<p><strong>ក្រុងញូវយ៉ក:</strong> លោក Hilton ជាប្តីរបស់រាជិនីសម្រស់ប្រចាំកម្មវិធី Idaho បានរកឃើញឧបទ្ទវហេតុ<br />ដ៏គួរឲ្យរន្ធត់ព្រឺព្រួចកើតឡើងលើប្រពន្ធលោក គឺនាង Jamie Hilton នាពេលរអិលដួលផ្ងារក្រោយ<br />ក្បាលបោកនឹងផ្ទាំងថ្មនៃច្រាំងទន្លេមួយ។ ទិដ្ឋភាពនោះបានធ្វើឲ្យរូបលោកជាស្វាមីភ័យតក់ស្លុតញ័រ<br />អស់ប្រាណ។</p>
<p><a class="thickbox" title="" href="/FileManager/Commons/2012/10/5/d-05-10-2012--17-11-16.jpg"><img src="/FileManager/Articles/mce/2012/10/5/d-05-10-2012--17-11-16.jpg" alt="" width="491" height="368" /></a></p>
<p>លោក Hilton និយាយថា៖ « ខ្ញុំបានស្រែកហៅឈ្មោះនាងម្តងហើយម្តងទៀត យ៉ាងញ័រមាត់តែម្ដង<br /> ហើយខ្ញុំក៏ស្ទុះលោតទៅត្រកងនាងភ្លាម»។គូស្នេហ៍នេះកំពុងតែនាំគ្នាស្ទូចត្រីលេងកម្សាន្តនៅតំបន់<br />ព្រំដែនរដ្ឋអាយដាហូ និងរដ្ឋអ័ររីហ្គេន សហរដ្ឋអាមេរិក ដែលស្ថិតនៅឆ្ងាយពីផ្លូវគោក ជាហេតុពិ<br />បាកនឹងរកអ្នកជួយសង្គ្រោះ។ ទីបំផុតលោកក៏រកបានទូកមួយដឹកភរិយាមុននឹងបន្តជិះឧទ្ធម្ភាគចក្រ<br />ទៅកាន់មន្ទីរពេទ្យ "សែនអាល់ផូណុស" ក្នុងទីក្រុង "ប័រស៍" ដែលចំណាយពេលដល់ទៅបីម៉ោង<br />ឯណោះទើបបានមកដល់កន្លែងព្យាបាល។</p>
<p><a class="thickbox" title="" href="/FileManager/Commons/2012/10/5/a-05-10-2012--17-10-38.jpg"><img src="/FileManager/Articles/mce/2012/10/5/a-05-10-2012--17-10-38.jpg" alt="" width="492" height="351" /></a></p>
<p>គួររំឮកផងដែរថា ពេលមកដល់មន្ទីរពេទ្យ ក្រុមវេជ្ជបណ្ឌិតបានប្រាប់លោក Hilton ថាស្ថានភាពជំងឺ<br />របស់ប្រពន្ធលោកមានសង្ឃឹមរស់តែ ៥០ ភាគរយប៉ុណ្ណោះ ។ ជាពិសេស ខួរក្បាលរងការប៉ះទង្គិច<br />ធ្ងន់ធ្ងរដែលវាអាចរីកមាឌ។ ដូច្នេះ លោកចាំបាច់ត្រូវកាត់យកឆ្អឹងលលាដ៍ក្បាលនាងមួយផ្នែកចេញ<br /> ក្រុមវេជ្ជបណ្ឌិត បានសម្រេចយកបំណែកឆ្អឹងលលាដ៍ក្បាលនោះ យកទៅរក្សាទុកនៅក្នុងពោះ<br />របស់នាងអស់រយៈពេល៤២ ថ្ងៃ ដើម្បីឲ្យសំណុំខួរក្បាលសះស្បើយឡើងវិញទើបដកយកបំណែក<br />ឆ្អឹងលលាដ៍ក្បាលពីក្នុងពោះមកភ្ជាប់នឹងគ្រោងឆ្អឹង ក្បាលទាំងមូល។</p>
