<div class="article-content">
<p><strong>-មេធាវី ដេវិដ ឆាណាយវ៉ា ត្រូវតុលា ការចេញដីកា ចាប់ខ្លួន បទល្មើសមួយទៀត<br /> គឺប្រើប្រាស់ អាវុធខុស ច្បាប់</strong><br /><strong>-បុគ្គលិកទូរទស្សន៍បាយ័នម្នាក់ ត្រូវគេ វាយរហូតសន្លប់ នៅនឹងកន្លែង ខណៈ <br />អ្នក កាសែតដើមអម្ពិល ត្រូវគេវាយ ៣-៤ដៃ</strong><br /><strong>ភ្នំពេញ ៖</strong> អ្នកកាសែត ក្នុងស្រុក ដែលមកពីអង្គភាពផ្សេងៗ គ្នា ប្រមាណជាជិត ១០នាក់ <br />ក្នុងនោះ មានម្នាក់ជាអ្នកយកព័ត៌មាន ឱ្យមជ្ឈមណ្ឌលព័ត៌មានដើមអម្ពិល បានរងរបួសធ្ងន់<br /> ស្រាល បន្ទាប់ពីមេធាវី ដេវិដ ឆាណាយវ៉ា ព្រមទាំងក្មួយ និង បក្ខពួកផ្សេងទៀត បាននាំគ្នា<br />ប្រើអំពើហិង្សា ទាំងកំរោល មកលើអ្នកកាសែតទាំងនោះ បន្ទាប់ ពីពួកគេ ខឹងអ្នកកាសែត<br /> យកកាមេរ៉ា ទៅថតពីគ្រោះថ្នាក់ចរាចរណ៍ បើករថយន្ដ បុកជញ្ជាំងការដ្ឋានសំណង់ នៅ <br />តាមផ្លូវ ។</p>
<p>យ៉ាងណាក៏ដោយ ជនបង្កដែលប្រើអំពើ ហិង្សា លើអ្នកកាសែត ដែលអ្នកខ្លាំងដួល សន្លប់<br /> បញ្ជូនទៅកាន់មន្ទីរ ពេទ្យ ត្រូវបាន កម្លាំងនគរបាល និង សមត្ថកិច្ចពាក់ព័ន្ធចាប់ ខ្លួន ២នាក់<br /> បញ្ជូនទៅស្នងការដ្ឋាននគរ បាល រាជធានីភ្នំពេញ ក្នុងនោះ ម្នាក់ជា មេធាវីឈ្មោះ ដេវិដ ឆា<br />ណាយវ៉ា និង ម្នាក់ ទៀត ជាក្មួយប្រុសបង្កើតឈ្មោះ ប្រាក់ អ៊ូស៊ី អាយុ ២០ឆ្នាំ ជានិស្សិតឆ្នាំ<br />ទី៣ នៅសកល វិទ្យាល័យឯកជន ។</p>
<p>ព្រឹត្ដិការណ៍ ដែលបង្កឱ្យមានការភ្ញាក់ ផ្អើល ដែលផ្ដើមចេញពីគ្រោះថ្នាក់ចរាចរណ៍ ហើយ<br />ក្លាយជាបទ ល្មើសព្រហ្មទណ្ឌ ដោយសារតែ វាយតប់ទៅលើ អ្នកកាសែត ពេល ចុះទៅ<br />យកព័ត៌មាន និងថតរូបស្ដីពីគ្រោះ ថ្នាក់ចរាចរណ៍ ខាងលើនេះ បានកើតឡើង កាលពីវេលា<br />ម៉ោងប្រមាណ ១២យប់ រំលង អាធ្រាត្រ ឈានចូលថ្ងៃទី ១៩ ខែមីនា ឆ្នាំ ២០១៣ ស្ថិតនៅ<br />តាមបណ្ដោយផ្លូវលេខ ២១៤ ក្នុងសង្កាត់បឹងរាំង ខណ្ឌដូនពេញ ក្នុងនោះអ្នក រត់ម៉ូតូឌុប<br />ម្នាក់ ក៏រងរបួសផងដែរ បន្ទាប់ពីបានចូលជួយ ក្រុមអ្នកកាសែត ។</p>
