<div class="article-content">
<p><strong>ភ្នំពេញ៖</strong> ប្រជាពលរដ្ឋ បានប្រទះឃើញទារកមួយរូប ដែលទើបនឹងកើត ហើយម្តាយរបស់គេ<br /> ច្រកក្នុងថង់ខ្មៅមក ប្លុងចោល នៅក្បែររមណីយដ្ឋាន វត្តភ្នំ កាលពីវេលាម៉ោង៩និង៥នាទី ព្រឹក<br />ថ្ងៃទី១៥ ខែមិថុនា ឆ្នាំ២០១៣ ស្ថិតក្នុង សង្កាត់ភ្នំ ខណ្ឌដូនពេញ។</p>
<p>លោកអ៊ុន សំអាត នាយនគរបាលប៉ុស្តិ៍វត្តភ្នំ បានឲ្យដឹងថា ទារកនោះនៅមានជីវិតនៅឡើយ <br />ប្រហែលជាទើប ប្រសូត ចេញពីផ្ទៃពោះម្ដាយ និងមានសភាព ទន់ខ្សោយ ។</p>
<p>នៅក្នុងហេតុការណ៍ ជនបរទេសមួយរូប បានជួយសង្គ្រោះទារកនោះ ហើយស្ត្រីមួយរូបទៀត <br />បានបីទារកនោះទៅ កាន់ មន្ទីរពេទ្យគន្ធបុប្ផា ដើម្បីធ្វើការព្យាបាលសង្គ្រោះជាបន្ទាន់ ។</p>
<p>បច្ចុប្បន្នសមត្ថកិច្ច តាមស្វែងរកម្តាយ ដើម្បីដឹងអំពីមូលហេតុច្បាស់លាស់ នៃករណីនេះឡើយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-078/Lay-263.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-078/Lay-262.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>