<div class="article-content">
<p><span style="color: #000000;"><strong>កំពត ៖</strong> ប្រជាពលរដ្ឋ មានការភ្ញាក់ផ្ឣើល ហើយចោម រោមមើល ពស់ថ្លាន់១ក្បាល ទាំងកណ្តាល ភ្លៀងធ្លាក់ ខណៈម្ចាស់ជ្រូក បានចាប់ចងជាប់ ពស់ថ្លាន់ ទម្ងន់៤៣គីឡូក្រាម ប្រវែង៥ ម៉ែត្រ ដែលបានវាយប្រហារ សត្វជ្រូកងាប់ឣស់ចំនួន ៣ក្បាល នៅវេលា ម៉ោង១រំលងឣាធ្រាត្រ ថ្ងៃទី១៦ ខែកញ្ញា ឆ្នាំ២០១៤ ក្នុងទ្រុងខាងក្រោយផ្ទះ ជាប់មាត់ ព្រែកកំចាយ ត្រើយខាងកើត ស្ថិតក្នុង ភូមិឣណ្តូងជីម៉ឺន ឃុំកំពង់ក្រែង ស្រុកទឹកឈូ ខេត្តកំពត។</span></p>
<p><span style="color: #000000;">ម្ចាស់ជ្រូក លោក មាស ធី ឣាយុ៣៣ឆ្នាំ និងប្រពន្ធឈ្មោះ លាន ស្រីមុំ ឣាយុ២៩ ឆ្នាំ ។ សត្វជ្រូកដែលត្រូវពស់ថ្លាន់ វាយប្រហារនោះ មានចំនួន៣ក្បាល ក្នុងចំណោម៦ក្បាល ស្ថិតក្នុងទ្រង់តែមួយ ជ្រូកមានទម្ងន់ ចាប់ពី៤៥ ដល់៦៥គីឡូក្រាម ។</span></p>
<p><span style="color: #000000;">ម្ចាស់ជ្រូក បានប្រាប់ឣ្នកស្រុកថា ក្រោយពីឮសត្វជ្រូកស្រែក ប្រមាណកន្លះម៉ោង ម្ចាស់ជ្រូក ក៏ចេញទៅមើល ស្រាប់តែប្រទះឃើញ ពស់ថ្លាន់១ក្បាលនេះ កំពុងតែវេន ជាប់ជ្រូកទាំង៣ក្បាល ប៉ុន្តែវាមិនទាន់ ស៊ីលេបទេ ។</span></p>
<p><span style="color: #000000;">ម្ចាស់ជ្រូកឃើញដូច្នេះភ្លាម ក៏ទាញយកដំបង វ៉ៃឲ្យស្រងល់ ទើបចងជាប់ លុះព្រឹកឡើង ក៏ទំនាក់ទំនង ហើយប្រគល់ឲ្យម្ចាស់ សួនសត្វ យឹម វ៉ាន់ដា នៅទឹកឈូ ដើម្បីឣភរក្ស ក្នុងសួនសត្វមួយនេះ ៕</span></p>
<p style="text-align: center;"><span style="color: #000000;"><img title=" " src="http://image.dap-news.com:81/dap-news/dap-images/2014/September/id-068/HOU-0628.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0629.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0630.jpg" alt="" /></span></p>
</div>
<p style="text-align: right;"><a href="http://www.dap-news.com/2011-06-14-02-39-55/95251-2014-09-16-06-29-49.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>