<p>យោងតាមប្រភពព័ត៌មាន ពីសមត្ថកិច្ច មូលដ្ឋាន បានឱ្យដឹងថា មុនដំបូងឡើយ ដែលនាំឱ្យ<br />មានករណី បង្កអំពើហិង្សា មកលើអ្នកកាសែតខាងលើនេះ បានកើតឡើង ក្រោយពីរថយន្ដ <br />ចំនួន ២គ្រឿង បានបើក ប្រដេញគ្នា ក្នុង នោះរថយន្ដម៉ាកMini Coopers ពណ៌ក្រហម ពាក់<br />ស្លាកលេខ បណ្ដោះអាសន្ន 6106 បានជ្រុលទៅបុក របងការដ្ឋាន សំណង់ ទៅមុខលែងរួច <br />ខណៈ ដែលរថយន្ដ CRV ពណ៌ទឹកប្រាក់ ពាក់ ស្លាកលេខភ្នំពេញ 2C-1369 ជ្រុលទៅបុក<br /> បង្គោលភ្លើង ដែលនៅក្បែរនោះបណ្ដាលឱ្យ រថយន្ដទាំង ២ រងការខូចខាតផ្នែកខាង មុខ ។</p>
<p>សមត្ថកិច្ចបានឱ្យដឹងទៀតថា បន្ទាប់ពីមានករណីគ្រោះថ្នាក់ចរាចរណ៍ខាងលើនេះ អ្នកយក<br />ព័ត៌មាន មកពីតាម អង្គភាពផ្សេងៗ រួមមាន ទូរទស្សន៍ និងកាសែត បាននាំគ្នា ចុះទៅផ្ដិត<br />យករូបភាព និងព័ត៌មាន នៅ កន្លែងកើត ហេតុ ដូចសព្វមួយដង ។</p>
<p>ប៉ុន្ដែ នៅពេលដែលយកកាមេរ៉ាទៅថត គ្រោះ ថ្នាក់ចរាចរណ៍នេះ ស្រាប់តែអ្នកបើក រថយន្ដ<br />ម្នាក់ត្រូវបានគេដឹងថា មានតួនាទីជាអនុរដ្ឋលេខាធិការ ក្រសួងយុត្ដិធម៌ឈ្មោះ យាន ស៊ីណា<br /> បានមកវាយកាមេរ៉ា និង ដាល់ អ្នកកាសែត បណ្ដាលឱ្យរងរបួស ។</p>
<p>ស្ថាន ភាពនេះបានធ្វើឱ្យធ្ងន់ធ្ងរទៅៗ ខណៈដែល បក្ខពួកអ្នកបើករថយន្ដ ជាច្រើននាក់បាន<br /> មកជួយអន្ដរាគមន៍ និង វាយទៅលើ អ្នកកាសែត ជាច្រើននាក់ ក្នុងនោះបានបណ្ដាល ឱ្យ<br />បុគ្គលិក នៅស្ថានីយ៍ទូរទស្សន៍បាយ័ន ម្នាក់ ឈ្មោះ សុវណ្ណ សេដ្ឋី សន្លប់នៅនឹង កន្លែង រង<br />របួសធ្ងន់ ត្រូវបញ្ជូនទៅកាន់ មន្ទីរពេទ្យភ្លាមៗផងដែរ ។</p>
<p>បន្ទាប់ពី មានករណីខាងលើនេះ អ្នកបើករថយន្ដម្នាក់ ឈ្មោះ ប្រាក់ អ៊ូស៊ី អាយុ ២០ឆ្នាំ ជា<br />និស្សិតឆ្នាំទី៣ នៅ សកលវិទ្យាឯកជន បានទូរស័ព្ទសុំជួយអន្ដរាគមន៍ពី ពូបង្កើតរបស់ខ្លួន<br /> គឺមេធាវីឈ្មោះ ដេវិដ ឆាណាយវ៉ា ពេលនោះ មេធាវីរូបនេះ បានបើករថយន្ដម៉ាក BMW <br />ពណ៌ទឹកប្រាក់ ពាក់ស្លាកលេខ ភ្នំពេញ2X-7771។</p>
<p>នៅ ពេលដែលមេធាវីរូបនេះ រួមជាមួយភរិយា របស់ខ្លួន ដែលមកជាមួយផងនោះ ក៏ បង្កើត<br />ជាជម្លោះ កាន់តែខ្លាំង ដោយបាន វាយទៅលើក្រុមអ្នកកាសែត ដោយអ្នកខ្លះ រងរបួសលើផ្ទៃ<br />មុខ និង ដងខ្លួន ដោយសារ តែបក្ខពួក របស់ មេធាវី ដេវិដ ឆាណាយវ៉ា វាយ នៅនឹងកន្លែង<br />កើតហេតុ ។</p>
