<p><span style="color: #000000;"><strong>ភ្នំពេញ៖</strong> តារាសម្តែង និង ពិធីការិនីវ័យក្មេង សម្រស់ស្រស់សោភា កំពុងតែជោគជ័យក្នុង អាជីពសិ ល្បៈជាពិធីការិនី ប្រចាំស្ថានីយទូរទស្សន៍ អាស៊ីអាគ្នេយ៍ កញ្ញា ណាក់ ស្រីណា ថ្មីៗ នេះឮដំណឹងថា កំពុងមានបុរស អាណិកជនខ្មែរ-អាមេរិក ពេញចិត្តតាមស្រលាញ់ ចង់បាននាង ជាគូអនាគត។ ប៉ុន្តែដំណឹងនេះ ត្រូវបានម្ចាស់ខ្លួន ណាក់ ស្រីណា ចេញមុខបធិសេធថា ពុំមាន នោះទេ។</span></p>
<p><span style="color: #000000;">ផ្អែកតាមប្រភព និយាយក្នុងលក្ខខណ្ឌ សុំមិនបញ្ជេញឈ្មោះ បានប្រាប់គេហទំព័រ Looking TODAY ឱ្យដឹងថា បច្ចុប្បន្ននេះមានបុរសអាណិកជនខ្មែរ រស់នៅសហរដ្ឋអាមេរិក វ័យជាង៣០ ឆ្នាំម្នាក់ បានចេញចិត្ត និង ព្យាយាមតាមទាក់ទងសុំសេចក្តីស្រលាញ់ កញ្ញា ណាក់ ស្រីណា ។ មិនតែប៉ុណ្ណោះ បុរសម្នាក់នេះ ក៏ មានបំណងចង់រៀបការជាមួយស្រីស្រស់ ណាក់ ស្រីណា ទៀតផង។</span></p>
<p><span style="color: #000000;">ប្រភពបានបន្តថា អាណិកជនម្នាក់នោះ បានដាក់ចិត្តស្រទ្បាញ់ កញ្ញា ណាក់ ស្រីណា ជិតមួយ ឆ្នាំមក ហើយគ្រាន់តែដំបូងទ្បើយ បុរសម្នាក់នោះពុំហ៊ានចេញមុខសារភាពស្នេហ៍នោះទេ ទើប តែថ្មីៗនេះ ខណៈបុរសខាងលើ មកលេងស្រុកខ្មែរ ក៏បាននិយាយបើកចំហរ ប្រាប់ដល់មិត្តភក្តិ ដើម្បីឲ្យជួយរឿងនេះ។</span></p>
<p><span style="color: #000000;">ប្រាប់គេហទំព័រ LookingTODAY នៅរសៀល ថ្ងៃទី១៥ ខែកក្កដា ឆ្នាំ២០១៤ នេះតារាសម្តែង និង ជាពិ ធីការិនីវ័យ២៤ឆ្នាំ កញ្ញា ណាក់ ស្រីណា បាននិយាយបដិសេធថា អត់មានរឿងនេះ ទេ ហើយខ្លួននាងផ្ទាល់ ក៏ពុំបានដឹងដែរ។</span></p>
<p><span style="color: #000000;">កញ្ញា ណាក់ ស្រីណា បញ្ជាក់ថា "កាលពីមុនធ្លាប់មានមែន ប៉ុន្តែឥទ្បូវនេះគ្មានទេ សូម្បីតែខ្លួនខ្ញុំ ផ្ទាល់ ក៏មិនទាំងដឹងផងហ្នឹង? ធម្មតាប្រសិន ជាមានមែននោះ ខ្ញុំប្រាកដជាដឹងខ្លួនឯងហើយ ។ កាលពីមុនគឺធ្លាប់មានគេទាក់ទងស្រទ្បាញ់មែន ហើយក៏មានអ្នកទូរស័ព្ទហៅ នាងឲ្យជួបដែរ ប៉ុន្តែកាលនោះ នាងបដិសេធ មិនទទួល ការស្រទ្បាញ់ និង ជួបនរណាទេ..!"។</span></p>
<p><span style="color: #000000;">តារាសម្តែង និងជាពិធិការិនី ដ៏ស្រស់ប្រិមប្រិយកញ្ញា ណាក់ ស្រីណា បានឈានជើង ចាប់យក អាជីពសិល្បៈក្នុងឆ្នាំ២០១០ ក្រោយពីបានប្រឡងជាប់ ចំណាត់ថ្នាក់លេខ១ផ្នែកពិធីការិនី ក្នុង កម្មវិធី "ពេជ្រកំពុងច្នៃ" របស់ស្ថានីយទូរសទស្សន៍អាស៊ីអាគ្នេយ៍ ។ បន្ទាប់ពីទទួលផ្លែផ្កា ពី សិល្បៈតារាសម្តែង ណាក់ ស្រីណា មួយរយៈចុងក្រោយនេះ កាន់តែបន្តខិតខំស្វះស្វែង សាង កេរ្តិ៍ឈ្មោះបន្ថែមទៀត ដើម្បីឱ្យមានការគាំទ្រកាន់តែច្រើនឡើង៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-065/PISETH-0131.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/July/id-065/PISETH-0130.jpg" alt="" width="500" /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល </span></p>