<p><span style="color: #000000;"><strong>ភ្នំពេញ៖</strong> នារីម្នាក់បានជិះម៉ូតូក្នុងល្បឿនលឿន ជ្រុលទៅបុកនឹងឃឿនសួនច្បារ បោកក្បាលទៅនឹងថ្នល់ អូសជាង ៣០ម៉ែត្រ បណ្តាលឲ្យស្លាប់ភ្លាមៗនៅកន្លែងកើតហេតុ យ៉ាងអាណោចអធម ។ ហេតុការណ៍នេះ បានកើតឡើង កាលពីវេលាម៉ោង ២៣និង២០នាទីយប់ ថ្ងៃទី២៧ ខែមករា ឆ្នាំ២០១៥ នៅចំណុចមុខបុរីពិភពថ្មី តាមបណ្តោយផ្លូវជាតិ លេខ៥ ស្ថិតក្នុងសង្កាត់គីឡូម៉ែត្រលេខ៦ ខណ្ឌឬស្សីកែវ ។</span></p>
<p><span style="color: #000000;">ជនរងគ្រោះត្រូវបានគេស្គាល់ឈ្មោះ បាត់ សាន់ឈុន ភេទស្រី អាយុ២៤ ឆ្នាំ មុខរបរលក់អីវ៉ាន់ ស្នាក់នៅផ្ទះលេខ ១៦៩២ ផ្លូវជាតិលេខ៥ សង្កាត់ច្រាំងចំរេះទី៣២ ខណ្ឌឫស្សីកែវ ជិះម៉ូតូស្កុបពី ពណ៌ស ពាក់ស្លាកលេខភ្នំពេញ1AN-1369 ។</span></p>
<p><span style="color: #000000;">តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញជនរងគ្រោះជិះម៉ូតូស្កុបពី ធ្វើដំណើរ តាមបណ្តោយផ្លូវជាតិលេខ៥ ក្នុងទិសដៅ ពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ ស្រាប់ តែរ៉េចង្កូត ទៅបុកឃឿន ដួលទៅនឹងថ្នល់ ហើយបោកខ្ទប់ទៅនឹងសួនច្បារបណ្តាលឲ្យស្លាប់ភ្លាមៗនៅកន្លែងកើតហេតុ ចំណែកម៉ូតូរងការខូចខាត ផ្នែកខាងមុខយ៉ាងដំណំផងដែរ ។</span></p>
<p><span style="color: #000000;">ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុ ធ្វើការទំនាក់ទំនងហៅក្រុមគ្រួសារ មកដល់កន្លែង កើតហេតុ ។ បច្ចុប្បន្ន សពត្រូវបានសមត្ថកិច្ច ប្រគល់ឲ្យក្រុមគ្រួសារ ដើម្បីធ្វើបុណ្យតាមប្រពៃណីផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/28/1-28-2015-10-43-02-am-28-01-2015--10-48-41.png"><img src="/FileManager/Articles/mce/2015/1/28/1-28-2015-10-43-02-am-28-01-2015--10-48-41.png" alt="" /></a></span></p>
<p><a class="thickbox" title="" href="/FileManager/Commons/2015/1/28/1-28-2015-10-43-16-am-28-01-2015--10-49-01.png"><img src="/FileManager/Articles/mce/2015/1/28/1-28-2015-10-43-16-am-28-01-2015--10-49-01.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>