<div class="article-content">
<p><strong>ភ្នំពេញ</strong> ៖ មានការភ្ញាក់ ផ្អើលមួយ នៅ ព្រឹកព្រលឹមថ្ងៃទី២៧ ខែមីនា ឆ្នាំ២០១៣ នេះ បន្ទាប់ពី<br />គេបាន ប្រទះឃើញ សពសន្ដិសុខ ម្នាក់ដេកស្លាប់ នៅក្នុងទូអេធីអឹម របស់ធនា គារមេយប៊ែង<br /> ដែលមានទីតាំងស្ថិតនៅអគារ លេខ៣២០និង៣២៥ តាមបណ្ដោយផ្លូវលេខ ២៧៤ ក្នុងសង្កាត់<br />វាលវង់ ខណ្ឌ៧មករា ដែល ការស្លាប់របស់សន្ដិសុខឯកជនខាងលើនេះ ត្រូវបានសមត្ថកិច្ចអះ<br />អាងថា បណ្ដាលមកពី ខ្យល់គ ឬគាំងបេះដូង មិនមែនជាអំពើឃាត កម្មនោះឡើយ ។</p>
<p>យោងតាមសេចក្ដីរាយការណ៍ពីសមត្ថ កិច្ចមូលដ្ឋានបានឱ្យដឹងថា នៅវេលាម៉ោងប្រមាណ៦ព្រឹក<br />ថ្ងៃទី២៧ ខែមីនា ឆ្នាំ២០១៣ គេប្រទះឃើញសពសន្ដិសុខម្នាក់ ឈ្មោះសា ខន អាយុ២៩ឆ្នាំ ជា<br />សន្ដិសុខរបស់ក្រុមហ៊ុន អឹមភើរៀ ស្នាក់នៅផ្ទះលេខ២E2 ផ្លូវលេខ ១៣០ សង្កាត់ចតុមុខ ខណ្ឌ<br />ដូនពេញ ។</p>
<p>ប្រភពព័ត៌មានពីសមត្ថកិច្ចបានឱ្យក្រោយ ពីការសាកសួរ សន្ដិសុខផ្សេងទៀតដែលជា មិត្ដភក្ដិ<br />របស់ជនរងគ្រោះនោះថា មុនពេល កើតហេតុ ពោលនៅ វេលាម៉ោង ប្រមាណ ១២និង៣០នាទី<br /> យប់រំលងអាធ្រាត្រឈាន ចូលថ្ងៃទី២៧ ខែមីនា ឆ្នាំ២០១៣ ជនរង គ្រោះមិនស្រួលខ្លួន បានឱ្យ<br />មិត្ដភក្ដិដែលជា សន្ដិសុខដូចគ្នា លាបប្រេងកូឡាឱ្យ ។ រួចហើយជនរងគ្រោះ បានសុំចូលទៅ<br />សម្រាក ក្នុងបន្ទប់ម៉ាស៊ីនអេធីអឹមដកប្រាក់របស់ធនា គារមេយប៊ែង ស្ថិតនៅចំណុចកើតហេតុ<br />ខាងលើ លុះព្រឹកឡើងបង្កឱ្យមានការភ្ញាក់ផ្អើល នៅពេលដែលគេប្រទះឃើញជនរងគ្រោះ <br />បានស្លាប់បាត់ទៅហើយនោះ ។</p>
<p>ប្រភពព័ត៌មានពីកន្លែងកើតហេតុបានឱ្យ ដឹងថា បន្ទាប់ពីប្រទះឃើញសពជនរងគ្រោះ កម្លាំង<br />នគរបាលខណ្ឌ៧មករា និងកម្លាំងនគរ បាលជំនាញ បានចុះទៅកាន់កន្លែងកើតហេតុ ដើម្បី<br />ធ្វើកោសល្យវិច័យ ទៅលើសពជនរងគ្រោះ រួមទាំងការសាកសួរសាក្សីបង្ហាញថា ជនរងគ្រោះ<br /> ស្លាប់ដោយសារខ្យល់គ ឬអាចបណ្ដាលមកពីគាំងបេះដូង ពោលមិនមែនជា អំពើឃាតកម្មណា<br />មួយកើតឡើងនោះឡើយ។ ក្រោយធ្វើកោសល្យវិច័យទៅលើសពជនរងគ្រោះរួចហើយ កម្លាំង<br />សមត្ថកិច្ចបានប្រគល់ សពទៅឱ្យក្រុមគ្រួសារ យកទៅធ្វើបុណ្យ តាមប្រពៃណី ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0574.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0575.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>