<p><span style="color: #000000;"><strong>តាកែវ :</strong> ជនញៀនថ្នាំម្នាក់ បានចាប់ក្មេងស្រីអាយុ១ឆ្នាំ៣ខែ យកទៅគំរាមសម្លាប់ចោល ដោយភ្ជង់និងអំបែងដប រហូតធ្វើឲ្យ ក្មេងស្រីតូចម្នាក់នេះ យំឡើងសន្លប់២ ទៅ៣ដង ទម្រាំសមត្ថកិច្ច និងអ្នកភូមិជួយលួងលោម ហើយឈានទៅដល់ការចាប់ជនល្មើស និងសង្គ្រោះក្មេងស្រីមកវិញបាន ។</span></p>
<p><span style="color: #000000;">ករណីប៉ងសម្លាប់ក្មេងស្រី អាយុជាងមួយឆ្នាំ១នេះ បានបង្កឲ្យមានការភ្ញាក់ផ្អើល កាលពីរសៀលថ្ងៃទី២៥ ខែមិថុនា ឆ្នាំ២០១៥ ស្ថិតចំណុចប្រឡាយទឹកមួយកន្លែង នៅភូមិ២ សង្កាត់រការក្នុង ក្រុងដូនកែវ ខេត្តតាកែវ ដែលជនល្មើស មានឈ្មោះ ថន រតនា អាយុ១៦ឆ្នាំ រស់នៅភូមិវិហារចិន សង្កាត់ស្វាយដង្គុំ ក្រុងខេត្តសៀមរាប ហើយទើបមកក្រុងដូនកែវ ជាមួយមិត្តភក្តិរបស់ខ្លួន បាន៥ថ្ងៃប៉ុណ្ណោះ។</span></p>
<p><span style="color: #000000;">មន្រ្តីនគរបាលព្រហ្មទណ្ឌកំរិតធ្ងន់ ខេត្តតាកែវ បានប្រាប់ នៅព្រឹកថ្ងៃទី២៦ ខែមិថុនា ឆ្នាំ២០១៥នេះថា ពេលជនល្មើសមកដល់ក្រុងដូនកែវនោះ ស្រាប់តែមិត្តភក្តិរបស់ខ្លួន កាលពីយប់ថ្ងៃទី២៤ បានទៅទិញថ្នាំញៀនឲ្យជក់ រហូតបាត់ស្មារតី និងគ្រប់គ្រងអារម្មណ៍លែងបាន ហើយនៅរសៀល ម្សិលមិញ ជនល្មើសរូបនេះ បានដើរចេញពីផ្ទះជួលរបស់មិត្តភក្តិ ចង់ត្រឡប់ទៅផ្ទះ នៅឯខេត្តសៀមរាបវិញតែគ្មានលុយ ក៏ចេះតែដើរផង និងរត់ផងតាមផ្លូវជាតិ រហូតដោះអាវចោល ហើយរើសអំបែងដបកាន់នឹងដៃ ។</span></p>
<p><span style="color: #000000;">ពេលជនល្មើសដើរទៅមុខ ស្រាប់តែជួបក្មេងស្រីម្នាក់ឈរនៅមុខផ្ទះ ក៏ចាប់បីយកទៅក្បែរប្រឡាយទឹក ធ្វើឲ្យម្តាយក្មេងស្រីរងគ្រោះ និងអ្នកភូមិ បានហៅសមតត្ថកិច្ចមកជួយរំដោះមកវិញ ។ តែជនល្មើសមិនព្រមលែងក្មេងស្រីរងគ្រោះនោះឡើយ បើទោះបីជាម្តាយក្មេងនោះប្រាប់ថា ឲ្យលុយជិះឡានទៅស្រុកកំណើតវិញក៏ដោយ រហូតសមត្ថកិច្ចប្រើយុទ្ធវិធីលួងលោម រួចចុងក្រោយហក់ទៅចាប់តែម្តង។</span></p>
<p><span style="color: #000000;">បច្ចុប្បន្នជនញៀនថ្នាំរូបនេះ ត្រូវបានឃុំខ្លួន នៅការិយាល័យព្រហ្មទណ្ឌកំរិតធ្ងន់ ដើម្បីកសាងសំណុំរឿង បញ្ជូនទៅកាន់តុលាការ នាពេលរសៀលថ្ងៃដដែលនេះ៕</span></p>
<p><a class="thickbox" title="" href="/FileManager/Commons/2015/6/26/6-26-2015-11-32-28-am-26-06-2015--11-38-49.png"><img src="/FileManager/Articles/mce/2015/6/26/6-26-2015-11-32-28-am-26-06-2015--11-38-49.png" alt="" /></a></p>
<p><a class="thickbox" title="" href="/FileManager/Commons/2015/6/26/6-26-2015-11-32-44-am-26-06-2015--11-39-01.png"><img src="/FileManager/Articles/mce/2015/6/26/6-26-2015-11-32-44-am-26-06-2015--11-39-01.png" alt="" /></a></p>
<p><a class="thickbox" title="" href="/FileManager/Commons/2015/6/26/6-26-2015-11-32-57-am-26-06-2015--11-39-14.png"><img src="/FileManager/Articles/mce/2015/6/26/6-26-2015-11-32-57-am-26-06-2015--11-39-14.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><br /><br /></p>