<p><span style="color: #000000;"><strong>ភ្នំពេញ៖</strong>តារាចម្រៀងប្រុស សំឡេងស្អកម្ចាស់បទ«ចាំបាត់ៗ» លោក ខេម សម្រាប់រយៈពេលនេះ ត្រូវបានគេដឹងថា លោកជាតារាប្រុសមួយដូង ដែលកំពុងតែឆក់ទាញយក បាននូវប្រជាប្រិភាព និងការគាំទ្រ ដ៏ច្រើនពីសំណាក់ស្រទាប់ មហាជន នាពេលបច្ចុប្បន្ន មិនថា យុវវ័យ ឬមនុស្សវ័យកណ្ដាលឡើយ។</span></p>
<p><span style="color: #000000;">ភាពជោគជ័យ ក្នុងអាជីពជាអ្នកចម្រៀង របស់លោក ខេម ត្រូវបានមហាជន គ្រប់មជ្ឈដ្ឋាន មើលឃើញថា តារាចម្រៀងសម្លេងស្អក ប្រចាំផលិតកម្មថោន លោក ខេម កំពុងតែក្តោបបានឱកាសជោគជ័យ យ៉ាងខ្លាំង ក្នុងការឆក់យកទីផ្សារសិល្បៈ ដែលអាចរកចំណូលបានខ្ពស់ពីការឡើង ច្រៀងក្នុងកម្ម វិធីប្រគំតន្ត្រីតាមស្ថានីយទូរទស្សន៍ និង ការចេញចម្រៀង តាមបណ្តាខេត្តជិតឆ្ងាយមួយចំនួន។</span></p>
<p><span style="color: #000000;">នៅក្នុងអំឡុងពាក់កណ្តាលឆ្នាំ ២០១៤រហូត ដល់ដើមឆ្នាំ២០១៥នេះ តារាចម្រៀងដែលកំពុងតែ ស្ថិតនៅក្នុងបេះដូង ស្រទាប់យុវវ័យលោក ខេម មិនត្រឹមតែទទួល បាននូវភាពជោគជ័យ ពីការចម្រៀងប៉ុណ្ណោះទេ ថែមទាំងបានបង្កើន នូវភាពល្បីល្បាញបានកាន់តែងខ្លាំងផងដែរ។ ភាពលេចធ្លោ ពីមួយឆ្នាំទៅមួយឆ្នាំ នេះហើយបានធ្វើឱ្យតារាចម្រៀង ប្រចាំផលិតកម្មថោន រូបនេះ កាន់តែកាក់កបជាមួយអាជីពជាអ្នកសិល្បៈ ហើយនេះ ក៏ជាឱកាសមួយដ៏ល្អ សម្រាប់ការរកលុយ។</span></p>
<p><span style="color: #000000;">មានទស្សនៈជាច្រើនបាននាំគ្នាលើកឡើងថាលោក ខេម គឺជាតារាចម្រៀងប្រុស ដែលកំពុងតែស្ថិតក្នុងលំដាប់ទី១ របស់ផលិតកម្មថោន នាឆ្នាំ២០១៥នេះ ហើយក៏ជាតារាដែលមានទីផ្សារនិងទទួលបានការគាំទ្រខ្លាំងក្លាជាងគេពីសំណាក់យុវវ័យប្រុស ស្រី។ពេលនេះជាពេលដែល លោកអាចរកចំណូលបានច្រើនជាងគេ ផងដែរ។</span></p>
<p><span style="color: #000000;">ជាងនេះទៅទៀត មួយរយៈពេលចុងក្រោយនេះត្រូវបានគេមើឃើញថា បទចម្រៀង ដែលច្រៀ ងដោយលោក ខេម មួយចំនួនបានធ្វើឱ្យយុវវ័យជាច្រើន បានដាក់ការចាប់អារម្មណ៍ ទៅលើតារារូបនេះ និង ថែមទាំងទទួលបានការគាំទ្រកាន់តែខ្លាំងក្លាទៀតផង៕</span></p>
<p><a class="thickbox" title="" href="/FileManager/Commons/2015/3/15/20-15-03-2015--14-46-31.jpg"><img src="/FileManager/Articles/mce/2015/3/15/20-15-03-2015--14-46-31.jpg" alt="" /></a></p>
<p><a class="thickbox" title="" href="/FileManager/Commons/2015/3/15/21-15-03-2015--14-46-37.jpg"><img src="/FileManager/Articles/mce/2015/3/15/21-15-03-2015--14-46-37.jpg" alt="" /></a></p>
<p><span style="color: #000000;"><object width="498" height="427" data="http://www.youtube.com/v/Pt0iC-FtfME&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Pt0iC-FtfME&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>