<p><span style="color: #000000;"><strong>ភ្នំពេញ៖</strong> បេក្ខនារី របស់កម្មវិធី «កំពូលតារាបង្ហាញម៉ូដកម្ពុជា» ឬ Cambodia Next top Model នៅសល់តែបីរូប ប៉ុណ្ណោះ គឺតារាបង្ហាញម៉ូដអាជីព កញ្ញា ចាន់ កេសី ពីធីការិនីអាជីព កញ្ញា ដាលីស និងអតីតអ្នកធ្វើការ ក្នុងភោជនីយ ដ្ឋាន កញ្ញា គង់ ការ ។ បេក្ខភាពទាំងបីរូបចុងក្រោយនេះ ត្រូវបានទស្សនិកជនឃើញថា ពិតជាមានសមត្ថភាព អស្ចារ្យ លើសគេទើបពួកនាងអាចឈរជើង ដល់វគ្គចុងក្រោយ ។</span></p>
<p><span style="color: #000000;">ក្នុងចំណោមបេក្ខនារីទាំងបីរូបខាងលើ មានបេក្ខនារីម្នាក់ ត្រូវបានគេដឹងថា មានកម្រិតជីវភាពលំបាកលំបិនជាងគេ គឺ កញ្ញា កេសី ឬ ស្រីម៉ៅ ជាអ្នកបង្ហាញម៉ូដអាជីព ក្នុងក្រុម Cambodia Super Model ។ ប៉ុន្តែនាងមិនសូវចេញមុខច្រើន ឡើយ ព្រោះនាងមិនសូវត្រូវប៉ាន់ដូចគេ ។</span></p>
<p><span style="color: #000000;">ក្រឡេកមើលពីប្រវត្តិ នាងកេសី ប្រៀបបាននឹងរឿងគេនិយាយ ពីនារីរូបអាក្រក់ម្នាក់ ចង់ក្លាយជាផ្កាយលើមេឃ ព្រោះ នាងជានារីក្រីក្រ ដែលឪពុកម្ដាយ មានមុខរបរធ្វើធ្យូងលក់ អាចនិយាយបានថា ថៅកែធ្យូង និង មានជីវិភាពយ៉ាប់យ៉ឺន រកស៊ីចឹញ្ចឹមក្រពះ ដើម្បីឲ្យរស់មួយថ្ងៃៗប៉ុណ្ណោះ ។</span><br /> <br /><span style="color: #000000;">ប្រភពពីមិត្តភក្ដិ របស់កេសី កាលនៅវិទ្យាល័យ បាននិយាយថា កេសី សូម្បីតែកង់ជិះមួយគ្រឿងក៏គ្មានដែរ ពេលទៅ រៀនម្ដងៗ តែងតែអាស្រ័យកង់ ជាមួយមិត្តភក្តិ។ នាងមាននិស្ស័យជាអ្នកសិល្បៈ តាំងពីតូច តែនាងត្រូវបានគេសើច ចំអកថា មិនប្រមាណខ្លួន តាំងពីតូច ព្រោះរូបរាងខ្មៅក្រញេះៗ ចង់ក្លាយជាតារា ។</span><br /> <br /><span style="color: #000000;">តែ កេសី ពិតជាមនុស្សម្នាក់ ព្យាយាមតស៊ូបំផុត នាងបានរសាត់អណ្តែតមកទីក្រុង ទោះបីជាពីមុនមិនស្គាល់ថាជា អ្វីក៏ដោយ? តែនាងហ៊ានមករស់នៅម្នាក់ឯង ដើម្បីសម្រេចក្ដីប្រាថ្នា តាំងពីតូចមួយនេះ ។</span><br /> <br /><span style="color: #000000;">ត្រឡប់ចូលមកក្នុងកម្មវិធី«កំពូលតារាបង្ហាញម៉ូដកម្ពុជា» វិញ កេសី ត្រូវបានគេរិះគន់ និងសរសើរព្រមគ្នា ព្រោះនាង ហ៊ានបង្ហាញ ហ៊ានថា ហ៊ានធ្វើ និង ពូកែចងចាំ គ្រប់ការបង្ហាត់បង្រៀនពីគ្រូៗគ្រប់វគ្គ ។ តែចំណុច ដែលគេរិះគន់ គឺ នាងជាតារាបង្ហាញម៉ូដ តែរូបភាពថតមិនសូវស្អាត ប្រៀបដូចជាអ្នកដែល មិនទាន់ប្រឡូកក្នុងវិស័យរូបថតនេះ ។ កេសី គួរតែមានអ្វីពិសេសៗជាងនេះ បន្ថែមទៀត ដើម្បីបង្ហាញទស្សនិកជនថា នាងជាអ្នកអាជីព មិនមែនក្មេងទើបតែចូល ថតបង្ហាញម៉ូដ កាលពីម្សិលមិញនោះទេ ។</span></p>
<p><span style="color: #000000;">យ៉ាងណាក្ដី កេសី ក៏បានមកដល់វគ្គចុងក្រោយ ដែលឈានទៅដណ្ដើមលុយ១ម៉ឺនដុល្លារ ពីកម្មវិធីដើម្បីយកលុយជួយ គ្រួសារនាង ដែលកំពុងតែលំបាកនេះ ។ គេមិនទាន់ដឹងទេថា នាងអាចដណ្ដើមបានជ័យជំនះឬក៏អត់ ខណៈដែលគូ ប្រជែងនាង សុទ្ធតែខ្លាំងៗមិនធម្មតា ។ តែនៅថ្ងៃសុក្រទី២៧ខាងមុខនេះ កម្មវិធីនឹងមានការផ្សាយផ្ទាល់ ហើយក៏ជា វគ្គចុងក្រោយបំផុត សម្រាប់បេក្ខនារីទាំងបី បង្ហាញសមត្ថភាព ឲ្យមហាជនបានទស្សនា៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/21/10-21-03-2015--08-52-49.jpg"><img src="/FileManager/Articles/mce/2015/3/21/10-21-03-2015--08-52-49.jpg" alt="" /></a></span></p>
<p><a class="thickbox" title="" href="/FileManager/Commons/2015/3/21/11-21-03-2015--08-52-58.jpg"><img src="/FileManager/Articles/mce/2015/3/21/11-21-03-2015--08-52-58.jpg" alt="" /></a></p>
<p><a class="thickbox" title="" href="/FileManager/Commons/2015/3/21/12-21-03-2015--08-53-06.jpg"><img src="/FileManager/Articles/mce/2015/3/21/12-21-03-2015--08-53-06.jpg" alt="" /></a></p>
<p> </p>
<p><a class="thickbox" title="" href="/FileManager/Commons/2015/3/21/13-21-03-2015--08-53-12.jpg"><img src="/FileManager/Articles/mce/2015/3/21/13-21-03-2015--08-53-12.jpg" alt="" /></a></p>
<p><a class="thickbox" title="" href="/FileManager/Commons/2015/3/21/14-21-03-2015--08-53-24.jpg"><img src="/FileManager/Articles/mce/2015/3/21/14-21-03-2015--08-53-24.jpg" alt="" /></a></p>
<p><a class="thickbox" title="" href="/FileManager/Commons/2015/3/21/15-21-03-2015--08-53-31.jpg"><img src="/FileManager/Articles/mce/2015/3/21/15-21-03-2015--08-53-31.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>