<div class="article-content">
<p><strong>ភ្នំពេញ ៖</strong> ដោយសារមានការគាំទ្រ ពីសំណាក់អ្នកប្រើប្រាស់ ជាពិសេសយុវវ័យ សម័យបច្ចុប្បន្ន<br /> យើងសង្កេតឃើញថា ហាងលក់ម៉ូតធំៗជាច្រើន បើកលក់យ៉ាងព្រោងព្រាត នៅតាមដងវិថីនានា<br />នៅទីក្រុងភ្នំពេញ។</p>
<p>នៅអំឡុងពេល ១ឆ្នាំចុងក្រោយនេះ នៅក្នុងប្រទេសកម្ពុជា ម៉ូតូប្រភេទធំ បានទទួលការគាំទ្រ <br />យ៉ាងខ្លាំង ដោយនៅតាមដងវិថីនានា ជាពិសេសតំបន់កម្សាន្ត នៅក្នុងរាជធានីភ្នំពេញ ដូចជា <br />តាមមាត់ទន្លេ និងមជ្ឈមណ្ឌលកោះពេជ្រ នៅវេលាល្ងាចយើងឃើញមានយុវវ័យជាច្រើន បាន<br />ជិះម៉ូតូប្រភេទធំៗ នាំគ្នាទៅកម្សាន្តយ៉ាងច្រើនកុះករ។</p>
<p>ប្រភេទម៉ូតូធំ ដែលមានការពេញនិយម នៅក្នុងប្រទេសកម្ពុជា មានដូចជា ៖ Honda CBR, <br />Yamaha FZ, Pulsar, Honda SL, Honda XR, Yamaha XT និង Honda FTR ជាដើម។</p>
<p>លោក ប៊ុត បូវិបុល អាយុ ២៨ឆ្នាំ ជាបុគ្គលិកផ្នែកទីផ្សារ នៃក្រុមហ៊ុនមួយ ជិះម៉ូតូធំ ម៉ាក Pulsar<br /> 200 មានតម្លៃប្រហែល ៣ពាន់ដុល្លារ សហរដ្ឋអាម៉េរិក បានឲ្យដឹងថា ការដែលគាត់ប្តូរចិត្ត មក<br />ជិះម៉ូតូធំ គឺបញ្ហាសុវត្ថិភាពជាចម្បង ជាពិសេស គឺការធ្វើដំណើរនាពេលយប់ ពុំសូវមានការ<br />ភ័យខ្លាច ដូចជិះម៉ូតូប្រភេទស្រីនោះទេ។</p>
<p>អតីតអ្នកជិះម៉ូតូសង់ប៊ិចរូបនេះ បានឲ្យដឹងថា «ការជិះម៉ូតូប្រភេទធំ មានភាពងាយស្រួល ដូចជា<br /> មានលំនឹងក្នុងការបើកបរ, មានល្បឿនលឿនងាយស្រួល ក្នុងការធ្វើដំណើរផ្លូវឆ្ងាយ និងស័ក្តិសម<br />នឹងមាឌធំរបស់ខ្ញុំ ធ្វើឲ្យខ្ញុំកាន់តែសង្ហា»។</p>
<p>លោកបានបន្តឲ្យដឹងទៀតថា ទាក់ទងនឹងការចំណាយវិញ ក៏ច្រើននោះដែរ ដោយកាលដែរគាត់<br />ជិះម៉ូតូសង់ប៊ិច ចាក់សាំង ៥ដុល្លារ ជិះបាន ១អាទិត្យ ប៉ុន្តែសម្រាប់ម៉ូតូថ្មីប្រភេទធំនេះ ចាក់ ៥<br />ដុល្លារជិះបានតែ ២ថ្ងៃប៉ុណ្ណោះ។</p>
<p>ម្ចាស់ហាងលក់ម៉ូតូប្រភេទធំមួយកន្លែង នៅជិតផ្សារទូលទំពូង លោក ហេង សែ បានមានប្រសាសន៍<br />ថា បានជាគាត់សម្រេចចិត្ត បើកហាងលក់ម៉ូតូប្រភេទធំនេះ ដោយសាររូបគាត់មើលឃើញថា បច្ចុប្បន្ន<br />អ្នកប្រើប្រាស់ម៉ូតូ មានការចាប់អារម្មណ៍ និងងាកមកប្រើប្រាស់ម៉ូតូធំច្រើន ជាពិសេសគឺនៅរយៈពេល<br />ជាង ១ឆ្នាំចុងក្រោយនេះតែម្តង។</p>
<p>លោកបានឲ្យដឹងទៀតថា ហាងម៉ូតូរបស់គាត់ មានលក់ម៉ូតូធំជាច្រើនប្រភេទ ដូចជា ៖ Honda CBR, <br />Yamaha R6, Yamaha FTR និង Suzuki ជាដើម ដោយមានតម្លៃចាប់ពី ២ពាន់ដុល្លារ ឡើងទៅ។</p>
<p>ទាក់ទងនឹងទីផ្សារលក់ចេញវិញលោក ហេងសែ បានឲ្យដឹងថា លក់ដាច់គួរសម ដោយក្នុង មួយ<br />សប្តាហ៍អាចលក់បានពី ៤ទៅ៦គ្រឿង។ លោកសង្ឃឹមថា នៅថ្ងៃអនាគត ការរកស៊ី លក់ម៉ូតូធំរបស់<br />គាត់ នឹងការរីកចំរើនកាន់តែខ្លាំង ដោយសារតម្លៃរបស់វាធូរថ្លៃ ប្រហាក់ប្រហែលទៅនឹង តម្លៃម៉ូតូ<br />ប្រភេទស្រីដែរ។</p>
<p>យ៉ាងណាក៏ដោយអ្នកវិភាគសេដ្ឋកិច្ចនៅក្នុងកម្ពុជា ក៏បានបញ្ចេញមតិផងដែរថា ទោះបីជាការប្រើ<br />ប្រាស់ ម៉ូតូប្រភេទធំ វាផ្តល់ភាពងាយស្រួល ទៅដល់អ្នកប្រើប្រាស់ក៏ដោយក្តី ប៉ុន្តែវាស័ក្តិសមសម្រាប់<br /> តែអ្នកដែលមានទ្រព្យច្រើនប៉ុណ្ណោះ ព្រោះការប្រើប្រាស់ម៉ូតូធំ ត្រូវចំណាយទៅលើ ការចាក់សាំង<br />ច្រើន ធ្វើឲ្យតម្រូវការសាំង នៅក្នុងប្រទេសមាន ការកើនឡើង បណ្តាលឲ្យមានការខាតបង់ផ្នែក<br />សេដ្ឋកិច្ច ខណៈចំណូលសម្រាប់ប្រជាជនម្នាក់ៗ នៅក្នុងប្រទេសកម្ពុជា មានកម្រិតទាបនៅឡើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0344.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0342.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0343.jpg" alt="Looking Today" width="600" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>