<p><strong>កំពត៖</strong> រថយន្តទំនើប ម៉ាក FORTUER ពណ៌ខ្មៅ ពាក់ស្លាកលេខ បាត់ដំបង 2A -8690 បើកបរពីទិសកើតទៅលិច ក្នុងល្បឿនលឿន ខណៈដល់ផ្លូវ អាទិភាពសិទ្ធិស្មើគ្នាបំបែកជា៤ ក៏វ៉ាក់អើនឹងរថយន្តមួយគ្រឿងទៀត មិនស្គាល់ម៉ាក បើកចេញពីទិសត្បូងទៅជើង ក៏ជ្រុលចង្កូតហោះ<br />ទៅបុកជាប់បង្គោលប៉ាណូ ជាប់របងគុកខាងកើត នៅវេលាម៉ោង១១និង៣០នាទី ថ្ងៃត្រង់ ទី៣០ ខែមេសា ឆ្នាំ២០១៥ ស្ថិតក្នុងភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត។</p>
<p>តាមសាក្សី បាននិយាយថា៖ អ្នកបើកបររថយន្ត FORTUERនេះ ជាជនជាតិបរទេស ហើយក្រោយហេតុការណ៍ភ្លាម ជនជាតិបរទេសអ្នក បើកបររូបនេះ បាននាំកូនចុះចេញពីលើរថយន្ត ហើយអង្គុយមួយសន្ទុះ ក៏បានហៅម៉ូតូតុកៗ ជិះជាមួយកូនទៅបាត់ បន្សល់ទុកតែរថយន្ត នៅកន្លែងកើតហេតុប៉ុណ្ណោះ។</p>
<p>បច្ចុប្បន្ន កម្លាំងនគរបាលចរាចរណ៍ ក្រោយពីវាស់វែងហើយ ក៏រកវិធីស្ទួចរថយន្ត នាំយកទៅរក្សាទុក នៅឯស្នងការដ្ឋាននគរបាលខេត្ត រង់ចាំម្ចាស់រថយន្តចូលខ្លួនមកដោះស្រាយ ពាក់ព័ន្ធនឹងការខូចខាតស្លាកប៉ាណូ របស់ក្រុមហ៊ុន៕</p>
<p><img src="http://image.dap-news.com:81/dap-news/dap-images/2015/April/id-014/that-0527.jpg" alt="Photo by DAP-News" width="500" /></p>
<p><img src="http://image.dap-news.com:81/dap-news/dap-images/2015/April/id-014/that-0528.jpg" alt="Photo by DAP-News" width="500" /></p>
<p style="text-align: right;"><span>សិទ្ធដោយ៖ ដើមអម្ពិល</span></p>