<p><span style="color: #000000;"><strong>(ភ្នំពេញ)៖</strong> ក្រោយពីសម្រេចចិត្តរៀបការ ហើយចេញទៅរស់នៅសាងសុភមង្គលស្នេហា ជាមួយស្វាមី លើដែនដីអូស្ត្រាលី អស់រយៈពេលជិត៧ឆ្នាំមកនេះ ស្រាប់តែតារាសម្តែងស្រីតួឯកក្នុងរឿង «ទុំទាវ» អ្នកនាង ដាញ់ ម៉ូនីកា ប្រកាសយ៉ាងភ្ញាក់ផ្អើលថា នាងនឹងវិលត្រឡប់មកសម្តែងជាថ្មី នៅទឹកដីប្រទេសកំណើតកម្ពុជា នាពេលឆាប់ៗនេះ។</span></p>
<p><span style="color: #000000;">ជាមួយគ្នានឹងការប្រកាស វិលចូលសិល្បៈជាថ្មី ពីសំណាក់តារាសម្តែងនាង ដាញ់ ម៉ូនីកា នេះដែរ កាលពីពេលថ្មីៗនេះ នៅលើបណ្តាញសង្គមហ្វេសប៊ុក របស់អតីតតារាស្រីរូបនេះ ក៏បានសរសេរបញ្ជាក់ថា« <strong>នៅចាំកុមារីម្នាក់នេះទេ ខ្ញុំនិងត្រឡប់ទៅសម្តែង សារជាថ្មី ព្រោះខ្ញុំនៅតែស្រឡាញ់ការងារបស់ខ្ញុំ សង្ឃឹមថាបងប្អូនទាំងអស់គ្នា និងនៅស្រឡាញ់ការសម្តែង របស់ខ្ញុំណា!</strong>»។</span></p>
<p><span style="color: #000000;">ជាការកត់សម្គាល់ តាំងពីចាកចេញពីកម្ពុជា ទៅរស់នៅជាមួយស្វាមី អ្នកនាង ដាញ់ ម៉ូនីកា គឺបានកាត់ផ្តាច់ទាំងស្រុងពីសិល្បៈ ដែលគិតរហូតមកទល់ពេលនេះ មានរយៈពេលជិត៧ឆ្នាំហើយ។ ប៉ុន្តែអ្វីជារឿងដែលចាប់អារម្មណ៍ សម្រាមហាជននោះ ម៉ូនីកា បានបញ្ជាក់ថ្មីៗនេះថា នាងនៅតែស្រឡាញ់សិល្បៈ ហើយនឹងវិលត្រឡប់មកចូលសិល្បៈជាថ្មី ដើម្បីសម្តែងរឿងជូនទស្សនិកជន អ្នកគាំទ្រទស្សនាបន្តទៀត។ ប៉ុន្តែនាងមិនបានបញ្ជាក់ទេថា តើត្រូវសម្ដែងក្នុងរឿងណាមួយ និងមកកម្ពុជានៅពេលណានោះទេ ។</span></p>
<p><span style="color: #000000;">យ៉ាងណាមិញប្រភពព័ត៌មានពីក្នុងសិល្បៈ បានទម្លាយថា ដាញ់ ម៉ូនីកា អាចមកសម្ដែងក្នុងរឿងថ្មីរបស់អ្នកនិពន្ធឆ្នើម គឺអ្នកស្រី ពាន់ ភួងបុប្ផា ក្នុងរឿង«ទឹកចិត្តអ្នកម្ដាយសម័យថ្មី» នៅក្នុងអំឡុងខែសីហា ខាងមុខនេះ ខណៈដែលអ្នកនាង អម្ពរ ទេវី ដែលជាតារាសម្ដែងជើងចាស់ និងបានទៅរស់នៅអាមេរិកជិត២០មកហើយ ក៏មានវត្តមានសម្ដែងក្នុងរឿងនេះដែរ។</span></p>
<p><span style="color: #000000;">គួររំឭកថា តារាសម្តែងសម្បុរស្រអែម នាង ដាញ់ ម៉ូនីកា បានសម្រេចចិត្តរៀបអាពាហ៍ពិពាហ៍ ជាមួយបុរសពោះម៉ាយអាណិកខ្មែរអូស្ត្រាលី គឺលោក ប៊ុន ថែល ដែលមានវ័យជិត៤០ឆ្នាំ កាលពីអឡុងបំណាច់ខែកុម្ភៈ ឆ្នាំ២០១០។ បន្ទាប់ពីរៀបការតាមប្រពៃណីខ្មែរភ្លាម ពួកគេក៏បានដឹកដៃគ្នា ចាកចេញពីស្រុកខ្មែរ ឆ្ពោះទៅរស់នៅលើទឹកដីអូស្ត្រាលី តែម្តងហើយរហូតដល់ពេលបច្ចុប្បន្នពួកគេ មានកូនចំនួន២នាក់ ជាចំណងដៃផងដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13567264_1085466511543717_2628205334324810530_n.jpg?oh=1b8fa486a928ecd8a9c78e68a4703394&oe=583090A6" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13614982_1081838108573224_8958987023214765950_n.jpg?oh=b345186f6be7c37048017dbad2f77279&oe=58354488" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13528677_1080954545328247_6027712370582627429_n.jpg?oh=723508df56279921022840493b44b56d&oe=582C62B0" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/13537534_1080035238753511_2754919923202934881_n.jpg?oh=aebac744de4fd9a355f13552a524b51d&oe=57F71B9F&__gda__=1478908968_72093d6c1fa24fb4891dcbf3478aa9bc" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13438936_1080035135420188_4626594646613974165_n.jpg?oh=13b626e967e8c06fdfe404d89224d639&oe=57F663FE" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/10401410_662627080494331_4908831330346095694_n.jpg?oh=8a8f9cad5488f9cd7b024cd98eab62b3&oe=57F76553" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/10435464_658244407599265_5227354839292717649_n.jpg?oh=8a6b46d56fe9dea74c72ffdc31b69e9a&oe=583663EF" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>