<p>កាលពីថ្មីៗ កន្លងទៅនេះ យើងបានដឹងហើយថា មរតក រាប់លានដុល្លារ របស់តារាសំដែង Paul Walker ត្រូវបានគេ ប្រកាសថា នឹងផ្ទេរទៅអោយ កូនស្រីតែមួយគត់ Meadow Walker ដែល Rebecca Soteros ជាម្តាយ ។</p>
<p><a class="thickbox" title="" href="/FileManager/Commons/2014/3/20/03-19-14-paul-meadow-tmz-3-20-03-2014--14-12-18.jpg"><img src="/FileManager/Articles/mce/2014/3/20/03-19-14-paul-meadow-tmz-3-20-03-2014--14-12-18.jpg" alt="" /></a><br /><br /> ជាធម្មតា ការរស់នៅ និងបីបាច់ ថែរក្សាមុនពេល កូនអាយុ ១៨ ឆ្នាំគឺវា នឹងធ្លាក់ទៅលើ ម្តាយរបស់ក្មេង នោះ ។ តែខាងលោកយាយ Cheryl Walker ដែលត្រូវជា ម្តាយរបស់ Paul Walker ក៏បានទាមទារសិទ្ធិ ចិញ្ចឹម Meadow Walker ដែរដោយ បានអះអាងថា នាង Rebecca Soteros ជាមនុស្ស ញៀនស្រា ។ លោកយាយ Cheryl បានលើក ឯកសារ បញ្ជាក់ថា Rebecca ធ្លាប់មានប្រវត្តិ ចាប់ខ្លួន ពីបទបើកបរ ក្រោមឥទ្ធិពល ជាតិស្រវឹង ដល់ទៅ ២ ដងឯណោះ លើកទី ១នៅឆ្នាំ ២០០៣ និងទី ២ កាលពីឆ្នាំមុន ។ លោក Cheryl ក៏បន្តផងដែរថា អ្នកស្រី សាកសមជា អ្នកចិញ្ចឹម Meadow ណាស់ដោយ គាត់មានបទ ពិសោធន៍ ចិញ្ចឹមកូន ៤ នាក់ហើយ មានបទការចុះឈ្មោះ បញ្ជាក់ជា គិលានុបដ្ឋយិការ ទៀតផង ។ ខាង Rebecca មិនមានការ ឆ្លើយតបឡើយ ហើយបើតាម បណ្តាំមរតក Paul Walker បានបង្គាប់អោយ ម្តាយរបស់ខ្លួន Cheryl Walker ជាអ្នកចិញ្ចឹមកូនស្រី Meadow ។</p>
<p><a class="thickbox" title="" href="/FileManager/Commons/2014/3/20/paul-walker0-20-03-2014--14-12-27.jpg"><img src="/FileManager/Articles/mce/2014/3/20/paul-walker0-20-03-2014--14-12-27.jpg" alt="" /></a><br /><br /> គួរបញ្ជាក់ផងដែរថា Meadow នាងមានអាយុ ១៦ ឆ្នាំហើយ ទើបតែផ្លាស់ប្តូរ មករស់នៅ ជាមួយ និងឱពុក បាន ៣ ឆ្នាំប៉ុណ្ណោះ មុនពេលដែល Paul Walker ជួបគ្រោះថ្នាក់ បាត់បង់ជីវិតទៅ ។ ក្រៅ ពីនោះ យើងក៏ទទួលបាន ព័ត៌មានថ្មី ផងដែរថា ទ្រព្យសម្បតិ ដែលនឹងត្រូវផ្ទេរ មានប្រមាណ ១៦ លានដុល្លារ ប៉ុណ្ណោះខុសពី ការប្រកាស លើកមុន ដែលមានចំនួន ២៥ លានដុល្លារ ៕</p>
<p> </p>
<p style="text-align: right;">ប្រែសម្រួល ៖ លីលី<br />ប្រភព ៖ tmz </p>