<div class="article-content">
<p><strong>ភ្នំពេញ ៖</strong> យុវជនម្នាក់ រួមនិងសង្សារ ត្រូវបានក្រុមចោរ បាញ់បាក់ភ្លៅ បង្កឲ្យភ្ញាក់ផ្អើល ដល់នគរបាល<br />ចម្រុះខណ្ឌមានជ័យ និង រាជធានី ភ្នំពេញ ក្នុងខណៈដែលក្រុមចោរមួយ ក្រុមមានគ្នា ៣ នាក់ ប្រដាប់<br />ដោយកាំភ្លើងខ្លីមួយដើម ជិះម៉ូតូស៊េរីទំនើបមួយគ្រឿង មកធ្វើសកម្មភាពបាញ់យុវជនម្នាក់ នៅមុខផ្ទះ<br />ឲ្យរងរបួសបៀមគ្រាប់ នៅភ្លៅខាងឆ្វេង រួចប្លន់យកម៉ូតូស្តុបពី ស៊េរី ២០១៣ មួយគ្រឿង រួចជិះគេចខ្លួន<br />បាត់ស្រមោលភ្លាមៗ។</p>
<p>ហេតុការណ៍នេះបានកើតឡើង កាលពីវេលាម៉ោង ២៣និង ១០នាទីយប់ថ្ងៃទី១០ ខែកក្កដា ឆ្នាំ២០១៣<br /> ស្ថិតនៅផ្លូវបេតុង មុខផ្ទះលេខ ១១ ក្រុមទី ១៤ ភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ។ </p>
<p>នគរបាលមូលដ្ឋាន បានឲ្យដឹងថា ជនរងគ្រោះមានឈ្មោះ សុខ រដ្ឋា ហៅ ពៅ ភេទប្រុស អាយុ ២០ឆ្នាំ <br />ស្នាក់នៅភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ។ ចំណែកម៉ូតូ ដែលចោរប្លន់ យកទៅបាត់<br /> ខាងលើនេះ ម៉ាកស្តុបពី ពណ៌ស ស៊េរី ២០១៣ ពាក់ស្លាកលេខ ភ្នំពេញ 1BI-8588 ។</p>
<p>នារីម្នាក់ដែលត្រូវជា សង្សារយុវជនរងគ្រោះ បាននិយាយរៀបរាប់ ប្រាប់សមត្ថកិច្ចថា មុនពេលកើត<br />ហេតុឈ្មោះ សុខ រដ្ឋា ហៅ ពៅ បានជិះម៉ូតូពីផ្ទះ នៅភូមិទួលសង្កែ ខណ្ឌប្ញស្សីកែវ មកទទួលនាងនៅ<br />ផ្ទះកើតហេតុ យកទៅលេង នៅកោះពេជ្រ លុះ ដល់ម៉ោងជាង ១០យប់ក៏ត្រឡប់មកផ្ទះវិញ ដោយជិះ<br />តាមបណ្តោយផ្លូវព្រះមុនីរ៉េតខណៈមកដល់ចំណុចស្ពានថ្ម(អតីតស្ពានដែក)ស្រាប់តែមានជនសង្ស័យ <br />ចំនួន៣នាក់ ជិះម៉ូតូសេ ១២៥ មួយគ្រឿង ជិះតាមក្រោយ រូបនាង រហូតមកដល់ ចំណុចកើតហេតុ<br />ខាងលើនេះ រូបនាង និង ឈ្មោះសុខ រដ្ឋា ត្រូវជាសង្សារ បានចុះពីលើម៉ូតូ បំណងដើរចូលទៅក្នុងផ្ទះ <br />ស្រាប់តែត្រូវជនសង្ស័យម្នាក់ ប្រដាប់ដោយ កាំភ្លើងខ្លី ១ដើម មកភ្ជង់ឈ្មោះ សុខ រដ្ឋា គំរាមយកម៉ូតូ<br />តែជនរងគ្រោះបានប្រកែកនឹងមានការប្រទូស្តរាយគ្នាមួយប្រាវ ទើបធ្វើឲ្យក្រុមចោរប្លន់ ប្រដាប់អាវុធ<br />ទ្រាំមិន បាន បាញ់មួយគ្រាប់ ទៅលើជនរងគ្រោះ ត្រូវចំភ្លៅខាងឆ្វេង រងរបួសបៀមគ្រាប់ ហើយក្រុម<br />ចោរបានដណ្តើមយកម៉ូតូ ជិះគេចខ្លួនទៅបាត់ដោយសុវត្ថិភាព លើសពីនេះក្រុមចោរបានបាញ់ចំនួន<br /> ២ គ្រាប់ថែមទៀត ជាការគំរាមដល់អ្នកជិត ខាងកុំឲ្យចូលមកជួយ ហើយពួកក្រុមចោរ ប្លន់ប្រដាប់<br />អាវុធ ក៏បានជិះម៉ូតូរត់គេចខ្លួន បាត់ស្រមោល ក្រោយពេលធ្វើ សកម្មភាពបាញ់ប្លន់ បានសម្រេច ។</p>
<p>ភ្លាមៗនោះធ្វើឲ្យមានការភ្ញាក់ផ្អើលឆោរឡោដល់សមត្ថកិច្ចនគរបាលមូលដ្ឋាន និងនគរបាលរាជធានី <br />ភ្នំពេញ ចុះមកអន្តរាគមន៍ ធ្វើការសាកសួរ នៅភិនភាគក្រុមចោរប្លន់ ដើម្បីងាយស្រួលក្នុងការកំណត់<br />មុខសញ្ញា តាមចាប់ពួកគេយកមកផ្តន្ទាទោសតាមផ្លូវច្បាប់។ ប៉ុន្តែទំរាំសមត្ថកិច្ច មកដល់កន្លែងនោះ ទំនងជាក្រុមចោរបានជិះម៉ូតូគេចខ្លួនទៅដេកលក់បាត់អស់ទៅហើយ ។</p>
<p>បច្ចុប្បន្នជនរងគ្រោះត្រូវបានរថយន្តសាមុយមកដឹកយកទៅសង្គ្រោះនៅមន្ទីរពេទ្យភ្លាមៗ ចំណែកនារី<br />ជាសង្សារជនរង គ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋ បាល នគរបាលស្ទឺងមានជ័យដើម្បីសុំឲ្យ<br />សមត្ថកិច្ចបន្តធ្វើការស្រាវជ្រាវតាមចាប់ជនសង្ស័យទាំង ៣ នាក់ខាងលើ ។</p>
<p>សូមបញ្ជាក់ថា ប្រមាណ មួយម៉ោងក្រោយមក សមត្ថកិច្ចចម្រុះ បានឃាត់ខ្លួន ជនសង្ស័យ ៣នាក់ ជិះ<br />ម៉ូតូហុងដា សេ១២៥ មួយគ្រឿងនៅចំណុចមុខមន្ទីរពេទ្យរុស្ស៊ី ហើយភ្លាមៗនោះ សមត្ថកិច្ចនគរបាល<br /> យកទៅសាកសួរ នៅប៉ុស្តិ៍រដ្ឋបាលនគរបាល ស្ទឹងមានជ័យ ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0238.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0237.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>