<p><strong>ភ្នំពេញ៖</strong> តារាចម្រៀងស្រីសម្តីចាក់ទឹកមិនលិច កញ្ញា គង់ ចាន់រដ្ឋា បានប្រកាសប្រាប់ឲ្យដឹង<br />ជាថ្មី ពីគម្រោងចេញទៅ កើបប្រាក់លើទឹកដីប្រទេសអូស្ត្រាលី បន្ទាប់ពី គម្រោងមុនត្រូបាន<br />រលាយសាបសូន្យទៅវិញ ព្រោះតែរត់ឯកសាមិនទាន់។</p>
<p>ឆ្លើយឆ្លងតាមទូរស័ព្ទជាមួយគេហទំព័រ LookingTODAY នៅព្រឹកថ្ងៃទី១៦ ខែឧសភា ឆ្នាំ២០១៣<br />នេះ តារាចម្រៀងសម្បុសរស្រអែមស្រស់ មានដើមកំណើតចេញពីទឹកដីអង្គរ កញ្ញា គង់ ចាន់រដ្ឋា<br /> បានប្រាប់ឲ្យដឹងថា បច្ចុប្បន្នការងារសិល្បៈក្នុងស្រុក គឺមានការមមាញឹកច្រើនគួសម។ ទន្ទឹមជា<br />មួយគ្នានេះដែរ រដ្ឋា ក៏បានបង្ហើបប្រាប់ជាថ្មីពីគម្រោង ចេញទៅច្រៀង និង សម្តែងនៅប្រទេស<br />អូស្ត្រាលីផងដែរ។</p>
<p>រដ្ឋា បាននិយាយទាំងអារម្មណ៍សប្បាយថា "ឥឡូវនេះខ្ញុំកំពុងតែមមាញឹក ក្នុងការរត់ឯកសារ ដើម្បីបានចេញទៅច្រៀងនៅប្រទេសអូស្រ្តាលីជាថ្មី ក្រោយពីគម្រោងមុន បានបង់ទៅវិញនោះ។<br /> ចំពោះគម្រោងចេញទៅច្រៀង នៅប្រទេសអូស្តា្រលីជាថ្មីនេះ គឺតាមការអញ្ជើញរបស់ប្រធាន<br />សហគមន៍ខ្មែរ ដែលរស់នៅទីនោះ។ គ្រាន់តែថា លើកនេះ មិនមែនជាម្ចាស់ស្ពនស័រ ដែល<br />ហៅកាលពីលើកមុនទេ "។</p>
<p>កញ្ញា គង់ ចាន់រដ្ឋា បានបន្តថា បើតាមគម្រោងប្រហែលនឹងត្រូវចាកចេញពីស្រុកខ្មែរ នៅចុងខែ៦<br /> (មិថុនា) ឬអាចឈានដល់ដើមខែ កក្កដា ឆ្នាំ២០១៣ខាងមុខនេះ ដោយមានការរួមដំណើរជាមួយ<br />គ្នា ពីសំណាក់តារាចម្រៀងប្រុស-ស្រីចំនួន៣នាក់ផ្សេងទៀត។ ជាមួយនឹងការចេញ ទៅជាលើក<br />ទី១នេះដែរ កញ្ញាក៏បាន ដាក់ក្តីសង្ឃឹមថា ទទួលបានជោគជ័យ និងមានការគាំទ្រពី សំណាក់បង<br />ប្អូនខ្មែរ រស់នៅអូស្ត្រាលី។</p>
<p>គួររំឭកថា ក្រោយពីបរាជ័យរឿងជីវិតស្នេហា និង ដំណើរចេញទៅសម្តែងនៅប្រទេសអូស្រ្តាលី<br /> កាលពីដំបូងមក តារាសម្តែងនិង ជាតារាចម្រៀងកូនខ្មែរអង្គរ កញ្ញា គង់ ចាន់រដ្ឋា ឆក់បានតំណែង<br />តួឯក ក្នុងខ្សែភាពយន្តហូលីវូដ ហើយមានវាសនា បានសម្តែង ជាមួយតួឯកហូលីវូដទៀតផង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0353.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0349.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0350.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-065/PISETH-0351.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>