<p>ព័ត៌មានអន្តរជាតិ ៖ វេលាព្រឹកថ្ងៃសៅរ៍នេះ សាកសព ជនរងគ្រោះ ម្នាក់ផ្សេងទៀតត្រូវបានគេប្រទះ ឃើញ អណ្តែតនៅលើផ្ទៃទឹក ជិតទីកន្លែង លិចនាវា ដឹកសិស្ស កូរ៉េខាងត្បូង ដែលបានលិចកាល ពីថ្ងៃពុធ កន្លងទៅនេះ នៅឯឈូងសមុទ្រ ភាគនិរតី ប្រទេស នេះបើយោង តាមការដកស្រង់ អត្ថបទផ្សាយ ពីគេហទំព័រសារព័ត៌មានរដ្ឋចិន ស៊ិនហួរ ក្រោយពីបានដកស្រង់ ពីកាសែតក្នុងស្រុក YTN បន្ទាប់ពីបានសេចក្តីរាយការណ៍ ពីឆ្មាំសមុទ្រ កូរ៉េខាងត្បូង ។</p>
<p><a class="thickbox" title="" href="/FileManager/Commons/2014/4/19/74270642021931292-1-19-04-2014--08-31-05.jpg"><img src="/FileManager/Articles/mce/2014/4/19/74270642021931292-1-19-04-2014--08-31-05.jpg" alt="" width="480" height="269" /></a></p>
<p>ដោយឡែក សេចក្តីរាយការណ៍ បន្តអោយដឹងថា សាកសពជនរងគ្រោះ ម្នាក់ទើបតែបានរក ឃើញលើកនេះ ជាស្រ្តីភេទ ដោយនៅក្នុងនោះ បានញ៉ាំងអោយតួរលេខ អ្នកស្លាប់ កើនដល់ទៅ ២៩ នាក់ហើយ ស្របពេលដែល ២៧៣ នាក់ផ្សេងទៀត បន្តបាត់ខ្លួននៅឡើយ ខណៈ ១៧៤ នាក់ផ្សេងទៀត ត្រូវបានក្រុមការងារ ជួយសង្គ្រោះ ។</p>
<p><a class="thickbox" title="" href="/FileManager/Commons/2014/4/19/74272804021932920-1-19-04-2014--08-31-16.jpg"><img src="/FileManager/Articles/mce/2014/4/19/74272804021932920-1-19-04-2014--08-31-16.jpg" alt="" width="480" height="269" /></a></p>
<p>គួររំឭកថា ប្រតិបត្តិការជាពិសេស ជ្រមុជទឹកទាំងយប់ ថ្ងៃសុក្រ រហូតដល់ព្រឹកថ្ងៃសៅរ៍ វេលាម៉ោង ៦ ព្រឹកមុននេះ បន្តិច គេឃើញមាន ឆ្មាំសមុទ្រ ក្រុមអ្នកជ្រមុជទឹក កងទ័ពជើងទឹក និង ឯកជន បាននាំគ្នា បន្តជ្រមុជយ៉ាងសស្រាក់សស្រាំ ដើម្បីឈានទៅដល់ ក្នុងការរុករកឃើញច្រកទ្វារ ចូលនាវា និងចូលទៅក្នុងនាវា ដើម្បីធ្វើការជួយសង្គ្រោះ ក្រុមមនុស្ស ដែលនៅរស់រានមានជីវិត តែជាអកុសល ពុំទាន់មានសេចក្តីរាយការណ៍ បញ្ជាក់ថា បានរកឃើញ ក្រុមមនុស្ស នៅរស់នៅ ឡើយទេ។</p>
<p><a class="thickbox" title="" href="/FileManager/Commons/2014/4/19/south-korea-19-04-2014--08-31-27.jpg"><img src="/FileManager/Articles/mce/2014/4/19/south-korea-19-04-2014--08-31-27.jpg" alt="" width="483" height="245" /></a></p>
<p>គួរបញ្ជាក់ថា នាវាយក្ស ទម្ងន់ ៦,៨២៥ តោនមួយនេះ មានឈ្មោះថា Sewol បានក្រឡាប់លិច នៅ កោះ Jindo ភាគនិរតី ប្រទេសកូរ៉េខាងត្បូង ខណៈមានជំនឿជាក់ថា ក្រុមមនុស្សដែលបាន បាត់ ខ្លួននោះ បានជាប់គាំង នៅក្នុងនាវា លិច ៕</p>
<p style="text-align: right;">ប្រែសម្រួល ៖ កុសល<br /> ប្រភព ៖ ស៊ិនហួរ</p>