<p><span style="color: #000000;"><strong>បាត់ដំបង៖</strong> គិតត្រឹមវេលាម៉ោង ៥៖៣០នាទីល្ងាច ថ្ងៃទី១៧ ខែធ្នូ ឆ្នាំ២០១៤នេះ ចំនួនប្រជាពលរដ្ឋ មកពីឃុំរកា ស្រុកសង្កែ ខេត្តបាត់ដំបង ដែលបានមកពិនិត្យឈាម រកមេរោគអេដស៍ បានកើនដល់ ៨៩៥នាក់ហើយ ប៉ុន្តែចំនួន ពលរដ្ឋ ដែលរកឃើញថាមានផ្ទុក មេរោគអេដសន៍ មិនមានការកើនឡើងទេ ដោយមានចំនួនត្រឹម ១០៦នាក់ ដដែល ដូចទៅនឹងតួលេខ កាលពីព្រឹកមិញ ។</span></p>
<p><span style="color: #000000;">លោក អឹម ចិត្រា ប្រធានការិយាល័យ ប្រតិបត្តិសុខាភិបាលស្រុកសង្កែ បានថ្លែងប្រាប់មជ្ឈមណ្ឌលព័ត៌មាន ដើមអម្ពិលថា បន្ទាប់ពីរាប់តួលេខជាលើកទី២ នាល្ងាចថ្ងៃទី១៧ ខែធ្នូ ឆ្នាំ២០១៤នេះ ឃើញថា ចំនួនប្រជាពលរដ្ឋ ដែលមកពិនិត្យឈាម រកមេរោគអេដស៍ បានកើនឡើងច្រើន រហូតដល់ ៨៩៥នាក់ ប៉ុន្តែអ្នកពិនិត្យថ្មីនេះ មិនមាននរណា ត្រូវរកឃើញថា មានផ្ទុកមេរោគអេដស៍នោះទេ ។</span></p>
<div dir="ltr">
<p><span style="color: #000000;">តាមសន្នីសិទព័ត៌មាន ដែលរៀបចំដោយ អាជ្ញាធរ ខេត្តបាត់ដំបង និងមន្ទីរសុខាភិបាល ខេត្តបាត់ដំបង ដឹកនាំដោយលោក ប៊ុត គឹមស៊ាន អភិបាលរង ខេត្តបាត់ដំបង នៅព្រឹកមិញ បានឱ្យដឹងថា គិតត្រឹមម៉ោង១១៖៣០នាទី ព្រឹកថ្ងៃទី១៧ ខែធ្នូ ឆ្នាំ២០១៤ ចំនួនប្រជាពលរដ្ឋឃុំរកា ដែលបានមកធ្វើតេស្តចំនួន ៧៧៥នាក់ ហើយក្នុងនោះពលរដ្ឋ ចាស់ក្មេង ចំនួន ១០៦នាក់ ត្រូវបានពិនិត្យឃើញថា មានឆ្លង មេរោគអេដស៍។</span></p>
<p><span style="color: #000000;">អាជ្ញាធរគ្រោងនឹងប្រកាស ពីតួរលេខរៀងរាល់២ដង ក្នុងមួយថ្ងៃ យ៉ាងណាក៏ដោយ នៅព្រឹកថ្ងៃទី១៨ ខែធ្នូ ឆ្នាំ២០១៤ ថ្ងៃស្អែក រដ្ឋមន្រ្តីក្រសួងសុខាភិបាលលោក ម៉ម ប៊ុនហេង នឹងចុះទៅខេត្តបាត់ដំបងដោយផ្ទាល់ ដើម្បីធ្វើសន្និសិទ្ធកាសែត ជួបជនរងគ្រោះ នៅភូមិរកាឃុំរកា ដោយមានលោក ច័ន្ទ សុផល អភិបាលខេត្តចូលរួម និងមន្រ្តីពាក់ព័ន្ធជាច្រើន រូបទៀត៕</span></p>
<p><br /><a class="thickbox" title="" href="/FileManager/Commons/2014/12/17/12-16-2014-10-13-25-pm-17-12-2014--21-39-06.png"><img src="/FileManager/Articles/mce/2014/12/17/12-16-2014-10-13-25-pm-17-12-2014--21-39-06.png" alt="" /></a></p>
<p><span style="color: #0000ff;"><a href="/News/Detail/78503/social-news-cambodia-batambong" target="_blank"><span style="color: #0000ff;">អាន៖ <span style="font-size: small; color: #00adef;">ពលរដ្ឋ៣ភូមិ ៩០នាក់ ពិនិត្យឃើញ មេរោគអេដស៍ ទាំងមិនដឹងមូលហេតុ និងប្រភពចម្លង</span></span></a></span></p>
<p><a class="thickbox" title="" href="/FileManager/Commons/2014/12/17/12-16-2014-10-13-25-pm-17-12-2014--21-39-06.png"></a></p>
<p style="text-align: right;"><span style="color: #000000;"><br /><span>ផ្ដល់សិទ្ធដោយ៖ ដើមអម្ពិល</span><br /></span></p>
</div>