<p><span style="color: #000000;">ព័ត៌មានអន្តរជាតិ ៖ អ្នកកាសែត ៥ នាក់ ជាបុគ្គលិកស្ថានីយ៍ទូរទស្សន៍មួយ របស់ប្រទេស ល៊ីប៊ីនោះ ត្រូវ ត្រូវបានគេប្រទះឃើញថា បានស្លាប់បាត់បង់ជីវិតបាត់ទៅហើយ ៨ ខែក្រោយ បន្ទាប់ ពីពួកគេ ត្រូវបាន ចាប់ជម្រិតយកទៅ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/28/30-28-04-2015--10-12-37.jpg"><img src="/FileManager/Articles/mce/2015/4/28/30-28-04-2015--10-12-37.jpg" alt="" /></a><br /></span></p>
<p><span style="color: #000000;">អ្នកនាំពាក្យអោយរដ្ឋាភិបាលអោយដឹងថា ៖ សាកសពជនរងគ្រោះទាំង ៥ នាក់នោះត្រូវបានប្រទះឃើញ នៅជិតទីក្រុង Al Bayda ជិតនឹងកន្លែងកើតហេតុ ចាប់ជម្រិត កាលពី ៨ ខែមុន ។ របាយការណ៍ បញ្ជាក់ បានថា ជនរងគ្រោះទាំង ៥ នាក់នេះ ត្រូវបានចាប់ជម្រិត តាំងពីខែសីហា ឆ្នាំ ២០១៤ កន្លងទៅ អំឡុង ពេលដែលពួកគេ ធ្វើដំណើរឆ្លងកាត់ដែនអធិបតេយ្យភាព ដែលគ្រប់គ្រងដោយក្រុម ឧទ្ទាម រដ្ឋអ៊ីស្លាម ជ្រុលនិយម IS ។ សេចក្តីរាយការណ៍ បញ្ជាក់អោយដឹងថា ៖ ប្រទេស ល៊ីប៊ី បានធ្លាក់ ចូល ទៅក្នុងភាព ចលាចល បន្ទាប់ពីមានការផ្តួលរលំរបបដឹកនាំ ផ្តាច់ការ លោក Muammar Gaddafi អំឡុង ឆ្នាំ ២០១១ ខណៈបញ្ជាភាព មានបញ្ហាប្រឈមខ្លាំង ចំពោះ ២ ភាគី នោះគឺ រដ្ឋាភិបាលនិងក្រុមកងកម្លាំងក្រុមឧទ្ទាម ផ្តាច់ការ ។ </span></p>
<p><a class="thickbox" title="" href="/FileManager/Commons/2015/4/28/31-28-04-2015--10-12-46.jpg"><img src="/FileManager/Articles/mce/2015/4/28/31-28-04-2015--10-12-46.jpg" alt="" /></a></p>
<p><span style="color: #000000;">មេបញ្ជាការ យោធាពីភាគខាងកើត ប្រទេស ល៊ីប៊ី លោក Faraj al-Barassi ផ្តល់ជា កិច្ច សម្ភាសន៍ ដល់ សារព័ត៌មាន Reuters អោយដឹងថា ៖ ក្រុមសកម្មប្រយុទ្ធ មានភក្តីភាពចំពោះ ក្រុមរដ្ឋអ៊ីស្លាមជ្រុលនិយម Islamic State (IS) ចេញមុខថាខ្លួនជាអ្នកនៅពីក្រោយ ការសម្លាប់លើកនេះ ។ គួររំឮកថា ក្រុមសកម្ម ប្រយុទ្ធ ផ្សាភ្ជាប់ទំនាក់ទំនងជាមួយនឹង IS បានបង្កើតវត្តមានខ្លាំងរបស់ខ្លួន នៅក្នុង ប្រទេស ល៊ីប៊ី ក៏ដូច ជានៅក្នុងទីក្រុង Derna ជាទីកន្លែងដែលជនរងគ្រោះទាំងនោះ ត្រូវបានចាប់ជម្រិត និង សម្លាប់ចោល៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>