<p>ប្រជាជនទូទាំងប្រទេស មានការសោកស្ដាយបំផុត នៅពេលទទួលព័ត៌មានថា អគ្គមេបញ្ជាការកងទ័ពដំបូង របស់វៀតណាម លោក វ័រ ង្វៀនហ្ស៊ាប (Vo Nguyen Giap) បានទទួលមរណភាព កាលពីវេលាម៉ោង ១៨ និង ៩នាទី ថ្ងៃទី ៤តុលា នៅមន្ទីរពេទ្យយោធា ១០៨ (ហាណូយ) ខណៈដែលលោកឈានចូលវ័យ ១០៣ ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/10/6/vo-nguyen-giap៦-06-10-2013--11-21-10.jpg"><img src="/FileManager/Articles/mce/2013/10/6/vo-nguyen-giap៦-06-10-2013--11-21-10.jpg" alt="" /></a></p>
<p style="text-align: center;"><em>មនុស្សមួយចំនួន ថែមទាំងបាននាំគ្នាក្រាបសំពះ គោរពដល់វិញ្ញាណក្ខន្ធអ្នកស្នេហាជាតិរូបនេះរបស់ពួកគេ។</em></p>
<p style="text-align: center;"><em><br /></em></p>
<p style="text-align: center;"><a class="thickbox" title="" href="/FileManager/Commons/2013/10/6/vo-nguyen-giap៣-06-10-2013--11-21-45.jpg"><img src="/FileManager/Articles/mce/2013/10/6/vo-nguyen-giap៣-06-10-2013--11-21-45.jpg" alt="" /></a></p>
<p style="text-align: center;"><em>ប្រជាជន រាប់រយនាក់ បាននាំគ្នាមកជួបជុំ នៅតាមដងផ្លូវ ខាងមុខផ្ទះរបស់ លោក វ័រ ង្វៀនហ្ស៊ាប និងគ្រួសារ ដែលបានរស់នៅតាំងពីឆ្នាំ ១៩៥៤ </em></p>
<p>ដំណឹងមរភាពរបស់អតីតអ្នកមានអំណាចបំផុតទីពីរ បន្ទាប់ពី ហូជីមិញ នេះ បាននាំឱ្យប្រជាជនវៀតណាមទូទៅ មានការសោកស្ដាយយ៉ាងក្រៃលែង។ ជាក់ស្ដែង កាលពីព្រលប់ ថ្ងៃទី ៥ កន្លងទៅ ប្រជាជនក្រុង ហាណូយ បាននាំគ្នាមកកាន់ផ្ទះលេខ ៣០ Hoang Dieu ជាទីដែលអតីតអគ្គមេបញ្ជាការកងទ័ព និងគ្រួសារ ធ្លាប់រស់នៅ ដើម្បីសម្ដែងមនោសញ្ចេតនា ការគោរពដឹងគុណ បន្ទាប់ពីទទួលដំណឹងថា អ្នកស្នេហាជាតិរូបនេះ បានទទួលមរណភាព។<br /><br />ប្រជាជនបានចាត់ទុកថា មរណភាពរបស់កំពូលមេដឹកនាំកងទ័ពដែលធ្លាប់បានច្បាំងឈ្នះបារាំង និងអាមេរិក រូបនេះ គឺជាការបាត់បង់ដ៏ធំធេងសម្រាប់ប្រទេសជាតិ។</p>
<p>បន្ទាប់ពីបានទទួលមរណភាព នៅបរិវេណខាងក្រៅភូមិគ្រឹះរបស់អតីតមេទ័ពដែលធ្លាប់មានស្នាដៃរំដោះជាតិដល់ទៅពីរលើករូបនេះ គេមិនទាន់ឃើញមានរៀបចំដាក់តុ ឬទីសករៈណាមួយ ដើម្បីឱ្យប្រជាជន មកអុជធូប ឬដាក់ផ្កា ដើម្បីសម្ដែងការគោរពដឹងគុណ។ ដោយមិនត្រូវបានអនុញ្ញាតឱ្យចូលខាងក្នុង ប្រជាជនមួយចំនួន ក៏បានយកផ្កាមកដាក់នៅក្បែររបងខាងក្រៅ។</p>
<p style="text-align: center;"><a class="thickbox" title="" href="/FileManager/Commons/2013/10/6/vo-nguyen-giap៥-06-10-2013--11-22-20.jpg"><img src="/FileManager/Articles/mce/2013/10/6/vo-nguyen-giap៥-06-10-2013--11-22-20.jpg" alt="" /></a></p>
