<p><strong>ភ្នំពេញ ៖</strong> ស្រោមអនាម័យ ត្រូវបានប្រើប្រាស់ នៅមានកម្រិតទាបក្រោម ៥០ ភាគរយ ចំពោះ<br />អ្នកដែល មានដៃគូស្នេហា ឬហៅម្យ៉ាងទៀត ថា ជាដៃគូស្មោះស្ម័គ្រ ដែលភាគច្រើន ពួកគេធ្វើ<br />ការរួមភេទជាមួយគ្នា ដោយមិនបានប្រើប្រាស់ ស្រោមអនាម័យឲ្យបាន ១០០ ភាគរយ នោះទេ<br /> ដោយសារតែពួកគេ មានការជឿជាក់ លើដៃគូរួមភេទ របស់ខ្លួន ។</p>
<p>នេះជាប្រសាសន៍ លើកឡើងរបស់ ប្រធានមជ្ឈមណ្ឌលជាតិ ប្រយុទ្ធនឹងជំងឺអេដស៍ សើស្បែក <br />និងកាមរោគ លោកវេជ្ជបណ្ឌិត មាន ឈីវុន ប្រាប់ដល់ ក្រុមអ្នកសារព័ត៌មាន នៅក្រោយកិច្ចប្រជុំ<br /> ផ្សព្វផ្សាយលទ្ធផល ស្តីពីការអង្កេត រកអត្រាជំងឺកាមរោគ នៅកម្ពុជាឆ្នាំ២០១១ នៅ ព្រឹកថ្ងៃទី២២<br /> ខែមីនា ឆ្នាំ២០១៣ នាសណ្ឋាគារហ៊ីម៉ាវ៉ារី ។<br /><br />លោកវេជ្ជបណ្ឌិតបានបន្តថា «តែដោយឡែក ការប្រើប្រាស់ស្រោមអនាម័យ នៅមានកម្រិតក្រោម<br /> ៥០ ភាគរយនោះ ចំពោះសង្សារ ឬមួយ គេហៅថា Sweetheart បានសេចក្តីថា ដៃគូស្មោះស្ម័គ្រ គឺ<br />នៅមានកម្រិត ។ យើងកំពុងតែខិតខំ ធ្វើយ៉ាងណា ដើម្បីនឹងពន្យល់ណែនាំ អប់រំ ដល់បងប្អូនទាំង<br />អស់នោះ ឲ្យបានយល់ថែមទៀតថា ត្រូវតែប្រើប្រាស់ ស្រោមអនាម័យឲ្យបានលើសពី៩០ភាគរយ<br /> ឬក៏១០០ ភាគរយមែនទែននោះ»។</p>
<p>លោកវេជ្ជបណ្ឌិត បានបន្តទៀតថា ការប្រើប្រាស់ស្រោមអនាម័យ ឲ្យបានត្រឹមត្រូវ នៅពេលដែល<br />មានការរួមភេទ ជាមួយដៃគូស្នេហានោះ គឺអាចជៀសវាង នូវការឆ្លង ឬក៏ចម្លងនូវមេរោគផ្សេងៗ <br />ដែលនៅក្នុងនោះ មានមេរោគអេដស៍ កាមរោម ហើយនិងមេរោគរលាកថ្លើម ប្រភេទបេ ជាដើម។<br />ម្យ៉ាងវិញទៀត ការប្រើប្រាស់ស្រោមអនាម័យ ឲ្យបានត្រឹមត្រូវ ក៏អាចការពារផងដែរ ចំពោះដៃគូ<br />រួមភេទ ដែលពួកគេ មិនទាន់ចង់មាន កូនផងដែរនោះ ។</p>
<p>បើតាមលោកវេជ្ជបណ្ឌិត មាន ឈីវុន តាមតួលេខ ផែនទី ដែលមជ្ឈមណ្ឌលជាតិ ប្រយុទ្ធនឹងជំងឺ<br />អេដស៍ សើស្បែក ធ្វើក្នុងឆ្នាំ២០១២ យើងរកឃើញថា មានស្រ្តីបំរើសេវាកំសាន្តសប្បាយ នៅ<br />ទូទាំងប្រទេស មានចំនួន ៣៧.០០០ នាក់។ ស្រ្តីបំរើសេវា កំសាន្តសប្បាយ នៅតែជាក្រុមប្រឈម<br />មុខខ្ពស់ ក្នុងការឆ្លងមេរោគអេដស៍ ដោយសារតែការរួមភេទ របស់ពួកគេ នូវមិនទាន់មាន សុវត្ថិ-<br />ភាពផងដែរ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-098/S_0313.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-098/S_0314.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>