<p><strong>ភ្នំពេញៈ</strong> ខណៈដែលបច្ចុប្បន្ន មានតារាចម្រៀងប្រុសស្រី ស្ទើរគ្រប់ផលិតកម្ម កំពុងតែខំប្រឹង<br />បង្ហាញស្ទីលថ្មីប្លែក ទាក់ទាញការចាប់អារម្មណ៍ ដើម្បីបង្កើនប្រជាប្រិយភាព ទាំងបទចម្រៀង<br />បែបមនោសញ្ចេតនា បទញាក់កន្រ្តាក់អារម្មណ៍ និងបាននាំគ្នាបង្កើតក្រុមរាំផ្ទាល់ខ្លួន ដើម្បីឲ្យ<br />ចង្វាក់ញាក់របស់ពួកគេ មើលទៅមានក្បាច់ និងមានសភាពរស់រវើក។ ដោយឡែកស្រីស្រស់<br />វ័យក្មេង កញ្ញា ណយ ដែលធ្លាប់តែច្រៀងបទ មនោសញ្ចេតនា ក៏កំពុងតែត្រៀមចេញ បទ<br />ចម្រៀងញាក់ ក្នុងពេលឆាប់ៗនេះ ប៉ុន្តែបែរជាប្រាប់ឲ្យដឹងថា នាងមិនចង់បង្កើតក្រុមរាំផ្ទាល់<br />ខ្លួនដដែលៗ ដូចតារាចម្រៀងដទៃទេ ។</p>
<p>តារាចម្រៀងស្រីវ័យ ជាង២០ឆ្នាំ មានឈ្មោះពិតថា សែម ស្រីណយ បានប្រាប់ LookingTO<br />DAY ឲ្យដឹងថា ពេលនេះនាងរវល់ថត បទចម្រៀង សម្រាប់វ៉ុលថ្មី ថត MV សម្រាប់បម្រើ<br />អារម្មណ៍ទស្សនិកជនមិត្តៗយុវវ័យ ។ នៅក្នុងពេលឆាប់ៗខាងមុខនេះ ខាងផលិតកម្មក៏ត្រៀម<br />និពន្ធ បទចម្រៀងជាចង្វាក់ញាក់ ផ្លាស់ប្តូរស្ទីល ក្នុងការបកស្រាយបទចម្រៀង។ ម្យ៉ាងខាង<br />ផលិតកម្ម ក៏ចង់ធ្វើ តម្រូវចិត្តយុវវ័យសម័យនេះ ថែមទៀតផង ។</p>
<p>តារាចម្រៀង ប្រចាំផលិតកម្ម Big Man រូបនេះ បានប្រាប់ឲ្យដឹងថា នៅចុងឆ្នាំនាងត្រៀមស្ទីល<br />ថ្មី ធ្វើឲ្យប្លែកអារម្មណ៍ ។ ធម្មតាជាតារា មិនត្រូវមានស្ទីល ដដែលៗទេ ត្រូវតែមានអ្វីប្លែកជានិច្ច។ សូម្បីតែការបកស្រាយបទចម្រៀងក៏ដូចគ្នាដែរ ត្រូវតែរកអ្វីដែលថ្មី ហើយពេលនេះ ខាងផលិត<br />កម្ម ក៏កំពុងតែរៀបចំ បទចម្រៀងជាចង្វាក់ថ្មី សម្រាប់នាងមិនធ្លាប់មានពីមុន គឺការបកស្រាយ<br />បទចម្រៀងចង្វាក់ញាក់។ បទត្រៀមចេញនេះ ធានាថាថ្មី ហើយប្លែកសម្រាប់ទស្សនិកជន ។</p>
<p>កញ្ញា ណយ បានប្រាប់ឲ្យដឹងទៀតថា “ខ្ញុំមានដុង(ទេពកោសល្យ) ខាងរាំច្រើនគួរសម ប៉ុន្តែខ្ញុំ<br />អត់ចង់បង្កើតក្រុមរាំ ដូចតារាចម្រៀងប្រុសស្រីផ្សេងនោះទេ ព្រោះខ្ញុំចូលចិត្តធ្វើម្នាក់ឯង គិតថា<br />ល្អ ហើយការរាំនោះ ប្រហែលជា អាចមានដៃគូរាំជាមួយម្នាក់តែប៉ុណ្ណោះ ។ មិនមែនជាលក្ខណៈ<br />ក្រុមដូចតារាដទៃទេ ។ ខ្ញុំនិយាយបែបនេះមិនមែន ចង់មានន័យប៉ះពាល់ លើអ្នកសិល្បៈដូចគ្នាទេ<br /> តាមពិតទៅតារាគ្រប់រូប តែងតែមានស្ទីលផ្សេងៗប្លែកៗពីគ្នា មិនដូចគ្នាទេ។ ដូច្នេះហើយបានជា<br />ខ្ញុំ ចង់ធ្វើឲ្យប្លែកខុសពីគេ ហើយក៏មិន ចង់បង្កើតក្រុមរាំផ្ទាល់ខ្លួនដែរ គឺខ្ញុំចង់ធ្វើគ្រប់យ៉ាងដោយ<br />ខ្លួនឯង ខ្ញុំសង្ឃឹមថា ទស្សនិកជន និងបន្តគាំទ្រខ្ញុំកាន់តែច្រើនខ្លាំងជាងនេះបន្ថែមទៀត ” ៕</p>
<p><img src="http://image.lookingtoday.com:81/lookingtoday/looking-images/news/2013/November/id-065/PISETH-0264.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/November/id-065/PISETH-0265.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/November/id-065/PISETH-0266.jpg" alt="Looking Today" width="470" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិ ៖ ដើមអំពិល </p>