<p><span style="color: #000000;"><strong>(ភ្នំពេញ)៖</strong> លោក គ្រី ស៊ាងឡុង មន្រ្តីជាន់ខ្ពស់ក្រសួងអប់រំ យុវជន និងកីឡា ត្រូវបានកម្លាំងសមត្ថកិច្ចកូរ៉េខាងត្បូងឃាត់ខ្លួន និងប្តឹងទារសំណងជំងឺចិត្ត ១២,០០០ដុល្លារ ពីបទបំពានផ្លូវភេទ ទៅលើនារីជនជាតិកូរ៉េខាងត្បូង ដែលជាអ្នកបកប្រែម្នាក់ អំឡុងពេលរូបលោកទៅចូលរួមកិច្ចប្រជុំអាស៊ានបូក៣ HRD នៅកូរ៉េខាងត្បូង កាលពីចុងខែឧសភាកន្លងទៅ។</span></p>
<p><span style="color: #000000;">ពាក់ព័ន្ធព័ត៌មាននេះ រដ្ឋមន្រ្តីក្រសួងអប់រំ យុវជន និងកីឡា លោក ហង់ ជូនណារ៉ុន បានថ្លែងប្រាប់អង្គភាពព័ត៌មាន Fresh News នៅព្រឹកថ្ងៃទី២៣ ខែមិថុនា ឆ្នាំ២០១៦នេះថា នៅវេលាម៉ោង ៣រសៀលថ្ងៃនេះក្រសួងនឹងចេញសេចក្តីថ្លែងការណ៍មួយឆ្លើយតបករណីនេះ។ តែលោកសូមមិនទាន់ធ្វើអត្ថាធិប្បាយអ្វីទាំងអស់។</span></p>
<p><span style="color: #000000;"><strong>ចំណែកលោក ឡុង ឌីម៉ង់ ឯកអគ្គរាជទូតខ្មែរប្រចាំកូរ៉េខាងត្បូង បានបញ្ជាក់ប្រាប់ Fresh News នៅមុននេះបន្តិចដែរថា ពិតជាមានករណីឃាត់ខ្លួនលោក គ្រី ស៊ាងឡុង មន្រ្តីក្រសួងអប់រំមែន, ប៉ុន្តែលោកសុំមិនធ្វើអត្ថាធិប្បាយបន្ថែម</strong>។</span></p>
<p><span style="color: #000000;">យោងតាមការចេញផ្សាយរបស់ព័ត៌មាន កូរ៉េខាងត្បូងបាឲ្យដឹងថា លោក គ្រី ស៊ាងឡុង ត្រូវបានចាប់ខ្លួននៅម៉ោងប្រមាណ១០យប់ថ្ងៃទី២៦ ខែឧសភា ម៉ោងនៅក្នុងក្រុងសេអ៊ូល ប្រទេសកូរ៉េ។ ព័ត៌មានរបស់កូរ៉េ បានផ្សាយទៀតថា លោក គ្រី ស៊ាងឡុង បានប៉ុនប៉ងរំលោភទៅលើនារីជាអ្នកបកប្រែម្នាក់ ហើយត្រូវនារីស្រែកហៅសមត្ថកិច្ចឲ្យចាប់ខ្លួនតែម្តង។</span></p>
<p><span style="color: #000000;">តាមព័ត៌មានចុងក្រោយ លោក គ្រី ស៊ាងឡុង ដែលមានតួនាទីថ្នាក់ប្រធាននាយកដ្ឋានមួយរូប ត្រូវបានអាជ្ញាធរទីក្រុងសេអ៊ូល សម្រេចដោះលែងបន្ទាប់ពីក្រសួងអប់រំកម្ពុជា បានយល់ព្រមបង់ប្រាក់ ១៤,១លានវ៉ុន ស្មើនឹង ១២,៣០០ដុល្លារសហរដ្ឋអាមេរិក ទៅលើការផាកពិន័យ។ ពាក់ព័ន្ធនិងរឿងអាស្រូវមួយនេះ Fresh News មិនទាន់អាចស្វែងរក ការបំភ្លឺពីលោក គ្រី ស៊ាងឡុង ដែលជាប្រធាននាយកដ្ឋានមួយ នៃក្រ សួងអប់រំនៅឡើយនោះទេ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-23-12-55-09-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-23-12-55-09-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>