<div class="article-content">
<p><strong>កំពង់ស្ពឺ</strong> ៖ កម្លាំងនគរបាល ខេត្ដកំពង់ស្ពឺ សហការជាមួយកម្លាំង នគរបាលខេត្ដកំពត ដឹកនាំ<br />ដោយលោកឧត្ដមសេនីយ៍ត្រី ម៉ៅ ច័ន្ទ មធុរិទ្ធ ស្នងការរង និងជាប្រធានការិយាល័យកណ្ដាល<br />យុត្ដិធម៌ បានឃាត់ខ្លួន ជនសង្ស័យពីរនាក់ ម្នាក់ជាអតីតកីឡាប្រដាល់សេរី ទ្រី គន្ធរ កាលពី<br />វេលាម៉ោង១២ និង១០នាទី យប់ រំលង អាធ្រាត្រ ឈានចូលថ្ងៃទី១៣ ខែសីហា ឆ្នាំ ២០១៣ <br />ថិតនៅផ្ទះសំណាក់រីករាយ ក្នុង ភូមិកំពង់ បាយខាងត្បូង សង្កាត់កំពង់បាយ ក្រុងកំពត ខេត្ដ<br />កំពត ក្រោយពីជន សង្ស័យទាំងពីរនាក់ បានបាញ់ សម្លាប់បុរសវ័យ៦៧ឆ្នាំ រស់នៅភូមិទី២ <br />ឃុំត្រែងត្រយឹង ស្រុកភ្នំស្រួច ខេត្ដកំពង់ស្ពឺ ជាម្ចាស់ហាង លក់ស្រាបៀរ ។</p>
<p>សូមបញ្ជាក់ថា ជនរងគ្រោះឈ្មោះសាន់ សឿន អាយុ៦៧ឆ្នាំ និងមានប្រពន្ធឈ្មោះ ពេជ្រ <br />អាន អាយុជិត ៦០ឆ្នាំ មានកូនម្នាក់ បានស្លាប់ភ្លាមៗនៅផ្ទះរបស់ខ្លួន នៅភូមិឃុំ កើតហេតុ<br />ខាងលើ កាលពីវេលា ម៉ោង ៨និង៣០នាទីយប់ថ្ងៃទី១២ ខែសីហា ឆ្នាំ២០១៣ ក្រោយពីជន<br />សង្ស័យទាំងពីរបាញ់ចំមួយគ្រាប់ ត្រូវ សៀតផ្កា ដោយសារមានជម្លោះពាក្យ សំដីជាមួយ<br />គ្នា ។</p>
<p>យោងតាមប្រភពព័ត៌មានពីសមត្ថកិច្ច ខេត្ដកំពតបានឱ្យដឹងថា ជនដៃដល់នៃអំពើ ឃាតកម្ម<br />នេះ ឈ្មោះជួង វណ្ណៈ ហៅអាង៉ោល អាយុ៣៣ឆ្នាំ រស់នៅភូមិឈើទាលជ្រុំ ឃុំក្រាំងលាវ<br /> ស្រុក បាទីខេត្ដតាកែវ ហើយ បច្ចុប្បន្នរស់នៅម្ដុំបឹង ក្រពើ រាជធានីភ្នំពេញ ។ ដោយជន<br />សង្ស័យទី២ ដែលជាបក្ខពួកឈ្មោះ ទ្រី គន្ធរ ហៅអេឡុង អាយុ៣២ឆ្នាំ អតីត កីឡាប្រដាល់<br />សេរី រស់នៅសង្កាត់ស្រះចក ខណ្ឌដូនពេញ ។</p>
<p>បើតាមសមត្ថកិច្ច ក្រោយបាញ់សម្លាប់ ជនរងគ្រោះ ព្រោះតែជម្លោះពាក្យសំដីនោះ ជន<br />សង្ស័យទាំង ពីរនាក់បានរត់គេចខ្លួនទៅ ស្នាក់នៅផ្ទះសំណាក់រីករាយ ក្នុងក្រុងកំពត ក៏<br />ត្រូវសមត្ថកិច្ចចាប់ បានទីនោះ តែម្ដង ដោយដកហូតកាំភ្លើងខ្លី កា៥៩មួយដើម ដែល<br />មាន១៤គ្រាប់ ។</p>
<p>បច្ចុប្បន្នជនសង្ស័យរូបនេះ ត្រូវបានសមត្ថកិច្ចខេត្ដកំពត ប្រគល់ឱ្យសមត្ថកិច្ចខេត្ដកំពង់ស្ពឺ<br /> ដែលជាម្ចាស់ ករណី យកទៅចាត់ការតាមផ្លូវច្បាប់៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0313.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0314.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>