<p>ក្រុមហ៊ុនធានារ៉ាបរងអាយុជីវិត មេនូឡាយហ្វ៍ (Manulife) បានឧទ្ទេសនាមសេវាកម្មថ្មីរបស់ខ្លួន<br />សម្រាប់ប្រជាជនកម្ពុជា នោះគឺ “មរតកខ្ញុំជាមួយ មេនូឡាយហ្វ៍” ។ សេវាកម្មថ្មីនេះ ត្រូវបានក្រុម<br />ហ៊ុនផ្សព្វផ្សាយ នៅក្នុងសន្និសីទកាសែត និងសិក្ខាសាលាមួយ ដែលត្រូវបានរៀបចំឡើង នៅ<br />សណ្ឋាគារ Raffles Hotel Le Royal កាលពីព្រឹក ថ្ងៃទី 0៣ ខែធ្នូ ឆ្នាំ ២០១២ ។</p>
<p>គម្រោង “មរតកខ្ញុំជាមួយ មេនូឡាយហ្វ៍” ត្រូវបានបង្កើតឡើងសម្រាប់អតិថិជនដែលមានអាយុ<br />ចម្លោះពី ១៨ឆ្នាំ ដល់ ៤៥ឆ្នាំ ដោយផ្ដល់នូវការការពារលើអាយុជីវិត និងការសន្សំប្រាក់សម្រាប់<br />អនាគតក្រុមគ្រួសាររបស់ពួកគេ។ “មរតកខ្ញុំជាមួយ មេនូឡាយហ្វ៍” មានរួមបញ្ចូលគ្នារវាងការ<br />ការពារអាយុជីវិត និងការសន្សំប្រាក់។ គម្រោងនេះនឹងជួយដល់អតិថិជនតាមរយៈវិធីចំនួនពីរ៖</p>
<p>១. ផ្ដល់ជូននូវការការពារអាយុជីវិត ក្នុងរយៈពេលកំណត់ ១០ ឬ ១៥ឆ្នាំ ព្រមទាំងជួយឱ្យអតិថិជនអាចតម្កល់ប្រាក់សម្រាប់មនុស្សជាទីស្រឡាញ់របស់ខ្លួន ក្នុងរកណីខ្លួនបាត់បង់ជីវិត។</p>
<p>២. គម្រោងនេះនឹងជួយឱ្យអតិថិជនបានសម្រេចនូវគោលដៅផ្នែកហិរញ្ញវត្ថុ។ តាមរយៈគម្រោង<br />នេះ អតិថិជននឹងទទួលបាននូវភាគលាភប្រចាំឆ្នាំ ដោយរក្សាទុកជាប្រាក់បញ្ញើជាមួយក្រុមហ៊ុន<br /> ដើម្បីទទួលបាននូវការប្រាក់បូកបង្គរ។</p>
<p><a class="thickbox" title="" href="/FileManager/Commons/2012/12/3/cimg0031-03-12-2012--12-43-52.JPG"><img src="/FileManager/Articles/mce/2012/12/3/cimg0031-03-12-2012--12-43-52.JPG" alt="" /></a></p>
<p>ឆ្លើយតបទៅនឹងសំណួរមួយដែលសួរថា តើ ក្រុមហ៊ុនធានារ៉ាបរងជីវិត មេនូឡាយហ្វ៍ នឹងផ្ដល់<br />សំណង ឬទេ ចំពោះករណីម្ចាស់ប័ណ្ណធានារ៉ាបរង ត្រូវបានគេធ្វើឃាត? លោក Robert Elliott <br />អគ្គនាយកប្រតិបត្តិ និងនាយកចាត់ការទូទៅនៃក្រុមហ៊ុន មេនូឡាយហ្វ៍ ខេបូឌា មានប្រសាសន៍<br />ថា ក្រុមហ៊ុននឹងសងប្រាក់ធានារ៉ាបរងជីវិត ចំពោះតែករណីស្លាប់ដោយជម្ងឺ និងគ្រោះថ្នាក់ដល់<br />អាយុជីវិត ហើយប្រសិនម្ចាស់ប័ណ្ណធានារ៉ាបរង ត្រូវបានធ្វើឃាត នោះនឹងមានការផ្ដល់សំណង<br />ដល់អ្នករងគ្រោះ បន្ទាប់ពីរកមានការបញ្ជាក់ពីក្រុមសមត្ថកិច្ច។</p>
<p>បញ្ជាក់ទៅនឹងសំណួរខាងលើ អ្នកតំណាងរបស់ក្រុមហ៊ុននេះ ឱ្យដឹងថា ប្រសិនក្នុងករណីម្ចាស់<br />ប័ណ្ណធានារ៉ាបរងអាយុជីវិត ត្រូវគេសម្លាប់ក្នុងសកម្មភាពខុសច្បាប់ណាមួយដែលមានការចូល<br />រួមរបស់ម្ចាស់ប័ណ្ណធានារ៉ាបរង នោះក្រុមហ៊ុននឹងមិនមានសំណងដល់ជនរងគ្រោះនោះទេ។</p>
<p>សូមបញ្ជាក់ថា ក្រុមហ៊ុន មេនូឡាយហ្វ៍ ត្រូវបានបង្កើតឡើងកាលពីឆ្នាំ ១៨៨៧ នៅកាណាដា <br />ដោយលោក John A.Macdonald ជាអតីតនាយករដ្ឋមន្ដ្រីទី ១ របស់ប្រទេសកាណាដា ហើយ<br />បច្ចុប្បន្ន (ឆ្នាំ ២០១២) ក្រុមហ៊ុន មេនូឡាយហ្វ៍ បានជ្រើសរើសកម្ពុជា ជាការិយាល័យថ្មីបំផុត<br />របស់ខ្លួន សម្រាប់ការផ្ដល់សេវាកម្មធានារ៉ាបរងអាយុជីវិត៕</p>
<p style="text-align: right;"><br />ដោយ ៖ សីហា</p>
<p> </p>
<p> </p>
<p> </p>
<p> </p>
<p> </p>
<p> </p>