<div class="article-content">
<p><span style="color: #000000;"><strong>ភ្នំពេញ ៖</strong> ជនសង្ស័យ ជាឃាតកម្នាក់ ត្រូវបានកម្លាំង នគរបាលប៉ុស្តិ៍៍ទឹកថ្លា ឃាត់ខ្លួន បន្ទាប់ពីធ្វើសកម្មភាព ចាក់សម្លាប់នារីម្ចាស់ ហាងអ៊ិនធើណិត កាលពីវេលាម៉ោង២១និង៤០នាទីថ្ងៃទី២៩ ខែកញ្ញា ឆ្នាំ២០១៤ នៅចំណុច ផ្ទះលេខ ៤៥-៤៧ ផ្លូវ លេខ ២៧១ ស្ថិតក្នុងភូមិត្រពាំងឈូក សង្កាត់ ទឹកថ្លា ខណ្ឌសែនសុខ រាជធានីភ្នំពេញ ។</span></p>
<p><span style="color: #000000;">សមត្ថកិច្ចបានឲ្យដឹងថា សពជនរងគ្រោះឈ្មោះ លឹម ឈុនគីម ភេទស្រី អាយុ ២៣ឆ្នាំ ស្នាក់នៅក្នុងផ្ទះកើតហេតុខាងលើ ជាមួយ ប្អូនៗពីរនាក់ទៀត។ ចំណែកជនដៃដល់ជា ឃាតក ឈ្មោះដាង សភ័ក្រ ភេទប្រុស អាយុ២២ឆ្នាំ មុខរបរ ជាងគំនូរ មានទីលំនៅ ផ្ទះជួលសង្កាត់បឹងកក់១ ខណ្ឌទួលគោក ។</span></p>
<p><span style="color: #000000;">សមត្ថកិច្ចបាននិយាយថា នៅមុនពេលកើតហេតុ ជនរងគ្រោះបាន រៀបចំបិទទ្វារ ហាងសំរាកហើយក៏បាន ឡើងទៅបន្ទប់ ឡៅតឿ ត្រួតពិនិត្យសម្ភារៈ បិទប្រព័ន្ធ ចរន្ត អគ្គិសនីក៏ស្រាប់តែ ឮសូរ សម្លេងក្តុងក្តាង និងស្រែកឲ្យជួយភ្លាមៗនោះៗ ក៏នាំគ្នាឡើងទៅមើលឃើញ ជនដៃដល់កំពុងចាក់ សម្លាប់ជនរងគ្រោះហើយក៏ប្ដឹងសមត្ថកិច្ចឲ្យមកជួយអន្តរាគមន៏ ចាប់ជនសង្ស័យបានតែម្តង ។</span></p>
<p><span style="color: #000000;">សមត្ថកិច្ចបានឲ្យដឹងបន្តថា ឃាតក បានចូលមកលេងហ្គេមអ៊ីនធឺណិត ចាប់ពីល្ងាចមកម្ល៉េះ ហើយបានលួចសម្ងំលាក់ ខ្លួននៅបន្ទប់ ឡៅតឿនោះរហូតមកដល់ពេលកើតហេតុ ។</span></p>
<p><span style="color: #000000;">សមត្ថកិច្ចមិនទាន់សន្និដ្ឋានថា តើករណីខាងលើជាការរំលោភ រឺក៏ជាករណីប្លន់នៅឡើយទេ ហើយបច្ចុប្បន្ន ជនសង្ស័យជាឃាតក ត្រូវឃុំខ្លួន បណ្តោះអាសន្ន នៅអធិការដ្ឋាននគរបាល ខណ្ឌសែនសុខ ដើម្បីកសាង សំណុំរឿងបញ្ជូនទៅ កាន់តុលាការ ចាត់ការតាមច្បាប់ ៕</span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-011/Hong-0525.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-011/Hong-0526.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-011/Hong-0527.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-011/Hong-0528.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-011/Hong-0529.jpg" alt="" /></span></p>
</div>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>