ៖</strong> ស្រ្តីកូនមួយម្នាក់ ត្រូវបានឃាតក មិនស្គាល់អត្តសញ្ញាណចាក់សម្លាប់ ក្នុងបន្ទប់បង្គន់ធ្លាយ<br />ពោះ វៀនមើលទៅគួរឲ្យអាណោចអាធម្ម ។</p>
<p>ហេតុការណ៍ឃាតកម្មនេះ កើតឡើងចន្លោះពីម៉ោង ៥ដល់ម៉ោង ៦ និង២០នាទីល្ងាច ថ្ងៃទី ២៣ ខែ<br />កញ្ញា ឆ្នាំ ២០១៣ នៅក្នុងផ្ទះវីឡាតឿរបស់ស្រ្តីរងគ្រោះខាងលើ ស្ថិតក្នុងភូមិទ្វីខាងជើង សង្កាត់<br />អណ្តូងខ្មែរ ក្រុង- ខេត្តកំពត ។</p>
<p>នគរបាលក្រុងកំពតបានឲ្យដឹងថា ស្រ្តីរងគ្រោះមានឈ្មោះ សៀង ចាន់ណាក់ អាយុ ៣០ឆ្នាំ មុខរបរ<br /> លក់ ឥវ៉ាន់ចាប់ហួយនៅផ្ទះ ។ បច្ចុប្បន្នរស់នៅភូមិសង្កាត់កន្លែងកើតហេតុខាងលើ ។</p>
<p>បើតាមកូនប្រុសរបស់ស្រ្តីរងគ្រោះ មានឈ្មោះ ចុង ព្រហស្បតិ៍វិសុទ្ធ អាយុ ១០ឆ្នាំ បានឲ្យដឹងថា ខ្លួន<br />បាន ចេញពីរៀននៅសាលាចិន មកដល់ផ្ទះវេលាម៉ោង ៦ និង២៥នាទីល្ងាចថ្ងៃទី២៣ ខែកញ្ញា ឆ្នាំ <br />២០១៣ ពេលមកដល់ផ្ទះឃើញមាត់ទ្វាររបើកតែអត់ឃើញម្តាយខ្លួន ក៏ស្រែករកម្តាយ ប៉ុន្តែ អត់ឃើញ<br />ម្តាយឆ្លើយក៏ ដើរទៅបន្ទប់ទឹក ស្រាប់តែប្រទះឃើញសពម្តាយដេកលើថ្លុកឈាម និងធ្លាយពោះវៀន <br />ខ្លួនភ័យពេកក៏ ស្រែកឲ្យម៉ូតូឌុបជួយលើកសពម្តាយមកដាក់នៅកណ្តាលផ្ទះ ហើយក៏មានការភ្ញាក់<br />ផ្អើលដល់អ្នកជិតខាង ទើបអ្នកជិតខាង ជូនដំណឹងទៅនគរបាល ។ ក្រោយរយៈពេលនៃហេតុការណ៍<br />ប្រមាណ ១ម៉ោង គឺកម្លាំង នគរបាលជំនាញបច្ចេកទេស នៃស្នងការដ្ឋានខេត្ត សហការជាមួយកម្លាំង<br />នគរបាលមូលដ្ឋាន ចុះមកដល់ ស្រាវជ្រាវធ្វើកោសល្យវិច័យ ធ្វើរហូតដល់វេលាម៉ោង ១០យប់ថ្ងៃ<br />ដដែលក៏ឃើញថា សពស្រ្តីរងគ្រោះត្រូវ ឃាតកចាក់សម្លាប់ចំនួន ១៤កាំបិត សុះពេញខ្លួន រួមទាំង<br />បាតដៃផង ។ មុនពេលសម្លាប់ក៏មានការ ប្រតាយប្រតប់គ្នាខ្លាំងណាស់ដែរ ។</p>
<p>បច្ចុប្បន្ននគរបាលជំនាញបច្ចេកទស មិនទាន់ហ៊ានសន្និដ្ឋានយ៉ាងដូចម្តេចនោះទេ ប៉ុន្តែ នគរបាល<br />ជំនាញ កំពុងសហការគ្នាបើកការស្រាវជ្រាវហើយ ដើម្បីកំណត់មុខសញ្ញាយកមកផ្តន្ទាទោសតាម<br />ច្បាប់ ។</p>
<p>តាមប្រភពអ្នកជិតខាងបានឲ្យដឹងថា ស្រ្តីរងគ្រោះស្លាប់មានប្តី មានផ្ទៃពោះបាន ៦ខែ ត្រូវប្តីលែង <br />រហូតដល់ កូនកើតបានអាយុដល់ ៧ឆ្នាំ ទើបយកប្តីថ្មីទៀត ហើយប្តីនេះយកគ្នាបាន ៣ឆ្នាំហើយ <br />រស់នៅជាមួយគ្នាម្តង ម្កាលទេ ពីព្រោះប្តីក្រោយនេះរស់នៅស្រុកឈូកឯណោះ ហើយជារបៀបប្តី<br />ហេងស៊យ ប៉ុន្តែ ក្នុងករណីឃាតកម្មនេះ ក្រោយពីបានទទួលដំណឹងថា ប្រពន្ធស្លាប់ហើយនោះ ប្តី<br />ក៏រហ័សរូតរះមកមើលប្រពន្ធជាបន្ទាន់ ដែរ។ សពត្រូវបានសមត្ថកិច្ចនគរបាលជំនាញ ប្រគល់ឲ្យប្តី<br />ក្រោយធ្វើបុណ្យទៅតាមប្រពៃណី ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-015/T-0932.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-015/T-0934.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>