<p><strong>ចិន៖</strong> សារព័ត៌មានចិនមួយ បានចុះផ្សាយឲ្យដឹងថា នៅក្នុងទីក្រុង Beijing ប្រទេសចិន មានបាតុករ មួយក្រុម ប្រមាណ១២នាក់ បានប្រមូលផ្តុំគ្នា តវ៉ានៅពីមុខអាគារដ៏ខ្ពស់មួយ ស្ថិតនៅកណ្តាលទីក្រុង ដោយពួកគេសុខចិត្ត ដាក់ជីវិតដើម្បីតវ៉ា ទាមទារឲ្យមានដំណោះស្រាយ ពីរដ្ឋាភិបាល គឺបាតុករបាន នាំគ្នាផឹកថ្នាំសម្លាប់សត្វល្អិត។</p>
<p>ក្រុមបាតុករបានធ្វើដំណើរ មកពីតំបន់ Wuhan ហើយជួបជុំគ្នា នៅមុខអាគារ Qianmen Watch និង សម្រេចផឹកថ្នាំពុល ដួលដេកនៅទីនោះ ព្រោះតែមិនអាច ទាមទារ រកដំណោះស្រាយណាមួយ ពី រដ្ឋាភិបាលចិនបាន។<br />រហូតដល់ក្រុមសង្គ្រោះ និងប៉ូលីសមកដល់ បានបញ្ជូនពួកគេ ទៅមន្ទីរពេទ្យ ដើម្បីសង្គ្រោះជីវិត។ គេមិនដឹងច្បាស់ថា តើក្រុមបាតុករទាំងនេះ នាំគ្នាតវ៉ាទាមទារ រកដំណោះស្រាយ ពីរដ្ឋាភិបាល លើបញ្ហាណាមួយនោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-100/r_0094.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25583-2013-12-14-03-39-38.html"><span style="color: #0000ff;">ដើមអំពិល</span></a></p>