<div class="article-content">
<p><strong>ខេត្តបន្ទាយមានជ័យ</strong> ៖ យុវជនម្នាក់ ត្រូវបានឪពុកម្ដាយ ក្មេងស្រីអាយុ១៣ឆ្នាំ ម្នាក់ ប្ដឹងឲ្យ<br />អាវុធ ហត្ថក្រុងប៉ោយប៉ែត ធ្វើការឃាត់ខ្លួន កាលពី ថ្ងៃទី១០ ខែតុលា ឆ្នាំ២០១៣ ក្រោយពី<br />បាត់កូន ថ្ងៃបុណ្យភ្ជុំបិណ្ឌធំ មិនឃើញ ត្រឡប់ទៅផ្ទះវិញ ពេលដែលសមត្ថកិច្ច រកឃើញ<br />ក្មេងស្រីរូបនោះ ត្រូវបានគេល្បួង ពីខេត្តបន្ទាយមានជ័យ យកទៅភ្នំពេញ ដើម្បីរួមភេទ។</p>
<p>មេបញ្ជាការ អ.ហក្រុង ប៉ោយប៉ែត លោក ហម ម៉ុត បានឲ្យដឹងនៅថ្ងៃទី១១ ខែតុលា នេះថា<br /> ជនសង្ស័យដែលកម្លាំងរបស់ លោកឃាត់ខ្លួនមានឈ្មោះ ឌី វណ្ណដា ហៅអាខួច ភេទប្រុស<br /> អាយុ២២ឆ្នាំ មានស្រុកកំណើតនៅភូមិអូរចារ ឃុំអូរចារ ក្រុងបាត់ដំបង ខេត្តបាត់ដំបង <br />បច្ចុប្បន្នជននេះ ស្នាក់នៅបន្ទប់ជួល ម្ដុំផ្លូវដើមពុទ្រ្ទាក្នុង ក្រុងប៉ោយប៉ែត និងធ្វើជាជាង ជួស<br />ជុលរថយន្ត។ រីឯក្មេងស្រីរងគ្រោះមានឈ្មោះ អ.ស.ន អាយុ១៣ឆ្នាំ រស់នៅក្រុង ប៉ោយប៉ែត<br /> ជាសិស្សសាលា។</p>
<p>លោក ហម ម៉ុត បានបន្តថា មុនឃាត់ខ្លួនជនសង្ស័យរូបនេះ និងកុមារីរងគ្រោះ បានស្គាល់<br />គ្នាតាមរយៈការច្រឡំលេខទូរស័ព្ទ អំឡុងខែឧសភា ឆ្នាំ២០១៣កន្លងទៅ ក្រោយមករវាង<br />ឈ្មោះ ឌី វណ្ណដា និងនាង អ.ស.ន បាន ណាត់ជួបគ្នារួចទំនាក់ទំនង របស់ពួកគេក្លាយ<br />ទៅជាស្នេហា លុះថ្ងៃទី៤ ខែតុលា ឆ្នាំ២០១៣កន្លងទៅថ្មីៗនេះដែលជាថ្ងៃភ្ជុំបិណ្យ ជន<br />សង្ស័យបានហៅនាង ទៅដើរលេងនៅរមនីយដ្ឋាន ដុងអារញ្ញ ដោយមានការហូប ចុក<br />និងផឹកស៊ី រហូតដល់យប់ហើយ ក៏បាននាំនាងឡើងផ្ទះ សំណាក់នៅក្រុងសិរីសោភ័ណ<br /> នៅខេត្តបន្ទាយមានជ័យ ក្រោយមកក៏បាន នាំនាងទៅភ្នំពេញ។</p>
<p>លោក ហម ម៉ុត បានបញ្ជាក់ថា ក្រោយពីដើររកកូនអស់ ជាច្រើនថ្ងៃ មិនឃើញឪពុកម្ដាយ<br />ក្មេងស្រីរងគ្រោះ បានសម្រេចចិត្ត មកប្ដឹងអាវុធហត្ថក្រុង ប៉ោយប៉ែតឲ្យជួយរក ព្រោះពួក<br />គាត់បារម្ភពីសុវត្ថិភាពកូន ព្រោះ ខ្លាច លង់ទឹកស្លាប់ណាមួយជារដូវទឹកជន់ ម្យ៉ាងទៀតបើ<br />មិនជួបគ្រោះអកុសល ខ្លាចកូនរបស់គាត់ត្រូវ គេចាប់យកទៅលក់ឬធ្វើអំពើមិនគម្បីផ្សេងៗ។<br /> បន្ទាប់ពីទទួលបានពាក្យបណ្ដឹង លោកបានបើកការ ស្រាវជ្រាវ ហើយក៏ដឹងថា ពួកគេទាំង<br />ពីរនាក់កំពុងលាក់ខ្លួននៅរាជធានីភ្នំពេញ ទើបកម្លាំងអាវុធហត្ថ សហការគ្នា ជាមួយអាវុធ<br />ហត្ថ រាជធានីភ្នំពេញ ចុះឃាត់ខ្លួនឈ្មោះ ឌី វណ្ណដា យកមកសួរនាំ។ បច្ចុប្បន្នក្មេងស្រីរង<br />គ្រោះត្រូវបានប្រគល់ជូនឲ្យឪពុកម្ដាយ មកទទួលយកទៅផ្ទះវិញ ដោយឡែកជន សង្ស័យ<br />ក្រោយសួរនាំ ត្រូវបានកសាងសំណុំរឿងបញ្ជូនទៅតុលាការ ចាត់ការតាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-011/Hong-0226.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>