<div class="article-content">
<p>ភ្នំពេញ : សមត្ថកិច្ចនគរបាលខណ្ឌចំការមន ដេញចាប់ខ្លួនបានជនសង្ស័យម្នាក់ ក្នុងចំណោម<br />បក្ខពួក ២នាក់ ដែលធ្វើសកម្មភាពកាច់កម៉ូតូ ហើយ ជិះម៉ូតូរត់គេចខ្លួន ក្នុងល្បឿនយ៉ាងលឿន <br />បណ្តាលឲ្យជ្រុលមកបុកខឿនផ្លូវ នៅ កំណាត់ផ្លូវលេខ៣៦០ ស្ថិត ក្នុងសង្កាត់ទួលស្វាយព្រៃ<br />ទី១ ខណ្ឌចំការមន កាលពីវេលាម៉ោង១០និង៣០នាទីយប់ថ្ងៃទី០៣ ខែមិថុនា ឆ្នាំ២០១៣ ។</p>
<p>តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ ជនសង្ស័យបានធ្វើ<br />សកម្មភាពកាច់កម៉ូតូរបស់បុរសចំណាស់ម្នាក់ តែមិន បានសម្រេច ដោយសារត្រូវម្ចាស់គេទាន់<br /> ក៏បានជិះម៉ូតូដេញតាម ហើយស្រែកថាចោរៗ ទើបធ្វើឲ្យមានការភ្ញាក់ផ្អើលដល់សមត្ថកិច្ច និង<br />បងប្អូន ប្រជាពលរដ្ឋ នាំគ្នាដេញព័ទ្ធចាប់ ជនសង្ស័យ ដែលកំពុងជិះម៉ូតូមួយគ្រឿងម៉ាកហុងដា<br /> សេ១២៥ ពណ៌ខ្មៅ សេរី២០០៩ ពាក់ស្លាកលេខ កណ្តាល 1I-1951 ក្នុងបំណងរត់គេចខ្លួន តែជា<br />អកុសល ខណៈជិះតាម បណ្តោយផ្លូវ៣៦០ ចំណុចកើតហេតុខាងលើ ដោយសារជនសង្ស័យ<br />ភ័យស្លន់ស្លោរខ្លាំងពេក បានជិះម៉ូតូយ៉ាងលឿន ទៅបុកខឿនផ្លូវ ហើយត្រូវសមត្ថកិច្ចចាប់ខ្លួន<br />បានតែម្តង។</p>
<p>បើតាមបុរសឈ្មោះ អ៊ុក ផាន អាយុជិត៥០ បានឲ្យដឹងថា នៅមុនពេល កើតហេតុ រូបគាត់បាន<br />ចូល ហូបបង្អែមនៅម្តុំក្លឹបសូល ដោយទុកដាក់ម៉ូតូ នៅខាងក្រោយខ្នង ហើយកំពុងអង្គុយហូប<br />បង្អែមស្រាប់តែមានឮសម្លេង បញ្ឆេះម៉ូតូជិះចេញ ភ្លាមៗនោះ គាត់បានក្រឡេកក្រោយ ឃើញ<br />ជនសង្ស័យ បានជិះម៉ូតូ គាត់ចេញទៅ ទើបគាត់ ស្រែកផ្អើលឆោឡោឡើង ព្រមទាំងបានជិះម៉ូតូ<br />អ្នកក្បែរ នោះដេញតាមរហូត មកដល់ចំណុចកើតហេតុ ខាងលើ ទើបសមត្ថកិច្ច ឃាត់ខ្លួនបាន។</p>
<p>នគរបាលមូល ដ្ឋានបានឲ្យដឹងថា ជនសង្ស័យដែលសមត្ថកិច្ច ឃាត់ខ្លួនបានមានឈ្មោះ គង់ណា<br />រិទ្ធ អាយុ ១៧ឆ្នាំមានមុខរបរកម្មករ កាត់ដេរ នៅស្ទឹងមានជ័យ ស្នាក់នៅផ្ទះជួលភូមិដំណាក់ធំ <br />សង្កាត់ស្ទឹងមានជ័យ ខណ្ឌមានជ័យ។</p>
<p>បច្ចុប្បន្នជនសង្ស័យ ត្រូវបាននគរបាលប៉ុស្តិ៍រដ្ឋបាល ទួលស្វាយព្រៃទី១ បញ្ជូនទៅអធិការដ្ឋាននគរ<br />បាលខណ្ឌចំការមន កសាងសំណុំរឿង ដើម្បីចាត់ការតាមនិតិវិធីច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0093.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0092.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>