<p><strong>ភ្នំពេញ៖ </strong>អស់រយៈពេល ជាងពីរឆ្នាំមកហើយ ដែលតារាចម្រៀងកញ្ញា សុខាឌី សាណូ បានចូលច្រៀង ក្នុងពិភពសិល្បៈ តែនាងមិនបានបង្ហាញ ឱ្យឃើញភាពឡូយឆាយ ដោយលេងខ្លួនហ៊ឺហារ ឬប្រើរថយន្តទំនើបទេ ពោលគឺ នាងជិៈតែរថយន្តទីកូតែប៉ុណ្ណោះ។ ប៉ុន្តែចូលដល់ពាក់កណ្តាល ឆ្នាំនេះ សាណូ ហាក់លេងខ្លួន ឡូយឆាយ និង ឡើងកាលីប ជាងមុន ខណៈថ្មីៗ នាងទើបតែទិញ រថយន្តថ្មីតម្លៃខ្ទង់ម៉ឺនដុល្លារ។</p>
<p>ការប្តូររថយន្តស៊េរីថ្មីពី ម៉ាកទីកូមកយក Lexus 330 ពីសំណាក់ តារាចម្រៀង ស្រីកញ្ញា សុខាឌី សាណូ ពេលនេះស្របគ្នានឹង ដំណឹងស្នេហ៍ របស់នាង កំពុងតែមានភាព រំជើបរំជួល ព្រោះមានការនិយាយ ខ្សឹបខ្សៀវចេញមកថា សាណូ ត្រូវបានបុរសមាន មុខមាត់ក្នុងសង្គមម្នាក់ ព្យាយាមតាម ទាក់ទងសុំស្នេហ៍ ហើយឲ្យតែនាងព្រមស្រលាញ់បុរសម្នាក់នោះ នឹងហ៊ានប្រគល់អ្វីៗគ្រប់យ៉ាងដើម្បីបំពេញតាមចិត្ត។</p>
<p>ទន្ទឹមគ្នានេះដែរថ្មីៗនេះ តារាចម្រៀងកញ្ញា សុខាឌី សាណូ ក៏បានថតរូប ចំនួន ៣-៤ ស្លឹកដែលគេបាន ឃើញនាងឈរក្បែរ រថយន្តថ្មីយក ទៅបង្ហោះបង្អួត Friend ក្នុងហ្វេសប៊ុក និង មហាជនអ្នកគាំទ្រ។ ប៉ុន្តែគេពុំបានដឹងទេថា តើរថយន្តថ្មីនេះ ជារបស់នាងទិញ ដោយផ្ទាល់ខ្លួន ឬ មួយបានការឧបត្ថម្ភ ជ្រោមជ្រែង ពីខាងណាមួយ នោះឡើយ។</p>
<p>ទោះបីជាយ៉ាងណាក្តីក្រោយពី មានការផ្តាស់ប្តូរកម្រិតជីវភាព របស់តារាច្រៀងកញ្ញា សុខាឌី សាណូ ក្នុងពេល នេះបានកំពុងតែក្លាយ ទៅជាចម្ងល់ និង មានមន្ទិល សង្ស័យថា អាចជាថ្នូរនៃការបញ្ជាក់ក្តីស្រលាញ់ របស់បុរសមានលុយរូបនោះ ទើបចំណាយលុយ ទិញកាដូឡាន Lexus 330 ជូន សាណូ ជិះកំសាន្តត្រជាក់ចិត្ត។</p>
<p>នៅរសៀលថ្ងៃទី ១៦ ខែសីហា ឆ្នាំ២០១៤ នេះគេហទំព័រ Looking TODAY មិនអាចទាក់ទង ដើម្បីសំការ បកស្រាយពីកញ្ញា សុខាឌី សាណូ បានទេ ព្រោះលេខទូរស័ព្ទ របស់នាងត្រូវបានបិទ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0436.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0437.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0438.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0439.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0440.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0441.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33309-2014-08-16-11-25-19.html" target="_blank">ផ្តល់សិទ្ធដោយ ៖ ដើមអម្ពិល</a></p>