<div class="article-content">
<div class="article-content">
<p><strong>ព្រៃវែង៖</strong> កម្លាំងសមត្ថកិច្ចចម្រុះ របស់ខេត្តព្រៃវែង រួមមានកម្លាំងនគរបាល និងកម្លាំងអាវុធ នៅ<br />វេលាម៉ោង ៨៖០០ យប់ថ្ងៃទី៣ ខែមេសា ឆ្នាំ២០១៣ បានបាញ់តដៃគ្នា ជាច្រើនគ្រាប់ ក្រោយពេល<br />ដែល មានករណី ក្រុមចោរមួយក្រុមបាន ចូលធ្វើសកម្មភាពប្លន់ នៅផ្ទះប្រជាពលរដ្ឋ នៅភូមិពោធិ៍<br /> ឃុំក្រាំងស្វាយ ស្រុកព្រះស្តេច ខេត្តព្រៃវែង ។</p>
<p>អធិការនគរបាល ស្រុកព្រះស្តេច លោក ហ៊ីង ហាក់ បានថ្លែងឲ្យដឹងថា ពិតជាមានករណីនេះមែន<br /> ក្រោយក្រុមចោរ និងសមត្ថកិច្ច បានបាញ់តដៃគ្នា ចំនួន២គ្រាប់ ។ លោក ហ៊ីង ហាក់ បានបន្តថា <br />នៅពេលនេះ សមត្ថកិច្ច របស់លោកបាននិងកំពុងធ្វើការ ដេញតាម ប្រម៉ាញ់ក្រុមចោរទាំងនេះ។</p>
<p>ដោយឡែក លោក ស សាវឿន មេបញ្ជាការរងអាវុធហត្ថ ខេត្តព្រៃវែង បានថ្លែងថា នៅពេលនេះ <br />កម្លាំងសមត្ថកិច្ចរបស់លោក ក៏កំពុងធ្វើការ ដេញតាមក្រុមចោរផងដែរ។ យ៉ាងណាក៏ដោយ សមត្ថកិច្ចមិនទាន់បញ្ជាក់ពីព័ត៌មានលំអិតនៅឡើយទេ ខណៈកំពុងជួយអន្តរាគមន៍នៅឡើយ។ </p>
<p>សេក្តីរាយការណ៍ ពីសមត្ថកិច្ច មូលដ្ឋាន បានឲ្យដឹងថា ក្រុមចោរមានគ្នា ចំនួន៤នាក់ បានធ្វើសកម្ម<br />ភាពប្លន់ ផ្ទះប្រជាពលរដ្ឋ កាលពីវេលាម៉ោង ៧៖៣០នាទី ដោយយកទ្រព្យ សម្បត្តិ អស់មួយចំនួនធំ<br /> ហើយបាញ់បើកផ្លូវ គេចខ្លួនចេញ ពីកន្លែងកើតហេតុ តែម្តងទៅ៕</p>
</div>
<br />
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>