<div class="article-content">
<p><strong> ភ្នំពេញ ៖</strong> ជនជាតិបរទេសម្នាក់ បានរងរបួសធ្ងន់ធ្ងរ ដោយសាររូបគេ បានជិះម៉ូតូសង់កូរ៉េ<br /> ឆ្លងផ្លូវ ម៉ៅសេទុង ហើយត្រូវម៉ូតូអ៊ែប្លែក បើកបុកយ៉ាងពេញទំហឹង កាលពី វេលាម៉ោង ២១<br />និង៣០នាទីយប់ ថ្ងៃទី ១៦ ខែ មិថុនា ឆ្នាំ ២០១៣ ស្ថិតនៅមុខវត្តទួលទំពូងផ្លូវលេខ ១១៣ <br />កែងផ្លូវម៉ៅសេទុង ក្នុងសង្កាត់ បឹងកេងកងទី៣ ខណ្ឌចំការមន ។</p>
<p>នគរបាលចរាចរណ៍ ដែលចុះទៅពិនិត្យ ដល់កន្លែងកើតហេតុ បានឲ្យដឹងថា ហេតុការណ៍<br />ខាងលើនេះ គេសង្កេតឃើញ ជនជាតិបរទេសម្នាក់ បានជិះម៉ូតូមួយគ្រឿង ម៉ាកសង់កូរ៉េ <br />ពណ៌ក្រហម ធ្វើដំណើរតាមបណ្តោយ ផ្លូវម៉ៅសេទុង ក្នុងទិសដៅ ពីលិចទៅកើត ដោយបាន<br />ជិះយ៉ាងលឿន ឆ្លងកាត់ផ្លូវម៉ៅសេទុង ក៏ស្រាប់តែមានម៉ូតូ អ៊ែប្លែក មួយគ្រឿងទៀត ពណ៌ខ្មៅ<br /> ពាក់ស្លាកលេខ ភ្នំពេញ 1L-7235 ដែលកំពុងជិះបញ្ច្រាសទិសគ្នានោះ បានជ្រុលបុកគ្នា ចំពី<br />មុខយ៉ាងពេញទំហឹង បណ្តាលឲ្យបុរស ជនជាតិបរទេស ត្រូវដួលបោកក្បាល នឹងថ្នល់រងរបួស<br />ធ្ងន់ដឹកបញ្ជូន ទៅសង្គ្រោះនៅ មន្ទីរពេទ្យភ្លាមៗ។ ចំណែកម៉ូតូទាំងពីរគ្រឿង ត្រូវនូវការខូចខាត<br />ទាំងសងខាង ។</p>
<p>បន្ទាប់ពីកើតហេតុ ម៉ូតូទាំងពីរគ្រឿង ត្រូវបានសមត្ថកិច្ចជំនាញ សហការ ជាមួយ នគរបាល<br />មូលដ្ឋាន ចុះវាស់វែងអូសយកទៅរក្សាទុក នៅការិយាល័យចរាចរណ៍ ជើងគោក រាជធានីភ្នំ<br />ពេញ រង់ចាំដោះស្រាយតាមផ្លូវច្បាប់។</p>
<p>សមត្ថកិច្ចនៅមិនទាន់ បញ្ជាក់ពីអត្តសញ្ញាណ របស់ជនរងគ្រោះនៅឡើយទេ ដោយសារ <br />ក្រោយពេលកើតហេតុ ជនរងគ្រោះត្រូវបានបញ្ជូន ទៅសង្គ្រោះនៅ មន្ទីរពេទ្យ ចំណែក <br />អ្នកជិះម៉ូតូបង្ក កំពុងស្ថិតនៅក្រោមការសួរនាំ របស់សមត្ថកិច្ច៕ </p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0392.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0393.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0394.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>