<p><span style="color: #000000;">យានយន្ដ៖ ក្រុមហ៊ុន ផលិតរថយន្ដ Honda ដែលមានមូលដ្ឋានគ្រឹះនៅប្រទេសជប៉ុន បានទទួលរងការផាកពិន័យយ៉ាងធ្ងន់ធ្ងរគិតជាទឹកប្រាក់ដល់ទៅ ៧០ លានដុល្លារ លើករណីរៀបចំរបាយការណ៍គ្រោះថ្នាក់ខុស និង បញ្ហាប្រព័ន្ធសុវត្ថិភាពផ្សេងទៀត បើគិតមកទល់និងបច្ចុប្បន្នគឺអស់រយៈពេល ជាង ១១ ឆ្នាំទៅហើយ។</span></p>
<p><span style="color: #000000;">ក្រុមហ៊ុន ហុងដា បានរាយការណ៍ព័ត៌មានមិនពិត អំពីគ្រោះថា្នក់ចរាចរ ១៧២៩ ករណី ដែលបង្កឲ្យមានការស្លាប់ និង របួសធ្ងន់ ទៅកាន់ការិយាល័យសុវត្ថិភាពផ្លូវគោក ( NHTSA ) ស្របពេល ភ្នាក់ងារបម្រើការនៅអង្គភាពនេាះ បានលើកឡើងថា បរិមាណនៃគ្រោះថ្នាក់ដែលបានបង្កឡើង មិនទាន់មាន ទិន្ន័យបញ្ជាក់ឲ្យកាន់តែច្បាស់ទេថាតើ មានមានករណីស្លាប់ប៉ុន្មាន និង របូសធ្ងន់ ស្រាលប៉ុន្មាន ។ </span></p>
<p><span style="color: #000000;">យោងតាមការបកស្រាយរបស់ គេហទំព័រអន្ដរជាតិ money.cnn បានបង្ហាញថា ក្រុមហ៊ុនស្ថិតក្នុងប្រទេសជប៉ុន ក៏បានសារភាពពីទោសកំហុស របស់ខ្លួន លើសំណុំឯកសារដែលបានរាយការណ៍នោះដែរ ជាមួយនិងការលើកឡើងថា វាគឺទំនងជាបង្កឡើងពីបញ្ហាខុសបច្ចេកទេសកំព្យូទ័រលើផ្នែកអ្វីមួយ ប៉ុន្ដែក្រុមនិយ័តករ បាននិយាយតបទៅវិញថា បញ្ហខុសបច្ចេកទេសទាំងអស់នោះ ក៏មិនបានបំភាន់ច្រលំឲ្យ ក្រុមហ៊ុន ហុងដា រាយការណ៍ខុសនោះដែរពីទិន្ន័យបញ្ហាគ្រោះថ្នាក់នេះ មានន័យថា គ្រប់ទម្រង់បែបបទនៃ របាយការណ៍ត្រូវស្ថិតក្នុងការត្រួតពិនិត្យយ៉ាងជាក់ច្បាស់ពីក្រុមហ៊ុន ។ </span></p>
<p><span style="color: #000000;">បន្ថែមពីលើនេះផងដែរ លោក Anthony Foxx រដ្ឋលេខាធិការផ្នែកខាងដឹកជញ្ជូន បានមានប្រសាសន៍ថា គ្រប់បណ្ដាញភ្នាក់ងារក្រុមហ៊ុន ហុងដាទាំងអស់ ត្រូវតែមានទំនួល ខុសត្រូវខ្ពស់បំផុត លើ សុវត្ថភាពចំបងរបស់ក្រុមហ៊ុន ខ្លួន ដោយមិនអាចខ្វះខាតបានឡើយ ។ </span></p>
<p><span style="color: #000000;">យោងតាម Mark Rosekind បានលើកឡើងថា ទាំងផលិតករ និង អ្នកត្រូតពិនិត្យរបស់ ក្រុមហ៊ុន ហុងដាទាំងអស់ ត្រូវតែស្វែងយល់ និង ស្រាវជ្រាវ បន្ថែម ដើម្បីឲ្យកាន់តែច្បាស់ថែមទៀត ថាតើរថយន្ដមួយគ្រឿងត្រូវប្រឈមនិងបញ្ហាអ្វីខ្លះ ហើយត្រូវហៅត្រលប់មកកែប្រែសាជាថ្មី ។ វាគឺត្រូវតែធ្វើឲ្យបានលឿនបំផុត ជៀសវាងការបង្កឲ្យមានគ្រោះថ្នាក់ជាបន្ដបន្ទាប់ ទៀត។ </span></p>
<p><span style="color: #000000;">ប្រភពព័ត៌មានបន្ដទៀតថា ចំនួន ៨ ករណីក្នុងចំនោម ១៧២៩ គ្រោះថ្នាក់ ដែលក្រុមហ៊ុន ហុងដា បាន រាយការណ៍ខុសទៅកាន់ NHTSA ទាក់ទងនឹងបញ្ហាពោងសុវត្ថិភាព មានការផ្ទុះឡើង ហើយខ្ចាយអំបែងចូលក្នុងរថយន្ដ ។ ហើយមួយផ្សេងទៀតក្នុង ករណីជាច្រើននោះ បានបង្កឡើងកាលពីថ្ងៃទី ២៧ ខែឧសភាឆ្នាំ ២០០៩ បានសម្លាប់មនុស្សម្នាក់ឈ្មោះថា Ashley Parham ក្នុងរដ្ឋ Oklahoma ចំណែក ៧ ផ្សេងទៀតត្រូវក្រុមហ៊ុន រាយការណ៍មិនពិតប្រាកដ ។ </span></p>
<p><span style="color: #000000;">ស្របគ្នាផងដែរនោះ ក្រុមហ៊ុន General Motors ដែលមានទីតាំងធំនៅសហរដ្ឋអារមេរិក ក៏ត្រូវជាប់ការផាកពិន័យ យ៉ាងទាប ៣៥ លានដុល្លារ កាលពីឆ្នាំមុន ពីបទពន្យាពេលនៃការរាយការណ៍ខុសដែលបង្កឲ្យមានការស្លាប់ជាបន្ដទៀតចុងក្រោយ ដល់ទៅ ៤២ នាក់ផ្សេងទៀត ដែរ។</span></p>
<p><span style="color: #000000;"> <a class="thickbox" title="" href="/FileManager/Commons/2015/1/9/1-9-2015-2-33-25-pm-09-01-2015--14-38-04.png"><span style="color: #000000;"><img src="/FileManager/Articles/mce/2015/1/9/1-9-2015-2-33-25-pm-09-01-2015--14-38-04.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ money.cnn</span></p>