<div class="article-content">
<p><strong>បាត់ដំបងៈ</strong>កូនប្រុសទំនើង របស់ថៅកែស៊ុបគោភ្នំធំ ត្រូវសមត្ថកិច្ច នគរបាលបង្កាបង្រ្កាប នៃការិ<br />យាល័យ កម្រិតស្រាល ខេត្ត បានឃាត់ខ្លួន កាលពី វេលាម៉ោង ៣រសៀលថ្ងៃទី៥ ខែឧសភា ឆ្នាំ<br />២០១៣ តាមបញ្ជារបស់ លោកព្រះរាជអាជ្ញានួន សាន ពីបទ បង្កហិង្សា មានស្ថានទម្ងន់ ទោស<br /> (វ៉ៃគេ ឲ្យខ្វាក់ភ្នែក ស្តាំម្ខាងរបួសធ្ងន់) ត្រូវបានបញ្ជូន ទៅសង្រ្គោះ នៅប្រទេសវៀតណាម ដែល<br /> បានប្រព្រឹត្ត កាលពីវេលាម៉ោង ៦និង៣០នាទី ល្ងាចថ្ងៃទី៤ ខែឧសភា ឆ្នាំ២០១៣ នៅចំណុចមាត់<br />ស្ទឹងសង្កែ ស្ថិត ក្នុងភូមិ.សង្កាត់រតនៈក្រុងបាត់ដំបង ចំណែកឯបក្ខពួកជនល្មើស មួយចំនួនទៀត<br /> កំពុង រត់គេចខ្លួនបាត់ ។</p>
<p>លោកប្រធាន ក្រុមបង្កាបង្រ្កាបខេត្ត បានឲ្យដឹងថា យោងតាមពាក្យ បណ្តឹងរបស់ជនរងគ្រោះ និង<br />អនុវត្តតាម បញ្ជារបស់ លោក ព្រះរាជអាជ្ញា នួន សាន រួចមក លោកបានបញ្ជាកម្លាំង មួយក្រុមចុះ<br />ធ្វើការឃាត់ខ្លួនជនសង្ស័យម្នាក់ ឈ្មោះ ចៅ វួចខី ភេទប្រុស អាយុ២០ឆ្នាំ ជានិស្សិតឆ្នាំទី២ នៅ <br />សាកលវិទ្យាល័យបៀលប្រាយ សាខាខេត្តបាត់ដំបង និងរថយន្តទំនើប១គ្រឿង កាលពី វេលា<br />ម៉ោង៣រសៀលថ្ងៃទី៥ខែឧសភា ឆ្នាំ២០១៣ ដើម្បី សាកសួរចម្លើយ។ចំណែកជនរងគ្រោះមាន<br />ចំនួន២នាក់មាន៖ទី១ឈ្មោះ មឿន ដារ៉ា ភេទប្រុសអាយុ១៥ឆ្នាំ សិស្សរៀននៅវិទ្យាល័យ ព្រះមុនី<br />វង្ស បាត់ដំបង មានទីលំនៅភូមិកម្មករ សង្កាត់ស្វាយ ប៉ោក្រុងបាត់ដំបង (រងរបួសធ្ងន់ខូចភ្នែកខាង<br />ស្តាំម្ខាង) ទី២ឈ្មោះ ឡាំ ប៊ុណ្ណារុង ភេទប្រុស អាយុ១៨ ឆ្នាំ (រងរបួសស្រាល) មានទីលំនៅភូមិផ្កា<br />ស្លា សង្កាត់ចំការសំរោង ក្រុងបាត់ដំបង ។ ឯបក្ខពួកជនសង្ស័យ មានចំនួន៦នាក់ មានទី១ឈ្មោះ<br /> យុត តាន់វីទូ ភេទប្រុសអាយុ២០ឆ្នាំ (ជនដៃដល់) ទី២ឈ្មោះ ង៉ូវ សាវ៉ាតា ភេទប្រុសអាយុ២០ឆ្នាំ<br />(ជនដៃដល់) ទី៣ឈ្មោះ ស៊ុយ ភេទប្រុសអាយុ២០ឆ្នាំ ទាំង៣នាក់ នេះមានទីលំនៅភូមិ.សង្កាត់ចំការ<br />សំរោងក្រុងបាត់ដំបង និង៣នាក់ទៀត មិនស្គាល់ ឈ្មោះនិងអាស័យដ្ឋាន បានរត់គេចខ្លួន បាត់ទាំង<br />៦នាក់។</p>