<p>សេចក្ដីរាយការណ៍ ពីកន្លែងកើតហេតុ បានឱ្យដឹងថា បន្ទាប់ពីមានការប្រតាយ ប្រតប់ និង<br />ប្រើអំពើហិង្សា ធ្វើឱ្យ មានការ ភ្ញាក់ផ្អើលយ៉ាងដូច្នេះ កម្លាំងនគរបាលមូល ដ្ឋាន និងសមត្ថ<br />កិច្ចពាក់ព័ន្ធ បានទៅជួយអន្ដ រាគមន៍ តាម រយៈការ ឃាត់ខ្លួនជនបង្ក ២ នាក់ ម្នាក់ជាមេធាវី<br />ឈ្មោះ ដេវិដ ឆាណាយ វ៉ា និង ម្នាក់ទៀត ជាក្មួយប្រុសបង្កើតយក ទៅសួរនាំបន្ដ នៅស្នង<br />ការដ្ឋាននគរបាល រាជធានីភ្នំពេញ ខណៈដែលអ្នកកាសែត ក្នុងស្រុក បានទៅដាក់ពាក្យ <br />បណ្ដឹង និងចូល បំភ្លឺ នៅកន្លែងសមត្ថកិច្ច ។</p>
<p>ទាក់ទិនគ្រោះថ្នាក់ចរាចរណ៍ ហើយ ក្លាយជាបទល្មើសព្រហ្មទណ្ឌខាងលើនេះ ស្នងការនគរ<br />បាល រាជធានីភ្នំពេញ លោក ឧត្ដមសេនីយ៍ផ្កាយ ៣ ជួន សុវណ្ណ បាន ប្រាប់មជ្ឈមណ្ឌល<br />ព័ត៌មានដើមអម្ពិល នៅ ព្រឹកថ្ងៃទី១៩ ខែមីនា ឆ្នាំ២០១៣ ថា ជន បង្កចំនួន ២នាក់ ត្រូវបាន<br />កម្លាំងសមត្ថកិច្ច របស់លោកឃាត់ខ្លួន ក្នុងនោះម្នាក់ជា មេធាវី ដេវិដ ឆាយណាវ៉ា និង ក្មួយ<br />ប្រុស បង្កើតឈ្មោះ ប្រាក់ អ៊ូស៊ី អាយុ ២០ឆ្នាំ ជា និស្សិតឆ្នាំទី៣ នៅសកលវិទ្យាល័យឯកជន ។</p>
<p>លោកឧត្ដមសេនីយ៍ ជួន សុវណ្ណ បាន អះអាងថា សំណុំរឿងនេះ លោកនឹងបញ្ជូន ខ្លួនជន<br />បង្កទាំង ២ ពីបទ បង្ក របួសស្នាម ទៅសាលាដំបូង រាជធានីភ្នំពេញ មិនអាច អត់ឱនឱ្យបាន<br />ឡើយ បើទោះបីមានការ អន្ដរាគមន៍យ៉ាង ណាក៏ដោយនោះ ។</p>
<p>បើតាមលោកស្នងការ បច្ចុប្បន្នជនបង្ក ទាំង ២នាក់ ត្រូវបានឃុំខ្លួនជាបណ្ដោះ អាសន្ន និងសួរ<br />នាំបន្ដទៀត នៅ ស្នងការដ្ឋាននគរបាល រាជធានីភ្នំពេញ មុនបញ្ជូន ទៅកាន់តុលាការ ខណៈ<br />ដែលអ្នកយកព័ត៌មាន បានមកដាក់ ពាក្យបណ្ដឹង និងចូលបំភ្លឺ នៅកន្លែងសមត្ថកិច្ចរបស់លោក ។</p>
<p>លោក ទុយ មែន អ្នកយកព័ត៌មានឱ្យ មជ្ឈមណ្ឌលព័ត៌មានដើមអម្ពិល បាន និយាយថា ជនរង<br />គ្រោះដែល រងរបួស ធ្ងន់ ក្នុងចំណោមជនរងគ្រោះទាំងអស់ បានមក ដាក់ពាក្យបណ្ដឹង នៅ<br />ស្នងការដ្ឋាននគរបាល រាជធានីភ្នំពេញ ក្នុងនោះរួមមាន ១- លោក ស៊ូ ប៊ុនធី អាយុ ៤៨ឆ្នាំ ជា<br />បុគ្គលិក របស់ទូរទស្សន៍ប៉ុស្ដិ៍លេខ ១១, ២-លោក សុវណ្ណ រិទ្ធគីន អាយុ ២១ឆ្នាំ ជាបុគ្គលិក <br />របស់ទូរទស្សន៍ប៉ុស្ដិ៍លេខ ៩, ៣-លោក សុវណ្ណ សេដ្ឋី អាយុ ១៩ឆ្នាំ ជាបុគ្គលិក ទូរ ទស្សន៍បាយ័ន<br />, ៤-លោក វាសនា មីនា ជា អ្នករត់ម៉ូតូឌុប រួមទាំងរូបលោកផ្ទាល់ ។</p>
