<p><strong>អាម៉េរិក៖ </strong>មហាសេដ្ឋី និងបុគ្គលសំខាន់ៗ ផ្នែកបច្ចេកវិទ្យា និងវីដេអូហ្គេម បាននឹងកំពុងធ្វើការ ឆ្លងតបគ្នាទៅវិញទៅមក ក្នុងការលេងល្បែង ចាក់ទឹកកក (Ice Bucket Challenge) ដើម្បីជួយរ៉ៃអង្គាស ប្រាក់ផ្តល់ទៅសមាគមន ALS ជាសមាគម មិនរកប្រាក់ចំណេញ របស់សហរដ្ឋអាម៉េរិក ជួយព្យាបាលអ្នកជំងឺ ប្រព័ន្ធសរសៃប្រសាទ និងឆ្អឹងខ្នង។</p>
<p>នាយក និងជានាយកប្រតិបត្តិក្រុមហ៊ុន Sony Computer Entertainment America លោក Shawn Layden គឺជាមនុស្សចុងក្រោយគេ ក្នុងចំណោម អ្នកបច្ចេកវិទ្យា ដែលបានចាក់ទឹកកក ទៅលើក្បាលរបស់គាត់។</p>
<p>លោក Shawn Layden បានធ្វើការហៅ បន្តទៅកាន់ នាយកប្រតិបត្តិ ក្រុមហ៊ុន Activision Blizzard លោក Bobby Kotick, នាយកក្រុមហ៊ុន GameStop លោក Tony Bartel និងប្រធានគ្រប់គ្រង ក្រុមហ៊ុន PlayStation នៅសហភាព អឺរ៉ុប លោក Jim Ryan ឲ្យលេងល្បែងនេះផងដែរ។</p>
<p>ច្បាប់នៃល្បែងចាក់ទឹកកកនេះ តម្រូវឲ្យអ្នកដែលត្រូវបាន គេហៅឲ្យលេងបន្ត ធ្វើការចាក់ទឹកកក ទៅលើក្បាលរបស់ខ្លួន និងថតបង្ហោះលើប្រព័ន្ ធទំនាក់ទំនងសង្គម ដោយមាន ពេលត្រឹមតែ ២៤ម៉ោងប៉ុណ្ណោះ បើមិនធ្វើតាម ចាត់ទុកថាចាញ់ នឹងត្រូវបរិច្ចាគប្រាក់ ១ទ្វេរជា២។</p>
<p>លោក Bill Gates នាយកក្រុមហ៊ុន Microsoft ត្រូវបានគេស្គាល់ថាជា មហាសេដ្ឋីផ្នែកបច្ចេកវិទ្យា លោកបានធ្វើឲ្យ មហាជនចាប់អារម្មណ៍ ជាងគេ ដោយលោកបានបង្កើត ឧបករណ៍សម្រាប់ ចាក់ទឹកកកមកលើក្បាល របស់គាត់ ស្របតាមការហៅ ពីនាយកក្រុមហ៊ុន Facebook លោក Mark Zuckerberg។</p>
<p><span style="line-height: 1.8;">ក្រៅពីនេះ នាយកប្រតិបត្តិក្រុមហ៊ុន Amazon លោក Jeff Bezos, នាយកប្រតិបត្តិក្រុមហ៊ុន Tesla លោក Elon Musk, នាយកប្រតិបត្តិ ក្រុមហ៊ុន Apple លោក Tim Cook, នាយកប្រតិបត្តិក្រុមហ៊ុន Microsoft លោក Satya Nadella និងនាយកប្រតិបត្តិ ក្រុមហ៊ុន Twitter លោក Dick Costolo ក៏បានចូលរួម លេងល្បែងនេះដែរ។ </span><span style="line-height: 1.8;">សមាគមន ALS រ៉ៃអង្គាសប្រាក់បានជាង ៦៤លានដុល្លារអាម៉េរិក នៅក្នុងឆ្នាំ ២០១៣ នេះបើតាមសម្តី អ្នកនាំពាក្យសមាគមន ALS លោកស្រី Carrie Munk បានឲ្យដឹង។</span></p>
<p>គិតត្រឹមថ្ងៃពុធ ទី២០ ខែសីហា ឆ្នាំ២០១៤នេះ សមាគមន ALS បានទទួលទឹកប្រាក់ ៣១,៥លានដុល្លារអាម៉េរិក ពីការបរិច្ចាគ ដោយធ្វើការ ប្រៀបធៀប ទៅនឹងរយៈពេលដូចគ្នា កាលពីឆ្នាំ២០១៣ មានការកើនឡើង ១១០០ភាគរយ (គិតចាប់ពីថ្ងៃទី២៩ កក្កដា ដល់ថ្ងៃទី២០ សីហា) បានត្រឹមតែ ១,៩លានដុល្លារសហរដ្ឋអាម៉េរិក តែប៉ុណ្ណោះ។ ប្រាក់បរិច្ចាគទាំងអស់នេះ បានទទួលមកពីអ្នក ដែលធ្លាប់បរិច្ចាគស្រាប់ និងក្រុមអ្នក បរិច្ចាគថ្មីចំនួន ៦៣៧.៥២៧នាក់ ផងដែរ៕</p>
<p><object width="508" height="435" data="http://www.youtube.com/v/rni0Rtu4jTs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/rni0Rtu4jTs&rel=1" /></object></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-099/v_0186.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33522----video-inside.html" target="_blank">ផ្តល់សិទ្ធដោយ ៖ ដើមអម្ពិល</a></p>