<p>ប្រភពព័ត៌មានពី The Korea Times បានចេញផ្សាយថា ក្រុមហ៊ុនផ្គត់ផ្គង់គ្រឿងបំលាស់ឱ្យ Apple<br /> បានទទួលស្គាល់ថា ក្រុមហ៊ុន Apple កំពុងអភិវឌ្ឍ និងផលិតអេក្រង់ Retina មានទំហំ ១២,៩អ៊ីន្ឈ៍ ដោយមានកម្រិតរីសូលូសឹន 2.160x3.840 ភិចសេល នៅកូរ៉េខាងត្បូង ដើម្បីបំពាក់ទៅលើ iPad<br /> ជំនាន់ថ្មី ដែលនឹងត្រូវបង្ហាញខ្លួន នៅប៉ុន្មានខែខាងមុខ។</p>
<p style="text-align: center;"><a class="thickbox" title="" href="/FileManager/Commons/2013/11/20/សថ-20-11-2013--16-10-11.jpg"><img src="/FileManager/Articles/mce/2013/11/20/សថ-20-11-2013--16-10-11.jpg" alt="" /></a></p>
<p style="text-align: center;"><em>iPad ១២,៩អ៊ិន្ឈ៍ និង Laptop</em></p>
<p><br />ក្រុមអ្នកវិភាគអះអាងថា iPad ដែលមានអេក្រង់១២,៩អ៊ីន្ឈ៍ នេះ គឺជាជំហានធំមួយ ក្នុងការផ្លាស់ប្ដូរស្រឡាយ Macbook Air ។ នៅក្នុងស្ថានភាពដែល iPhone និង iPad បច្ចុប្បន្ន លែងនៅជាផលិតផលខុសប្លែកពីគូប្រជែងមកពី Android ដូច្នេះ ក្រុមហ៊ុន Apple អាចនឹងបំពាក់ក្ដារចុច និងកូនកណ្ដុរគ្មានខ្សែ រួមនឹងការកែលំអមួយចំនួននៅលើ iOS ទៅឱ្យ iPad អេក្រង់១២,៩អ៊ីន្ឈ៍ ដើម្បីបន្ថែមប្រសិទ្ធិភាពសម្រាប់តម្រូវការការងារ។<br /><br />គួររំឭកថា មុននេះក៏មានព័ត៌មានមួយចំនួន និយាយថា iPad អេក្រង់១២,៩អ៊ីន្ឈ៍ នឹងបង្ហាញខ្លួនក្នុងរយៈពេល ៣ខែខាងមុខ។ ប្រសិនប្រការនេះក្លាយជាការពិត នោះ ឆ្នាំ ២០១៤ នឹងជាឆ្នាំដែលមានការផ្លាស់ប្ដូរធំ ព្រោះថា Apple មិនត្រឹមតែបង្កើនទំហំអេក្រង់របស់ iPad ប៉ុណ្ណោះទេ ប៉ុន្ដែ iPhone ក៏ត្រូវគេរំពឹងថា នឹងត្រូវបំពាក់អេក្រង់ ៥អ៊ិន្ឈ៍ រីសូលូសឹន Full HD ផងដែរ នេះបើតាមការវិភាគរបស់ក្រុមអ្នកជំនាញការ។</p>
<p style="text-align: center;"><a class="thickbox" title="" href="/FileManager/Commons/2013/11/20/129ipadipadsdark-800x450-20-11-2013--16-11-32.jpg"><img src="/FileManager/Articles/mce/2013/11/20/129ipadipadsdark-800x450-20-11-2013--16-11-32.jpg" alt="" /></a></p>
<p style="text-align: center;"><em>iPad ១២,៩អ៊ិន្ឈ៍ , iPad Air និង iPad mini</em></p>
<p><br />ទន្ទឹមនិង iPad រួមនិង iPhone អេក្រង់ធំ អ្នកគាំទ្រ Apple ជាច្រើនថែមទាំងជឿថា នាឡេកា ឆ្លាតវៃ iWatch ក៏នឹងត្រូវបានបង្ហាញខ្លួនក្នុងទីផ្សារ នៅឆ្នាំក្រោយ ជាមួយនិងអេក្រង់ OLED ទន់ មានអេក្រង់ ១,៥អ៊ិន្ឈ៍ ផ្គត់ផ្គង់ដោយ LG ។</p>
<p> </p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/39870/weather-warfare-of-the-us-military"><span style="color: #3366ff;">អាមេរិកកំពុងសាកល្បង បង្កើតព្យុះ ដោយប្រើ បច្ចេកវិទ្យាថ្មី ?</span></a></span></p>
<p><span style="color: #3366ff;"><a href="/News/Detail/90164/apple-upgrades-macbook-pro-line-with-retina-haswell-chip"><span style="color: #3366ff;">Apple អាប់ឌេតស៊េរី Macbook Pro Retina ជាមួយនឹង chip Haswell, ថ្មល្អជាងមុន</span></a></span></p>
<p><span style="color: #3366ff;"><a href="/News/Detail/67321/android-accounted-for-81-smartphone-sales-windows-phone-up-156"><span style="color: #3366ff;">Android ដណ្តើមបាន ៨១% ស្មាតហ្វូនបានលក់ចេញ ក្នុងពេល Windows Phone កើនបាន ១៥៦%</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ macrumors/PhoneArena<br /><br /></p>