<p><span style="color: #000000;"><strong>ភ្នំពេញ ៖</strong> គណៈកម្មាធិការជាតិ រៀបចំការបោះឆ្នោត (គ.ជ.ប) បានសម្រេចបំផ្លាញសន្លឹកឆ្នោត ដែល បានប្រើប្រាស់រួច ក្នុងការបោះឆ្នោតជ្រើសតាំង តំណាងរាស្រ្ត ឆ្នាំ២០០៨ និងសន្លឹកឆ្នោត ជ្រើសរើស ក្រុមប្រឹក្សាឃុំ-សង្កាត់ ឆ្នាំ២០១២ សរុបចំនួន ២០.៩៩២.៥០៤សន្លឹក ស្មើនឹង៣៤.៩៨២កញ្ចប់ ។</span></p>
<p><span style="color: #000000;">លោក ទេព នីថា អគ្គលេខាធិការ គ.ជ.ប បានមានប្រសាសន៍ថា នៅព្រឹកថ្ងៃទី២៤ ខែតុលា ឆ្នាំ២០១៤ គ.ជ.ប បានបំផ្លាញសន្លឹកឆ្នោតនៅរោងពុម្ព លីវ៉ានហុង ក្នុងសង្កាត់បឹងកក់ទី១ ខណ្ឌទួលគោក ។</span></p>
<p><span style="color: #000000;">លោកបន្តថា តាមច្បាប់ស្តីពីការបោះឆ្នោត គ.ជ.ប ត្រូវធ្វើការបំផ្លាញ សន្លឹកឆ្នោតទាំងអស់ ដែលបានប្រើ ប្រាស់ក្នុងការបោះឆ្នោតជ្រើសតាំង តំណាងរាស្រ្តតាម អាណត្តិនីមួយៗ បន្ទាប់ពីបានរក្សាទុក ប្រកប ដោយសុវត្ថិភាព ក្នុងរយៈពេល ៤ ឆ្នាំ ចាប់ពីថ្ងៃបោះឆ្នោតហើយតាមច្បាប់ស្តីពីការបោះឆ្នោតជ្រើសតាំង ក្រុមប្រឹក្សាឃុំ-សង្កាត់ តាមអាណត្តិនីមួយៗ បន្ទាប់ពីបានរៀបចំទុកដាក់ ឲ្យមានសុវត្ថិភាព ក្នុងរយៈ ពេល ២ឆ្នាំចាប់ពីថ្ងៃបោះឆ្នោត ។</span></p>
<p><span style="color: #000000;">លោក អ៊ឹម សួស្តី ប្រធាន គ.ជ.ប បានមានប្រសាសន៍ ក្នុងពិធីបំផ្លាញសន្លឹកឆ្នោតនោះថា ដោយមើល ឃើញ នូវតម្រូវការផ្នែកច្បាប់ និងស្ថានភាពចាំបាច់ របស់ឃ្លាំងដែលនឹងត្រូវរក្សាទុកសន្លឹកឆ្នោត នឹង សម្ភារៈបម្រើឲ្យការបោះឆ្នោតខាងមុខទៀត គ.ជ.ប បានសម្រេច បង្កើតគណៈកម្មការមួយ ដើម្បីដឹកនាំ ចាត់ចែងការបំផ្លាញសន្លឹកឆ្នោតនេះឡើង ។</span></p>
<p><span style="color: #000000;">លោកបានបញ្ជាក់ថា ពិធីបំផ្លាញនេះ មិនមែនជាការងារថ្មីដែល គ.ជ.ប ទើបតែអនុវត្តនោះទេ កន្លងមក ធ្លាប់បានធ្វើពិធីនេះចំនួន ២លើករួចមកហើយ លើកទី១សន្លឹកឆ្នោតប្រើប្រាស់រួច នៅឆ្នាំ១៩៩៨ និង ២០០២ ហើយការដុតបំផ្លាញនាពេលនោះ គឺនៅថ្ងៃទី១២ ខែវិច្ឆិកា ឆ្នាំ២០០៥ ។ លើកទី២ ដុតកម្ទេច សន្លឹកឆ្នោតប្រើប្រាស់រួច នៅឆ្នាំ២០០៣ និង២០០៧ គឺដុតនៅថ្ងៃទី២៤ ខែមេសា ឆ្នាំ២០០៩ ដោយ ផ្លាស់ប្តូរនីតិវិធី នៃការបំផ្លាញពីការដុតកម្ទេច មកការកាត់ចិញ្រ្ចាំជំនួសវិញ។ ចំណែកការបំផ្លាញលើក ទី៣នេះ ក៏ធ្វើឡើងដោយការកាត់ចិញ្ច្រាំដូចមុនដែរ ។</span></p>
<p><span style="color: #000000;">សន្លឹកឆ្នោត ដែលប្រើប្រាស់រួច ក្នុងឆ្នាំ២០១២ មានចំនួន១០ .៥៣៨ .២៦០សន្លឹក ស្មើនឹង១៨.១០៧ </span><span style="color: #000000; font-size: 11.8181819915771px;">កញ្ចប់ ៕</span></p>
<p><span style="color: #000000; font-size: 11.8181819915771px;"><br /><a class="thickbox" title="" href="/FileManager/Commons/2014/10/24/election20133-24-10-2014--12-04-32.png"><img src="/FileManager/Articles/mce/2014/10/24/election20133-24-10-2014--12-04-32.png" alt="" width="516" height="420" /></a><br /></span></p>
<p><span style="color: #0000ff;"><a href="/News/Detail/50489/social-news-cambodia--pp" target="_blank"><span style="color: #0000ff;">អាន៖ </span></a><span style="font-size: small;"><a href="/News/Detail/50489/social-news-cambodia--pp" target="_blank"><span style="color: #0000ff;">គ.ជ.ប នឹងបំផ្លាញសន្លឹកឆ្នោត ដែលប្រើរួច ឆ្នាំ២០០៨ និង២០១២ នៅថ្ងៃទី២៤ ខែតុលា</span></a></span></span></p>
<p> </p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>