<p>ក្រោយពីបាន ឃាត់ខ្លួនជនសង្ស័យ ហើយគេបានឆ្លើយសារភាពថា មុនពេលកើតហេតុ ខ្លួនបាន<br />បើករថយន្តទៅផឹកទឹកអំពៅ នៅម្តុំមាត់ស្ទឹង ត្រើយខាងកើតកន្លែងកើតហេតុ ស្រាប់តែជនរងគ្រោះ<br />ជិះម៉ូតូឈប់ជិតបានសម្លឹងមុខខ្លួន ភ្លាមៗ នោះខ្លួនបាន សួរថា មើលមុខអញចង់យ៉ាងម៉េច ក្រោយ<br />មកខ្លួនក៏បានទូរស័ព្ទហៅបក្ខពួកមានគ្នា៥ទៅ៦នាក់ មកជួយ ពេលបក្ខពួកខ្លួន មកដល់ខ្លួនបញ្ជាឲ្យ<br />ឈ្មោះ ង៉ូវ សាវ៉ាតា និងឈ្មោះ យុត តាន់វិទូ ម្នាក់់ បានទាញកាំបិត កាប់អំពៅម្នាក់ទៀត បានយក<br />ខ្សែ ក្រវ៉ាត់វ៉ៃទៅលើជនរងគ្រោះ ចំភ្នែកខាងស្តាំបណ្តាល ឲ្យរងរបួសធ្ងន់និងម្នាក់ទៀត រងរបួស<br />ស្រាល។ ក្រោយពីបាន បង្កវ៉ៃគ្នារួចបក្ខពួកខ្លួនក៏បាននាំគ្នាគេចខ្លួនអស់។</p>
<p>បើតាមសាច់ញាតិ ជនរងគ្រោះបាននិយាយ ប្រាប់អ្នកព័ត៌មានថា ជនសង្ស័យដែលសមត្ថកិច្ច ឃាត់<br />ខ្លួនបាននោះគឺ ជាមេក្លោងក្មេងទំនើងនិង ជាអ្នកបញ្ជាឲ្យគេវ៉ៃ ដោយអាងខ្លួនជាកូនអ្នកមាន ដើរបង្ក<br />ជម្លោះជាមួយគេស្ទើតែគ្រប់គ្នា។សមត្ថកិច្ចម្នាក់បានបង្ហើបប្រាប់ថា ជនសង្ស័យ ដែលបានឃាត់ខ្លួន<br />នេះ គឺជាក្មេងទំនើង ដើរបង្កអុកឡុកដើរវ៉ៃគេបង្កអសន្តិសុខ ជាច្រើនលើកច្រើនដងមកហើយ តែ<br />សមត្ថកិច្ចមិនដែលចាប់បាន។</p>
<p>មតិប្រជាពលរដ្ឋខ្លះបាននិយាយថា ជនល្មើសម្នាក់នេះអាងកូនអ្នកមាន និងអាងខ្នងអ្នកធំផង ពួកគេ<br />រង់ចាំមើលថា តើចំណាត់ការច្បាប់និង ធ្វើយ៉ាង ណាបន្តទៀត និងសំណូមពរសូមមេត្តាកុំដោះលែង<br />ឲ្យសោះ បើពុំដូច្នេះទេគឺគេពិតជាមាន ខ្នងធំមែន និងអាងអំណាចទឹកប្រាក់ហើយ។ ពេលនេះ ក្រុម<br />គ្រួសារជនល្មើសកំពុងរត់ការខ្វែងដៃខ្វែងជើង ដើម្បីសុំឲ្យដោះលែងជន ល្មើស ។</p>
<p style="text-align: left;">លោកវរសេនីយ៍ត្រី ម៉េង លៀង នាយរងការិយាល័យព្រហ្មទណ្ឌកម្រិតស្រាល និងជាប្រធានក្រុម<br />បង្កាបង្រ្កាបខេត្ត បានបញ្ជាក់ថា យោងតាម បញ្ជារបស់លោកព្រះរាជអាជ្ញា និងពាក្យបណ្តឹងជនរង<br />គ្រោះ ព្រមទាំងចម្លើយសារភាពរបស់ជនសង្ស័យរួចមក លោកស្នងការខេត្ត បានបញ្ជាឲ្យ ការិយា<br />ល័យ ជំនាញកសាងសំណុំរឿងបញ្ជូនខ្លួនជនសង្ស័យទៅ តុលាការ ខេត្កដើម្បីចាត់ការបន្តតាម<br />ច្បាប់។ ចំណែកបក្ខពួកជនល្មើស ផ្សេទៀត សមត្ថកិច្ចកំពុងសុំដីកា ពីតុលាការតាម ចាប់ខ្លួន បន្ត<br />ទៀត ដើម្បីយកដាក់ទោសតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0061.jpg" alt="" width="400" /></p>
<p style="text-align: center;"><strong>ជនរងគ្រោះដែលត្រូវក្មេងទំនើងវាយរហូតដល់ខ្វាក់ភ្នែកម្ខាង</strong></p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0075.jpg" alt="" width="400" /></p>
<p style="text-align: center;"><strong>ជនសង្ស័យដែលត្រូវសមត្ថកិច្ចឃាត់ខ្លួន</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>