<p><span style="color: #000000;">ព័ត៌មានកីឡា៖ សមាជិកគណៈកម្មាការ សីលធម៌ FIFA ជាច្រើនរូប បានចេញអនុសាសន៍ឲ្យមានការដាក់ទោស ចំពោះលោក Sepp Blatter ដែលជាប្រធាន FIFA បន្ទាប់ពីមានការបង្ហាញរបស់អគ្គមេធាវីជនជាតិ ស្វីស ទាក់ទងនឹងកិច្ចកុងត្រាដែលគ្មានការយល់ស្រប ។ </span></p>
<p><span style="color: #000000;">លោក Sepp Blatter ត្រូវបានទទួលការចោទប្រកាន់ ពីបទ ការចុះហត្ថលេខាលើកិច្ចកុងត្រាមួយ ដោយគ្មានការគាំទ្រ ពីសមាជិក FIFA នឹង ប្រព្រឹត្ដិរឿងមិនស្មោះត្រង់ទៅលើការចំណាយ ចំពោះលោក Michel Platini ដែលជាប្រធាន Uefa ។ សេចក្ដីសម្រេចពេលនេះ រូបលោក ត្រូវបាន គេផ្អាកពីការងារជាបណ្ដោះអាសន្នចំនួនដល់ទៅ ៩០ ថ្ងៃ។ </span></p>
<p><span style="color: #000000;">ប្រភពដដែល បានបន្ដទៀតថា កន្លងមក លោក Sepp Blatter បានបដិសេធទៅលើ ទង្វើទាំងនោះ ថាគាត់ មិនបានធ្វើនោះទេ ហើយ មេធាវីរបស់គាត់ ក៏បានអះអាងដែរថា រូបលោក មិនមាន តម្រុយអ្វី បង្ហាញឲ្យឃើញ ពីកំហុសបែបនោះឡើយ ។ តែទោះបីជាយ៉ាងណា ចៅក្រមជនជាតិអាល្លឺម៉ង់ លោក Joachim Eckhert បានប្រកាសជាផ្លូវការហើយថា លោក Sepp Blatter ត្រូវផ្អាកពីការងារជាបណ្ដោះអាសន្នចំនួនដល់ទៅ ៩០ ថ្ងៃដើម្បីរង់ចាំលទ្ធផលស៊ើបអង្កេត។ </span></p>
<p><span style="color: #000000;"><a class="thickbox" title="" href="/FileManager/Commons/2015/10/8/85762443blatterafp-08-10-2015--08-48-57.jpg"><span style="color: #000000;"><img src="/FileManager/Articles/mce/2015/10/8/85762443blatterafp-08-10-2015--08-48-57.jpg" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>