<p><span style="color: #000000;"><strong>-ម្ចាស់ផ្ទះសំណាក់ត្រពាំងថ្លឹង មិនព្រម បើកទ្វារ ទោះសមត្ថកិច្ចនិង អាជ្ញាធរទៅ ជួយអន្ដរាគមន៍</strong></span></p>
<p><span style="color: #000000;"><strong>ភ្នំពេញ ៖</strong> មានការភ្ញាក់ផ្អើលមួយបាន កើតឡើង ក្រោយពីម្ចាស់ផ្ទះសំណាក់ត្រពាំង ថ្លឹង ពីរនាក់ប្ដីប្រពន្ធ បាន ចាប់ស្ដ្រីជាម្ចាស់ផ្ទះ សំណាក់៣ដុល្លារបង្ខាំងទុកក្នុងបន្ទប់ ក្រោយ ពីភាគីទាំងពីរ បានឈ្លោះគ្នាក្នុងរឿងរកស៊ី នៅវេលាម៉ោង៤និង៣០នាទីរសៀលថ្ងៃទី២៤ ខែមីនា ឆ្នាំ២០១៥នេះ ។</span></p>
<p><span style="color: #000000;">ជាមួយគ្នានេះ ម្ចាស់ផ្ទះសំណាក់ត្រញំង ថ្លឹង ដែលប្ដីអាចជាមន្ដ្រីមានសមត្ថកិច្ចផង នោះ មិនព្រមចាក់សោ បើកទ្វារឱ្យម្ចាស់ផ្ទះ សំណាក់៣ដុល្លារចេញមកក្រៅនោះទេ បើទោះបីសមត្ថកិច្ច និងអាជ្ញាធរជាច្រើននាក់ បានចុះទៅជួយអន្ដរាគមន៍ក៏ដោយនោះ ។</span></p>
<p><span style="color: #000000;">អធិការនគរបាលខណ្ឌពោធិ៍សែនជ័យ លោកយឹម សារ៉ាន់ បានបញ្ជាក់ថា ដោយសារតែធ្លាប់ឈ្លោះគ្នា នាពេល កន្លងទៅ ស្ដីពីការរកស៊ី ដោយផ្ទះសំណាក់នៅក្បែរគ្នា នោះនៅរសៀលថ្ងៃទី២៤ ខែមីនា ឆ្នាំ២០១៥នេះ ម្ចាស់ផ្ទះសំណាក់ទាំងពីរ បានឈ្លោះប្រកែកគ្នា ម្ដងទៀត ។</span></p>
<p><span style="color: #000000;">លោកយឹម សារ៉ាន់ បានបញ្ជាក់ទៀតថា ដោយសារតែភាគីម្ចាស់ផ្ទះសំណាក់ត្រពាំងថ្លឹង មានពីរនាក់ប្ដីប្រពន្ធ ក៏ចាប់ស្ដ្រីជាម្ចាស់ផ្ទះសំណាក់៣ដុល្លារ យកទៅចាក់សោនៅក្នុងបន្ទប់ មិនឱ្យចេញ នោះឡើយ ។</span></p>
<p><span style="color: #000000;">អធិការខណ្ឌពោធិ៍សែនជ័យ បានបញ្ជាក់ ទៀតថា ក្រោយពីទទួលបានព័ត៌មានភ្លាម លោកបានដឹកនាំ កម្លាំង និងសហការជាមួយ អាជ្ញាធរមូលដ្ឋានភូមិសង្កាត់ ចុះទៅជួយអន្ដរាគមន៍ ប៉ុន្ដែអ្វីដែលហួសចិត្ដនោះ គឺម្ចាស់ ផ្ទះត្រពាំងថ្លឹងពីរនាក់ប្ដីប្រពន្ធ នៅតែមិនព្រមបើកសោឱ្យនោះទេ ។</span></p>
<p><span style="color: #000000;">លោកយឹម សារ៉ាន់ បានបញ្ជាក់ថា ក្រោយពីទទួលបានបទបញ្ជាពីសំណាក់ស្នង ការនិងស្នងការរង ទទួលផែន ព្រមទាំងព្រះ រាជអាជ្ញា កម្លាំងសមត្ថកិច្ចរបស់លោក បានសម្រេចធ្វើការឃាត់ខ្លួនពីរនាក់ប្ដីប្រពន្ធ និងរំដោះស្ដ្រី រងគ្រោះជាម្ចាស់សំណាក់៣ដុល្លារមកក្រៅវិញ ។</span></p>
<p><span style="color: #000000;">សេចក្ដីរាយការណ៍ពីសមត្ថកិច្ចនៅកន្លែង កើតហេតុ បានឱ្យដឹងថា មិនត្រឹមតែមិនព្រមបើកទ្វារតាមការស្នើសុំ របស់សមត្ថកិច្ចនោះទេ ប៉ុន្ដែពួកគេទាំងពីរនាក់ ថែមទាំងគំរាមចាប់ ស្ដ្រីរងគ្រោះទៅកន្លែងអាវុធហត្ថទៀតផង៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/25/3-25-2015-9-49-56-am-25-03-2015--09-56-00.png"><img src="/FileManager/Articles/mce/2015/3/25/3-25-2015-9-49-56-am-25-03-2015--09-56-00.png" alt="" /></a></span></p>
<p><a class="thickbox" title="" href="/FileManager/Commons/2015/3/25/3-25-2015-9-50-18-am-25-03-2015--09-56-13.png"><img src="/FileManager/Articles/mce/2015/3/25/3-25-2015-9-50-18-am-25-03-2015--09-56-13.png" alt="" /></a></p>
<p><a class="thickbox" title="" href="/FileManager/Commons/2015/3/25/3-25-2015-9-50-35-am-25-03-2015--09-56-25.png"><img src="/FileManager/Articles/mce/2015/3/25/3-25-2015-9-50-35-am-25-03-2015--09-56-25.png" alt="" /></a></p>
<p><a class="thickbox" title="" href="/FileManager/Commons/2015/3/25/3-25-2015-9-50-48-am-25-03-2015--09-56-36.png"><img src="/FileManager/Articles/mce/2015/3/25/3-25-2015-9-50-48-am-25-03-2015--09-56-36.png" alt="" /></a></p>
<p><a class="thickbox" title="" href="/FileManager/Commons/2015/3/25/3-25-2015-9-51-07-am-25-03-2015--09-56-48.png"><img src="/FileManager/Articles/mce/2015/3/25/3-25-2015-9-51-07-am-25-03-2015--09-56-48.png" alt="" /></a></p>
<p style="text-align: right;"><br /><a class="thickbox" title="" href="/FileManager/Commons/2015/3/25/3-25-2015-9-51-07-am-25-03-2015--09-56-48.png"></a><span style="color: #000000;">ផ្ដល់សិទ្ធដោយ៖ ដើមអម្ពិល</span></p>