<p><a class="thickbox" title="" href="/FileManager/Commons/2012/10/5/c-05-10-2012--17-10-59.jpg"><img src="/FileManager/Articles/mce/2012/10/5/c-05-10-2012--17-10-59.jpg" alt="" width="492" height="394" /></a></p>
<p>លើសពីនេះទៅទៀត របាយការណ៍ដដែល បានបន្ថែមអោយដឹងផងដែរថា គ្រោះថ្នាក់កើតឡើង<br />នោះនៅក្នុងខែមិថុនា ។ បច្ចុប្បន្នអតីតរាជិនីសម្រស់រូបនេះ ស្ទើរតែមិនអាចចងចាំហេតុការណ៍<br /> ដែលសឹងតែឆក់យកជីវិតនាង ។ បវរកញ្ញាប្រចាំរដ្ឋ អាយដាហូឆ្នាំ ២០០៩ រូបនេះបានប្រាប់ថា ៖ <br />«ពេលខ្ញុំដឹងខ្លួនឡើង ស្រាប់តែឃើញមានសមាជិកក្រុមគ្រួសារ និងប្តីនៅក្នុងបន្ទប់តែម្តង។ ពួកគេរំ<br />ភើបខ្លាំងណាស់ដែលឃើញខ្ញុំបើកភ្នែកដឹងខ្លួនឡើងវិញ » ។ តែក្រោយមកនាងក៏បានសម្លឹងមើល<br />ទៅស្នាមកំពកប៉ោងលើក្បាលពោះរបស់នាង ដែលជាទីវេជ្ជបណ្ឌិត បានវះកាត់ដើម្បីរក្សាបំណែក<br />ឆ្អឹងលលាដ៍ក្បាល រង់ចាំដល់ថ្ងៃតភ្ជាប់នឹងឆ្អឹងក្បាលវិញ។</p>
<p><a class="thickbox" title="" href="/FileManager/Commons/2012/10/5/00-05-10-2012--17-15-00.jpg"><img src="/FileManager/Articles/mce/2012/10/5/00-05-10-2012--17-15-00.jpg" alt="" width="492" height="329" /></a></p>
<p>វេជ្ជបណ្ឌិត ថូម៉ាស ម៉ាននីង ដែលបានព្យាបាលឲ្យនាងបានពន្យល់ថា ៖ « រាងកាយអ្នកជំងឺគឺជា<br />កន្លែង អាចរក្សាឆ្អឹងលលាដ៍ក្បាលនេះបានល្អ ប្រសើរ ។ បន្ទាប់ពីជាសះស្បើយ យើងនឹងវះយក<br />វាមកតភ្ជាប់កន្លែងដើមវិញ» ។ ៤២ថ្ងៃក្រោយ វេជ្ជបណ្ឌិតក៏បានដកយកបំណែកឆ្អឹងលលាដ៍ក្បាល<br />ពីក្នុងពោះ មកតភ្ជាប់នឹងឆ្អឹងក្បាលដូចការសន្យា។ ករណី វះកាត់ដ៏ចម្លែកនេះក៏ធ្លាប់ត្រូវបានអនុវត្ត<br />ជាមួយលោកពិធីករ បុប វូត្រាហ្វ ពេលរងរបួសពីសង្គ្រាមឯប្រទេសអ៊ីរ៉ាក់ផងដែរ។</p>
<p>ទោះបីជាពេលឥឡូវ សុខភាពរបស់នាង ចាមី បានសះស្បើយលឿនក៏ពិតមែន ប៉ុន្តែនាងនៅមិន<br />ទាន់អស់អារម្មណ៍ភិតភ័យឡើយ ដោយនាងថ្លែងថា៖ « បានរួចជីវិតពីទ្វារយមរាជមកវិញ ពិតជា<br />រឿងមួយដ៏អស្ចារ្យណាស់សម្រាប់រូបខ្ញុំ និងក្រុមគ្រួសារ» ៕</p>
<p style="text-align: right;">ដោយ ៖ ពិសី<br />ប្រភព ៖ Dailymail</p>