<p><span style="color: #000000;"><strong>អ៉ីស្រាអែល៖</strong> កាលពីថ្ងៃសុក្រសប្តាហ៍មុន នៅក្នុងកម្មវិធីបុណ្យខ្សែភាពយន្ត Jewish នៅក្នុងប្រទេសអង់គ្លេស បវរកញ្ញាឯកពិភពលោកឆ្នាំ១៩៩៨ (Miss World 1998) វ័យ ៣៤ឆ្នាំ នាង Linor Abargil បានបង្ហាញពីជីវិតពិតរបស់ខ្លួន កាលពី ១៦ឆ្នាំមុន ដែលនាងត្រូវបានគេចាប់រំលោភ ៦សប្តាហ៍ មុនពេលនបានគ្រងមកុដ បវរកញ្ញាឯកពិភពលោកកាលពីនាងមានអាយុ ១៨ឆ្នាំនោះ ។</span></p>
<p><a class="thickbox" title="" href="/FileManager/Commons/2014/11/26/k-0479-26-11-2014--08-41-39.jpg"><img src="/FileManager/Articles/mce/2014/11/26/k-0479-26-11-2014--08-41-39.jpg" alt="" /></a></p>
<p><a class="thickbox" title="" href="/FileManager/Commons/2014/11/26/k-0480-26-11-2014--08-41-47.jpg"><img src="/FileManager/Articles/mce/2014/11/26/k-0480-26-11-2014--08-41-47.jpg" alt="" /></a></p>
<p><span style="color: #000000;">នាង Linor Abargil រៀបរាប់ទាំងទឹកភ្នែករលីងរលោងថា ភ្នាក់ងារធ្វើដំណើររបស់នាងម្នាក់ ឈ្មោះ Uri Shlomo Nur បានចាប់រំលោភនាង នៅក្នុងទីក្រុងមីឡាន ប្រទេសអ៉ីតាលី ពេលនាងធ្វើដំណើរ តាមផ្លូវដោយជិះរថយន្ត។ នាងនិយាយថា Nur បានចាប់នាងចងហើយ យកស្កុតពណ៌ខ្មៅមកបិតមាត់ មិនឲ្យនាងស្រែករួច ហើយធ្វើសកម្មភាពរំលោភបានសម្រេចជាច្រើនដង។</span></p>
<p><span style="color: #000000;">បន្ទាប់មក Nur ប៉ុនប៉ងសម្លាប់នាងដោយយកខ្សែរឹតក ប៉ុន្តែនាងបានអង្វរសូមឲ្យដោះលែងនាង ឲ្យមានសេរីភាព។ ក្រោយមកនាងដាក់ពាក្យប្តឹង ទៅប៉ូលិសក្នុងប្រទេសអ៉ីតាលី ប៉ូលិសមិនអាចចាប់ Nur ញាត់គុកបានទេ ព្រោះគ្មានភស្តុតាងគ្រប់គ្រាន់។ ប៉ុន្តែនៅពេលនាង Linor ត្រឡប់ទៅដល់ ប្រទេសកំណើតវិញ នាងបានប្តឹងប៉ូលិសអ៉ីស្រាអែលឱ្យចាប់ខ្លួន Nur ហើយតុលាការកាត់ទោសឲ្យគេជាប់ពន្ធនាគាររយៈពេល ១៦ឆ្នាំ ។</span></p>
<p><span style="color: #000000;">នាង Linor Abargil ជឿជាក់ថា ខ្សែភាពយន្តរឿង «បវរកញ្ញាដ៏ក្លាហាន» ដែលបានឆ្លុះបញ្ចាំងពីរឿងរ៉ាវពិតនៃជីវិតរបស់នាង នឹងធ្វើឱ្យនារីរងគ្រោះ ដទៃផ្សេងទៀត ប្តូរទស្សនៈពីការស្តីបន្ទោសខ្លួនឯង ឬធ្វើអត្តឃាតបន្ទាប់ពីជួបហេតុការណ៍ ដ៏អាក្រក់ដូចរូបនាង ៕</span></p>
<p><span style="color: #000000;"><object width="501" height="429" data="http://www.youtube.com/v/eQjS5k1HwIc&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/eQjS5k1HwIc&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>