<p><span style="color: #000000;"><strong>(ភ្នំពេញ)៖</strong> ជនសង្ស័យដែលបានលួចដោះគ្រឿងអលង្ការពីក្មេងស្រីម្នាក់ កាលពីថ្ងៃទី២៧ ខែមេសា ឆ្នាំ២០១៦ម្សិលមិញ នៅក្នុងភូមិតាសេក សង្កាត់កំបូល ខណ្ឌពោធិ៍សែននោះ ត្រូវបានសមត្ថកិច្ចចាប់ខ្លួនបានហើយ នៅវេលាម៉ោង៧៖៣០ព្រឹក ថ្ងៃទី២៨ ខែមេសា ឆ្នាំ២០១៦ ត្រង់ចំណុចក្នុងផ្សារជម្ពូវ័ន សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">ជនសង្ស័យ មានឈ្មោះ យ៉ែម ធុក អាយុ២៤ឆ្នាំ មានស្រុកកំណើតភូមិមាលា ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង ស្នាក់នៅក្នុងភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ។ ចំណែកក្មេងស្រីរងគ្រោះមានឈ្មោះ ជា ស្រីនុត ស្នាក់នៅក្នុងភូមិតាសេក សង្កាត់កំបូល ខណ្ឌពោធិ៍សែនជ័យ។</span></p>
<p><span style="color: #000000;">បើតាមសមត្ថកិច្ចបានឱ្យដឹងថា គ្រឿងអលង្ការនោះ មានទម្ងន់ចំនួន៣ជី ដែលជនសង្ស័យខាងលើបានលួចដោះពីក្មេងស្រីរងគ្រោះ កាលពីម្សិលមិញ។ បច្ចុប្បន្ន ជនសង្ស័យត្រូវបានសមត្ថកិច្ចបញ្ជូនទៅសាកសួរ នៅប៉ុស្តិ៍នគរបាលខណ្ឌពោធិ៍សែនជ័យ ដើម្បីចាត់ការបន្តតាមនីតិវិធីច្បាប់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/28/7-28-04-2016--11-13-52.png"><img src="/FileManager/Articles/mce/2016/4/28/7-28-04-2016--11-13-52.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>