<div class="article-content">
<p><strong>ភ្នំពេញៈ</strong> បន្ទាប់ពីកើតមានករណីពុលត្រីកំពត ជាច្រើន ករណីបណ្តាលឲ្យអ្នកបរិភោគស្លាប់១១<br />នាក់ និងរងគ្រោះ រហូត១០៣នាក់ នាពេលកន្លងមកនោះ រដ្ឋបាលជលផល នៃក្រសួងកសិកម្ម<br /> រុក្ខាប្រមាញ់ និងនេសាទ បានចេញសេចក្តីប្រកាសបង្ហាញនូវប្រភេទត្រីក្រពត ៣ប្រភេទ ដែល<br />មានជាតិពុល និងហាមមិនឲ្យប្រជាពលរដ្ឋបរិភោគទៀតឡើយ។</p>
<p>កាលពីព្រលប់ថ្ងៃទី១៩ ខែមេសា ឆ្នាំ២០១៣កន្លងទៅនេះ ប្រជាពលរដ្ឋ២នាក់បានស្លាប់ និង១៤<br />នាក់ផ្សេងទៀត បានពុលក្អួតចង្អោរយ៉ាងធ្ងន់ធ្ងរ កំពុងសម្រាកព្យាបាលនៅមន្ទីរពេទ្យ បន្ទាប់ពីពួក<br />គាត់បាននាំគ្នាបរិភោគត្រីកំពត។ ហេតុការណ៍នេះ បានកើតឡើងនៅក្នុងភូមិ-ឃុំព្រៃគ្រី ស្រុកជល<br />គិរី ខេត្តកំ ពង់ឆ្នាំង។ ករណីពុលត្រីក្រពត៣ករណី ផ្សេងទៀត ក៏បានធ្លាប់កើតឡើងជាបន្តបន្ទាប់<br />ផងដែរ នៅស្រុកស្រីស្នំ ខេត្តសៀមរាប នៅស្រុកស្អាង ខេត្តកណ្តាល ខេត្តឧត្តរមានជ័យ និងនៅ<br />ភូមិអម្ពិលទឹក ឃុំសំបួរមាស ស្រុកមុខកំពូល ខេត្តកណ្តាល។</p>
<p>ករណីពុលត្រីក្រពតទាំង ៤ករណីខាងលើនេះ បណ្តាលឲ្យមនុស្ស១១នាក់ បានស្លាប់បាត់បង់ជីវិត<br /> និង១០៣នាក់ ផ្សេងទៀត ត្រូវបានក្រុមគ្រូពេទ្យជួយសង្រ្គោះទាន់ពេលវេលា។</p>
<p>ដោយករណីពុលមានអាការៈធ្ងន់ធ្ងរកើតមានជារឿយៗបែបនេះ កាលពីថ្ងៃទី១៩ ខែមេសា កន្លង<br />ទៅនេះ រដ្ឋបាល ជលផល បានបង្ហាញនូវត្រីក្រពតចំនួន ៣ប្រភេទ ដែលមានជាតិពុលមិនអាច<br />បរិភោគបាននោះទេ។</p>
<p>នៅក្នុងសេចក្តីប្រកាសដែលមជ្ឈមណ្ឌលព័ត៌មានដើមអម្ពិលទទួលបាននៅថ្ងៃទី២២ ខែមេសា <br />ឆ្នាំ២០១៣ បាន បញ្ជាក់ថា «នៅក្នុងប្រទេសកម្ពុជា មានត្រីក្រពតចំនួន ១០ប្រភេទ ក្នុងនោះមាន<br />៣ ប្រភេទមានជាតិពុល។ តាមការស្រាវជ្រាវបានរកឃើញថា ត្រីក្រពតដែលមានជាតិពុលនោះ<br /> រួមមាន៖ Tetraodon cochinchinensis, Mon otrete leiurus និង Tetraodon fluviatilis ដែលមានភិន<br />ភាគដូចក្នុងរូបភាព»។</p>
<p>នៅក្នុងសេចក្តីប្រកាសនោះ ក៏បានឲ្យដឹងផងដែរថា ត្រីក្រពតមានសារធាតុពុលទាំង៣ប្រភេទ <br />មានជាតិពុលខ្ពស់ បំផុតនៅរដូវពងកូនបន្តពូជ ដែលជាធម្មតាកើតឡើងនៅក្នុងខែកុម្ភៈ និងមីនា<br /> និងចន្លោះខែកក្កដា ទៅខែកញ្ញា។ ចំពោះជាតិពុលនៅក្នុងខ្លួនត្រី ក៏មានកម្រិតខុសគ្នាដែរ គឺពង<br /> និងស្ពែមមានជាតិពុលខ្ពស់ជាងគេ បន្ទាប់មកគឺថ្លើម ពោះវៀន ស្បែក និងសាច់។</p>
<p>លោក ណៅ ធួក អគ្គនាយករដ្ឋបាលជលផល បានឲ្យដឹងតាមរយៈសេចក្តីជូនដំណឹងខាងលើ<br />នេះថា ចំពោះអ្នកដែលបរិភោគនូវត្រីកំពតទាំង៣ប្រភេទខាងលើនេះ អាចបណ្តាលឲ្យឈឺក្បាល<br /> វិលមុខ ល្ហិតល្ហៃ រឹងថ្គាម ស្ពឹកចុង ដៃ ចុងជើង រាគរូស ក្អួតចង្អោរ ឬអាចបណ្តាលឲ្យស្លាប់តែម្តង។</p>
<p>លោក ណៅ ធួក បានអំពាវនាវឲ្យប្រជាពលរដ្ឋទាំងអស់ពិនិត្យត្រីក្រពតឲ្យបានច្បាស់លាស់ មុន<br />នឹងបរិភោគ ហើយបើមានអការៈពុល ត្រូវបញ្ជូនអ្នកជំងឺទៅកាន់មន្ទីរពេទ្យឲ្យបានទាន់ពេលវេលា<br /> មិនត្រូវធ្វេសប្រហែសឡើ យ៕</p>
<p><img style="display: block; margin-left: auto; margin-right: auto;" src="http://image.dap-news.com:81/dap-news/dap-images/2013/April/id-009/ST-02.png" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>