<p>ដោយឡែក អ្នកកាសែតដែលរងរបួស ស្រាល នៅក្នុងហេតុការណ៍ខាងលើនេះ គ្រោងនឹងដាក់<br />ពាក្យបណ្ដឹង ផងដែរ ក្នុង នោះរួមមាន លោក មាស ចាន់ធឿន អាយុ ៤៨ឆ្នាំ ជាបុគ្គលិកទូរទស្សន៍<br />អប្សរា លោក រឿង ចំរើន អាយុ ២៧ឆ្នាំ ជាបុគ្គលិកគេហ ទំព័រ អគ្គស្នងការនគរបាលជាតិ លោក<br /> ផុន ពិសិដ្ឋ អាយុ ២៩ឆ្នាំ ជាបុគ្គលិក គេហទំព័រ អគ្គស្នងការនគរបាលជាតិ លោក ជា សេឌី អាយុ<br /> ៣០ឆ្នាំ ជាបុគ្គលិកទូរទស្សន៍ប៉ុស្ដិ៍ លេខ ១១ និងលោក សុវណ្ណ រិទ្ធី ជាបុគ្គលិក កាសែត កោះសន្ដិភាព ។</p>
<p>ជាមួយគ្នានេះ មេធាវី ដេវិដ ឆាណាយ វ៉ា ត្រូវបានស្នងការនគរបាល រាជធានីភ្នំ ពេញ លោក ជួន<br /> សុវណ្ណ បញ្ជាក់ ថា ជននេះ ត្រូវបានសាលាដំបូង រាជធានីភ្នំពេញ ចេញ ដីកាតាមចាប់ខ្លួន ជាប់<br />ពាក់ព័ន្ធនឹងការប្រើ ប្រាស់អាវុធ ខុសច្បាប់ ដូច្នេះមេធាវីរូបនេះ ត្រូវជាប់ក្នុងបទល្មើសចំនួន ២ <br />ទី១ ពីបទ បង្ករបួសស្នាម លើអ្នកកាសែត និងទី២ ពី បទ ប្រើប្រាស់អាវុធខុសច្បាប់ ។</p>
<p>មន្ដ្រីនគរបាលមួយរូប បានឱ្យដឹងថា ជន បង្កម្នាក់ទៀត នឹងត្រូវតុលាការចេញដីកា បញ្ជាឱ្យចូល<br />ខ្លួន ដើម្បីបំភ្លឺ ពាក់ព័ន្ធនឹងករណី ទាំងនេះ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0556.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0557.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0558.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0559.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0560.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0561.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0562.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0563.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>