<p><span style="color: #000000;">ព័ត៌មានអន្តរជាតិ ៖ ទ័ពអាកាសចម្រុះដឹកមុខដោយសហរដ្ឋអាមេរិក បានបើកការវាយប្រហារ សរុប ២៤លើក គិតត្រឹម ២៤ម៉ោង កំទេច ទីតាំង ISIS នៅ ក្នុង ប្រទេស ស៊ីរី និង អ៊ីរ៉ាក់ នេះបើយោងតាម សេចក្តីរាយការណ៍ ពីសារព័ត៌មាន Reuters ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/20/04a-20-01-2016--09-36-26.jpg"><img src="/FileManager/Articles/mce/2016/1/20/04a-20-01-2016--09-36-26.jpg" alt="" /></a><br /></span></p>
<p><span style="color: #000000;">ប្រភពបន្តឲ្យដឹងថា ថ្ងៃច័ន្ទកន្លងទៅនេះ ទ័ពអាកាស ដឹកមុខដោយសហរដ្ឋ បានបើកការវាយប្រហារ ដល់ទៅ ២១លើក ជិតទីក្រុង Ramadi ដោយបានកំទេច ទីតាំងស្តុកប្រេង និង រថពាសដែក ជាដើម ។ ខណៈការវាយប្រហារមួយចំនួនផ្សេងទៀត បានកំទេចទីតាំងស្នូល ISIS នៅតាមបណ្តាតំបន់មួយ ចំនួនផ្សេងទៀត រួមមាន ដូចជា Al Huwayja, Kisik, Mosul, Qayyara និង Sinjar ។ ថ្ងៃអង្គារ ម្សិល មិញនេះផ្ទាល់តែម្តង កងកម្លាំង Combined Joint Task Force ឲ្យដឹងថា ការវាយប្រហារ ដាច់ដោយ ឡែក ៣ផ្សេងទៀត ទ័ពអាកាស ដឹកមុខដោយអាមេរិក បានបើកការវាយប្រហារ កំទេច ទីតាំងស្នូល ISIS នៅក្នុងប្រទេស ស៊ីរីវិញម្តង ដោយ បាន កំទេចទីតាំង ស្តុក អាវុធ ២កន្លែងរបស់ ISIS ។ សរុប ត្រឹមតែ ២៤ម៉ោង ទ័ពអាកាស អាមេរិក វាយ ប្រហារ កំទេច ISIS ដល់ទៅ ២៤លើក នៅលើទីតាំង ២ ប្រទេស ផ្សេងគ្នា ស៊ីរី និង អ៊ីរ៉ាក់ ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/20/04a-20-01-2016--09-36-37.jpg"><img src="/FileManager/Articles/mce/2016/1/20/04a-20-01-2016--09-36-37.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>