<p><span style="color: #000000;"><strong>ភ្នំពេញ៖</strong> ប្រិយមិត្តប្រាកដជាស្គាល់ហើយនូវបទចម្រៀង «បក្សីក្ងោកមាស» នោះ ប៉ុន្តែប្រហែលមិនដឹងពីប្រវត្តិនៃបទចម្រៀងនេះនោះទេ។ ថ្ងៃនេះ LookingTODAY សូមទម្លាយអាថ៌កំបាំងនេះជូនប្រិយមិត្តតាមរយៈ រៀមច្បងជើងចាស់មួយរូបដែលដឹងរឿននេះ សរសេររៀបរាប់អំពើប្រវត្តិដើម ដែលនាំឲ្យកើតមានបទ «បក្សីក្ងោងមាស»។</span></p>
<p><span style="color: #000000;">បទបក្សីក្ងោកមាស ច្រៀងដោយលោក អ៊ឹម សុងសឺម ជាបទចម្រៀងទី1រៀបរាប់ពីស្នេហាបែកបាក់រវាងប្ដីប្រពន្ធ គឺលោកអ៊ុំ សុផានុរក្ស ហៅយ៉ែល អ្នកវាយស្គ និង អ្នកស្រីហួយ មាស អ្នកចម្រៀងនិងជាអ្នកនិយាយល្ខោននិយាយប្រចាំវិទ្យុជាតិ ទស្សវត្តន៏ ៦០-៧០ ក្នុងន័យលោកអ៊ុំ សុផានុរក្ស ចោទអ្នកស្រីហួយ មាស ថាផឹកក្បត់ប្ដី រត់តាមប្រុស ដែលជាមន្ត្រីប៉ូលីសមានយសសក្ដិ មានលុយ ចោលទាំងកូនតូច។</span></p>
<p><span style="color: #000000;">អ្នកស្ដាប់បទនេះ បើមិនដឹងពីគោលបំណងរបស់អ្នកនិពន្ធ អ្នកច្រៀងទេ គឺបានត្រឹមតែពិរោះ ម្យ៉ាងប៉ុណ្ណោះ តែបើបានដឹងពីរឿងរ៉ាវពិតនៃខ្លឹមសារអត្ថន័យ អត្ថរសបទចម្រៀងវិញ គឺកាន់តែចូលចិត្តស្ដាប់ថែមទៀត ។ យ៉ាងហោចណាស់នៅមាន៥-៦បទទៀត ដែលសុទ្ធតែជាបទពិរោះៗពាក់ព័ន្ធទៅនឹងរឿងរ៉ាវស្នេហាបែកបាក់នៃគ្រួសារអ្នកសិល្បះមួយគូដូចជា បទ «ចិត្តខុសពីមុន» ច្រៀងដោយអ្នកស្រីហួយ មាស ផ្ទាល់ជាការឆ្លើយតបទៅនិងបទ «បក្សីក្ងោកមាស» បទ «ទួលគោក ទួលកម្ម» បទ «អណ្ដាតម្ដាយក្មេក» បទ «ឈាមខ្មៅមួយតក់» បទ «កូនយើងអាយុ៥ឆ្នាំហើយ» និងបទ «ផ្កាស្លារុះរោយ» ដែលគេស្ទើតែមិនដែលឮ នាពេលបច្ចុប្បន្ននេះ៕</span></p>
<p><a class="thickbox" title="" href="/FileManager/Commons/2015/1/29/10-29-01-2015--08-28-41.jpg"><img src="/FileManager/Articles/mce/2015/1/29/10-29-01-2015--08-28-41.jpg" alt="" /></a></p>
<p><span style="color: #000000;"><object width="487" height="417" data="http://www.youtube.com/v/ahcJ49YV42Y&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ahcJ49YV42Y&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>