<p><span style="color: #000000;"><strong>ភ្នំពេញ ៖</strong> គូរសត្រូវរវាង ពូនឹងក្មួយ ហើយត្រូវបានក្មួយ កាប់មួយកាំបិតប៉័ងតោ ចំសៀតផ្កាហូរឈាម ស្រោចខ្លួន រងរបួសធ្ងន់ ។</span></p>
<p><span style="color: #000000;">ហេតុការណ៍នេះ បានកើតឡើងកាលពីម៉ោងជិត១២យប់ ថ្ងៃទី ២៩ កញ្ញា ២០១៤ នៅក្នុងហាងលក់ចាប់ ហួយ និងការហ្វេ មានទីតាំងនៅផ្ទះលេខ៤៩Eo ផ្លូវលេខ៨៦ ក្នុងសង្កាត់ ស្រះចក ខណ្ឌដូនពេញ ។</span></p>
<p><span style="color: #000000;">នគរបាលមូលដ្ឋាន បានឲ្យដឹងថា ជនបង្ក ជាក្មួយថ្លៃ ឈ្មោះ ធឿន ភេទប្រុស អាយុ៤៤ឆ្នាំ មុខរបរលក់ដូរ ចំណែក ជនរងគ្រោះ ជាមាថ្លៃឈ្មោះស សុខុន អាយុ៥៣ឆ្នាំ មុខរបររត់រ៉ឺម៉កម៉ូតូ អ្នកទាំងពីរ រស់នៅកន្លែង កើតហេតុ។</span></p>
<p><span style="color: #000000;">នគរបាលមូលដ្ឋានបានបន្តទៀតថា មុនពេលកើតហេតុ ជនរងគ្រោះ បានមកដល់ក្នុងហាងលក់ចាប់ហួយ និង ការហ្វេ របស់បុរស ជាក្មួយថ្លៃ ហើយបាននិយាយ រករឿង ដាក់ក្មួយថ្លៃ ធ្វើឱ្យក្មួយថ្លៃទ្រាំមិនបាន ដាក់ទៅវិញ រហូតបង្កទៅជាជម្លោះពាក្យសម្តីកាន់តែខ្លាំង ហើយបុរសជាក្មួយថ្លៃ បានទាញកាំបិតប៉័ងតោ កាប់ប្រហារទៅលើ មាថ្លៃ មួយកាំបិតចំសៀតផ្កា ហូរឈាមស្រោចខ្លួនរបួសធ្ងន់ ។ សមត្ថកិច្ចបានបន្តថា ក្រោយពេលកាប់ប្រហារ ទៅលើមាថ្លៃរួច បុរសជាក្មួយ ក៏បានរត់គេចខ្លួនបាត់ ចំណែកជនរងគ្រោះជាមាថ្លៃ ដែលរងរបួសហូរឈាមស្រោច ខ្លួន ខឹងក្តៅក្រហាយ ក៏ចាប់ទាញសម្ភាររបស់ក្មួយថ្លៃ ដែលមាននៅក្នុងហាង លើកបោកកំទេចចោល។</span></p>
<p><span style="color: #000000;"> ប្រភពព័ត៌មានពីអ្នកជិតខាង បាននិយាយថា រវាងក្មួយថ្លៃ និងមាថ្លៃមួយគូនេះ គឺមានទំនាស់គ្នារយៈ ពេលមួយឆ្នាំ មកហើយ ដោយក្មួយថ្លៃខឹង និងមាថ្លៃថា ឱ្យតែស្រវឹងមករករឿង ក្នុងហាងរបស់ខ្លួន ហើយយកបារីជក់មិន ដែល សងលុយ ក្រោយពេលកើតហេតុជនរងគ្រោះ ត្រូវបានគេបញ្ជូនទៅសង្រ្គោះ នៅមន្ទីរពេទ្យកាលម៉ែត ៕</span></p>
<p><span style="color: #000000;"><a class="thickbox" title="" href="/FileManager/Commons/2014/9/30/hong-0547blur-30-09-2014--16-51-57.jpg"><span style="color: #000000;"><img src="/FileManager/Articles/mce/2014/9/30/hong-0547blur-30-09-2014--16-51-57.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2014/9/30/hong-0547blur-30-09-2014--16-51-57.jpg"></a></span><br /><span style="color: #000000;"><a class="thickbox" title="" href="/FileManager/Commons/2014/9/30/hong-0546-30-09-2014--16-52-15.jpg"><span style="color: #000000;"><img src="/FileManager/Articles/mce/2014/9/30/hong-0546-30-09-2014--16-52-15.jpg" alt="" /></span></a></span></p>
<p style="text-align: right;"><span style="color: #000000;"><a class="thickbox" title="" href="/FileManager/Commons/2014/9/30/hong-0546-30-09-2014--16-52-15.jpg"></a></span><br /><span style="color: #000000;">ផ្ដល់សិទ្ធិដោយ៖ ដើមអម្ពិល</span><br /><br /></p>