<p style="text-align: center;"><em> ក្រោយមក ផ្កាដែលត្រូវបានប្រជាជននាំមក គឺត្រូវមន្ដ្រីនគរបាលបញ្ជូនចូលខាងក្នុងផ្ទះ</em></p>
<p style="text-align: center;"><em><br /></em></p>
<p style="text-align: center;"><a class="thickbox" title="" href="/FileManager/Commons/2013/10/6/vo-nguyen-giap៧-06-10-2013--11-24-15.jpg"><img src="/FileManager/Articles/mce/2013/10/6/vo-nguyen-giap៧-06-10-2013--11-24-15.jpg" alt="" /></a></p>
<p style="text-align: left;">បន្ទាប់ពីបានឃើញប្រជាជនមកច្រើន កូនប្រុស និងកូនស្រីរបស់សពលោក វ័រ ង្វៀនហ្ស៊ាប ក៏ចេញមកដល់ក្លោងទ្វារ ដើម្បីសម្ដែងការអរគុណ។ ប៉ុន្ដែ ចាប់ពីល្ងាចថ្ងៃទី ៦នេះ ភូមិគ្រឹះដែលមានសភាពចាស់ទ្រុឌទ្រោមរបស់គ្រួសារនេះ នឹងបើកទ្វារទទួលប្រជាជន មកចូលរួមរំលែកទុក្ខ។</p>
<p style="text-align: center;"><a class="thickbox" title="" href="/FileManager/Commons/2013/10/6/vo-nguyen-giap១-06-10-2013--11-24-39.jpg"><img src="/FileManager/Articles/mce/2013/10/6/vo-nguyen-giap១-06-10-2013--11-24-39.jpg" alt="" /></a></p>
<p style="text-align: center;"><em>ហូជីមិញ(Ho Chi Minh) និង វ័រ ង្វៀន ហ្ស៊ាប (Vo Nguyen Giap) នៅទីបញ្ជាការយុទ្ធនាការព្រំដែន ឆ្នាំ ១៩៥០</em></p>
<p style="text-align: center;"> </p>
<p style="text-align: center;"><a class="thickbox" title="" href="/FileManager/Commons/2013/10/6/vo-nguyen-giap២-06-10-2013--11-24-54.jpg"><img src="/FileManager/Articles/mce/2013/10/6/vo-nguyen-giap២-06-10-2013--11-24-54.jpg" alt="" /></a></p>
<p style="text-align: center;"><em>លោក វ័រ ង្វៀនហ្ស៊ាប កាលពីនៅមានជីវិត</em></p>
<p style="text-align: left;">គួររំឭកថា លោក វ័រ ង្វៀនហ្ស៊ាប កើតនៅថ្ងៃទី ២៥សីហា ឆ្នាំ ១៩១១ នៅខេត្រ ក្វាងប៊ិញ។ លោកបានក្លាយជាមេដឹកនាំយោធាដំបូងរបស់វៀតណាម។ ក្នុងយុទ្ធនាការធំៗ ប្រឆាំងបារាំង និងអាមេរិក លោកគឺជាមេបញ្ជាការផ្ទាល់ ក្នុងសមរភូមិ។ ពិសេស កេរឈ្មោះរបស់លោក ត្រូវបានគេស្គាល់ច្រើន តាមរយៈជ័យជំនះលើបារាំង នៅ ដៀនបៀនហ្វ៊ូ ឆ្នាំ ១៩៥៤ និងក្រុងសាយហ្គន ឆ្នាំ ១៩៧។<br />បន្ទាប់ពីដណ្ដើមបានវៀតណាមខាងត្បូង និងទទួលបានឯករាជ វ័រ ង្វៀនហ្ស៊ាប បានក្លាយជាឧបនាយករដ្ឋមន្ដ្រី រដ្ឋមន្ដ្រីការពារជាតិ (រហូតដល់ឆ្នាំ ១៩៨០)។ ចាប់ពីឆ្នាំ ១៩៨១ ដល់ ១៩៩១ លោកជា អនុប្រធានគណៈរដ្ឋមន្ដ្រី ហើយលោកក៏ជាតំណាងរាស្ដ្រ ចាប់ពីនីតិកាលទី១ ដល់ទី ៧ ។</p>
<p style="text-align: right;"><br />ដោយ ៖ តារា<br />ប្រភព ៖ VE<br /><br /><br /></p>