<p><span style="color: #000000;">ព័ត៌មានអន្តរជាតិ ៖ ពាក់ព័ន្ធនឹងព័ត៌មានបាត់ខ្លួន សេដ្ឋីលំដាប់កំពូល ចំណាត់ថ្នាក់លេខ ១១ មាន បំផុតនៅក្នុងប្រទេសចិន កាលពីសប្តាហ៍កន្លងទៅនេះ បានទាក់ទាញចំណាប់អារម្មណ៍បណ្តាសារ ព័ត៌មានល្បីៗលើលោកចុះផ្សាយ ព្រមៗគ្នា រួមមានដូចជា ប៊ីប៊ីស៊ី ស៊ីអិនអិន The Guardian ក៏ដូច ជាសារព័ត៌មាន The Wall Street Journal ជាដើម។</span></p>
<p><span style="color: #000000;"><a class="thickbox" title="" href="/FileManager/Commons/2015/12/15/22-15-12-2015--14-23-37.jpg"><img src="/FileManager/Articles/mce/2015/12/15/22-15-12-2015--14-23-37.jpg" alt="" /></a><br /></span></p>
<p><span style="color: #000000;">ជាលទ្ធផល សេដ្ឋីលំដាប់ជួរមុខ ពោល លោក Guo Guangchang បានបង្ហាញខ្លួន សាជាថ្មី នៅឯ កម្មវិធីផ្លូវការក្រុមហ៊ុន សៀងហៃ ខណៈលោកស្តែងចេញនូវអាកប្បកិរិយា ដូចជាគ្មាន រឿងអ្វីកើត ឡើងទាំងអស់ ខណៈ សង្គមមនុស្ស បានភ្ញាក់ផ្អើល ព័ត៌មានបាត់ខ្លួនរបស់លោក ។</span></p>
<p><span style="color: #000000;"><a class="thickbox" title="" href="/FileManager/Commons/2015/12/15/22a-15-12-2015--14-23-46.jpg"><img src="/FileManager/Articles/mce/2015/12/15/22a-15-12-2015--14-23-46.jpg" alt="" /></a><br /></span></p>
<p><span style="color: #000000;">យោងតាមសាក្សីដែលបានឃើញហេតុការណ៍ ផ្ទាល់ ភ្នែក អោយដឹងថា ពួកគេបានឃើញវត្តមាន លោក សេដ្ឋី Guangchang ត្រូវបានចាប់ឃាត់ខ្លួនដោយ មន្រ្តីប៉ូលីស ស៊ើបអង្កេត បទល្មើសពុក រលួយ ខណៈក្រោយមកទៀត ត្រូវបាននាំខ្លួនចេញ ពីអាកាសយានដ្ឋាន ក្រុង សៀងហៃ ។ គួររំឮក ថា ចុងសប្តាហ៍ ថ្ងៃសុក្រកន្លងទៅនេះក្រុមហ៊ុនវិនិយោគ Fosun របស់សេដ្ឋី Guangchang អះអាង ឲ្យដឹងថា លោកសេដ្ឋី Guangchang កំពុងតែមានវត្តមាននៅជាមួយ នឹង ប៉ូលីស ជួយបំភ្លឺដល់ការ ស៊ើបអង្កេតបទល្មើសពុករលួយ។ របាយការណ៍ បញ្ជាក់អោយដឹងថា ជារឿងធម្មតានោះទេនៅក្នុង ប្រទេសចិន ដែលមានការអះអាងជាលើកដំបូង អោយដឹងថា មន្រ្តីត្រូវ ចូលខ្លួន បំភ្លឺដល់ការស៊ើប អង្កេតបទល្មើសពុករលួយ មុននឹងប្រកាសថា ពួកគេគឺជាជនសង្ស័យ ។</span></p>
<p> </p>
<p><span style="color: #000000;"><a class="thickbox" title="" href="/FileManager/Commons/2015/12/15/22c-15-12-2015--14-23-56.jpg"><img src="/FileManager/Articles/mce/2015/12/15/22c-15-12-2015--14-23-56.jpg" alt="" /></a><br /></span></p>
<p><span style="color: #000000;">សេដ្ឋី Guangchang បានបង្ហាញខ្លួនរយៈពេលខ្លីតែប៉ុណ្ណោះ នៅ ក្នុង កិច្ចប្រជុំសង្ខេប យុទ្ធសាស្រ្ត ក្រុមហ៊ុន Fosun នាឯសណ្ឋាគារ Kerry Hotel Pudong ព្រឹកថ្ងៃច័ន្ទ ។ ប្រភពពីបន្ទប់កិច្ចប្រជុំអោយ ដឹងថា ៖ សេដ្ឋី Guangchang ពុំបានស្រាយបំភ្លឺពីការបាត់ខ្លួនរបស់លោក ក៏ដូចជា ពីការចូលខ្លួន បំភ្លឺបទល្មើសពុករលួយនោះទេ តែលោកថែមទាំង ចាកចេញពីបន្ទប់ប្រជុំ មុននឹងកម្មវិធីបញ្ជប់ទៅ ទៀត។ គួរបញ្ជាក់ថា ពាក់ព័ន្ធនឹងព័ត៌មាន បាត់ខ្លួន សេដ្ឋីលំដាប់កំពូលលើកនេះ កាលពីសប្តាហ៍ មុន បាននាំមកនូវការធ្លាក់ចុះនៃភាគហ៊ុន ក្រុមហ៊ុន Fosun International Ltd ដល់ទៅជិត ១០ ភាគរយ ៕</span></p>
<p><span style="color: #0000ff;"><a href="/News/Detail/4462/china-fosun-in-trade-halt-amid-reports-its-chairman-is-unreachable" target="_blank"><span style="color: #0000ff;">- អាន ៖ ន៎ុះ សេដ្ឋីចិន បាត់ខ្លួន នាំមកនូវ ភាពរង្គោះរង្គើ ទីផ្សារ ភាគហ៊ុន ហើយ</span></a></span></p>
<p style="text-align: right;"> </p>
<p> <a class="thickbox" title="" href="/FileManager/Commons/2015/12/15/22b-15-12-2015--14-24-31.jpg"><img src="/FileManager/Articles/mce/2015/12/15/22b-15-12-2015--14-24-31.jpg" alt="" /></a></p>
<p><a class="thickbox" title="" href="/FileManager/Commons/2015/12/15/22d-15-12-2015--14-24-41.jpg"><img style="display: block; margin-left: auto; margin-right: auto;" src="/FileManager/Articles/mce/2015/12/15/22d-15-12-2015--14-24-41.jpg" alt="" /></a><a class="thickbox" title="" href="/FileManager/Commons/2015/12/15/22b-15-12-2015--14-24-31.jpg"></a></p>
<p style="text-align: left;"><span style="color: #000000;"><br /></span></p>
<p style="text-align: right;"> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ឆៃណា</span></p>