<p>ព័ត៌មានអន្តរជាតិ ៖ ជាការពិត បើតាមការអោយដឹង ពីទំព័រ សារព័ត៌មានប្លែកបរទេស ដឹមីរ័រ អោយ ដឹងថា បំណែកនៃលលាដ៍ ស្រ្តីម្នាក់ បានជំនួស ដោយលលាដ៍ក្បាល ប្លាស្ទិច ពោលអាចធ្វើទៅបាន ក្រោយពីមានការវះកាត់ និងបោះពុម្ពចេញ នូវលលាដ៍ក្បាល នោះ តាមរយៈ ប្រព័ន្ធបច្ចេកវិទ្យា 3D</p>
<p>បន្ថែមពីលើនេះ ប្រភពសារព័ត៌មានដដែល បញ្ជាក់អោយដឹងថា ជាទូទៅ លលាដ៍ក្បាល មនុស្ស យើងមានកម្រាស់ ប្រមាណជា ១,៥ ស.ម នោះទេ តែដឹងអីថា ជាមួយនឹងវត្តមាន លលាដ៍ក្បាល ស្រ្តីករណីមួយនេះ វ័យ ២២ ឆ្នាំ នាងមានកម្រាស់លលាដ៍ក្បាល ដល់ទៅ ៥ ស.ម ឯណោះ ដោយ នៅក្នុងនោះ វាគឺជាចលករមួយ ដែលញ៉ាំងអោយមានសម្ពាធ និង បាត់បង់ ចក្ខុវិញ្ញាណ ។</p>
<p><a class="thickbox" title="" href="/FileManager/Commons/2014/3/28/32-28-03-2014--11-16-12.jpg"><img src="/FileManager/Articles/mce/2014/3/28/32-28-03-2014--11-16-12.jpg" alt="" /></a></p>
<p>សេចក្តីរាយការណ៍ បញ្ជាក់អោយដឹងថា គ្រូពេទ្យវះកាត់ បានជោគជ័យ នៅក្នុងការវះកាត់ប្រភេទ នេះជាទំព័រប្រវត្តិសាស្រ្ត របស់ពិភពលោក កាលពី ៣ ខែមុន ដោយនៅក្នុងនោះ ធ្លាប់តែមានការវះ កាត់បន្សាំ ដោយដៃ តែពេលនេះ គឺមានការវះកាត់ ប្រកបទៅដោយវិជ្ជាជីវៈខ្ពស់ 3D ។</p>
<p>លោកវេជ្ជបណ្ឌិត ជំនាញខាងធ្វើការវះកាត់ លោក Dr Ben Verweij ក្រោយពីបានធ្វើការវះកាត់បាន ជោគជ័យ នារីជាអ្នកជម្ងឺ ត្រូវបានរកអោយឃើញថា លែងមានសម្ពាធក្បាលទៀតហើយ ខណៈ ប្រ ព័ន្ធចក្ខុវិញ្ញាណរបស់នាង ដំណើរការជាធម្មតាឡើងវិញ ។</p>
<p>គួររំឭកថា ករណីវះកាត់ ពីអ្នកជំនាញ មកពីប្រទេស ហូឡង់ លើកនេះ ត្រូវបានរកអោយឃើញថា បានប្រើប្រាស់ បច្ចេកវិទ្យា 3D ទាំងស្រុង ជាលើកដំបូង របស់ពិភពលោក ខណៈពេល ឆ្នាំ ២០១៣ កន្លងទៅនេះ នៅឯសហរដ្ឋអាមេរិក ឯណោះវិញ បុរសម្នាក់ ត្រូវបានធ្វើការវះកាត់ ដោយទទួលបាន ជោគជ័យ ខណៈមានការវះកាត់ ប្រើប្រាស់ បច្ចេកវិទ្យា 3D ក្នុងអត្រា ៧៥ ភាគរយ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដឹមីរ័រ</p>